Yash Toxic: కేజీఎఫ్ సిరీస్తో ప్రపంచవ్యాప్త గుర్తింపు తెచ్చుకున్న కన్నడ స్టార్ యష్, ప్రస్తుతం నటిస్తున్న ‘టాక్సిక్’ (Toxic) సినిమాతో మరోసారి బాక్సాఫీస్ వద్ద ప్రకంపనలు సృష్టిస్తున్నారు. ఈ సినిమా తెలుగు థియేట్రికల్ హక్కులను ప్రముఖ నిర్మాత దిల్ రాజు దాదాపు 120 కోట్ల రూపాయల భారీ ధరకు దక్కించుకున్నట్లు సమాచారం. ఒక పరభాషా హీరో సినిమాకు, అది కూడా కేవలం తెలుగు రాష్ట్రాల హక్కులకే ఇంత భారీ స్థాయి డీల్ కుదరడం ఇప్పుడు ట్రేడ్ వర్గాల్లో హాట్ టాపిక్గా మారింది. కేజీఎఫ్ 2 తెలుగులో సాధించిన అద్భుతమైన వసూళ్లే యష్పై ఈ స్థాయిలో నమ్మకం ఉంచడానికి ప్రధాన కారణమని సినీ విశ్లేషకులు భావిస్తున్నారు.
Read also-NTR Dragon: ఎన్టీఆర్ ఫాన్స్కు గుడ్ న్యూస్.. ‘ఎన్టీఆర్నీల్’ సినిమా టీజర్ వచ్చేది ఎప్పుడంటే?
అయితే, తెలుగు టాప్ హీరోల సినిమాలే 100 కోట్ల షేర్ వసూలు చేయడం గగనమవుతున్న తరుణంలో, ఒక డబ్బింగ్ సినిమాపై ఇంతటి భారీ పెట్టుబడి పెట్టడం సాహసమేనని చెప్పాలి. కేవలం మాస్ ఇమేజ్ మాత్రమే కాకుండా, ఈ చిత్రంలో నయనతార, కియారా అద్వానీ వంటి పాన్ ఇండియా స్టార్స్ ఉండటం ఈ సినిమాకు అదనపు బలాన్ని ఇస్తోంది. మార్చి 19, 2026న విడుదల కాబోతున్న ఈ చిత్రంపై ఉన్న క్రేజ్ దృష్ట్యా, కంటెంట్ గనుక బాగుంటే ఈ టార్గెట్ను అందుకోవడం యష్కి పెద్ద కష్టం కాకపోవచ్చునని పంపిణీదారులు ఆశిస్తున్నారు.
Read also-Pradeep Ranganathan: నిర్మాతగా మారనున్న ప్రదీప్ రంగనాథన్.. హీరోయిన్గా తొలి అవకాశం ఆమెకే?
మరోవైపు, అదే సమయంలో రణవీర్ సింగ్ నటించిన భారీ యాక్షన్ చిత్రం ‘ధురంధర్ 2’ కూడా థియేటర్లలోకి రాబోతుండటం టాక్సిక్కు పెద్ద సవాలుగా మారనుంది. పోటీతో పాటు పెరిగే టికెట్ ధరలు సామాన్య ప్రేక్షకుడిని ఎంతవరకు ఆకట్టుకుంటాయన్నది ఇప్పుడు చర్చనీయాంశం. ఈ భారీ రిస్క్ గనుక వర్కౌట్ అయితే, తెలుగులో అత్యధిక వసూళ్లు రాబట్టిన నాన్-తెలుగు హీరోగా యష్ చరిత్ర సృష్టిస్తారు. రాఖీ భాయ్ మ్యాజిక్ బాక్సాఫీస్ వద్ద మరోసారి రిపీట్ అవుతుందో లేదో చూడాలి.
Share
Kavitha : బీఆర్ఎస్ చేయలేని పని జాగృతి చేసింది..!లీడర్స్ ఏం చేస్తున్నారు?
Rahul Gandhi: ప్రధాని మోదీ భారత్ను అమ్మేశారు? లోక్సభలో రాహుల్ గాంధీ సంచలన వ్యాఖ్యలు
