Film industry: గత కొన్ని రోజులుగా చిత్ర పరిశ్రమలో సెలబ్రిటీల మరణాలు అభిమానులను మరింత దిగ్భ్రాంతికి గురి చేస్తున్నాయి. ఒకవైపు వయసు రీత్యా సెలబ్రిటీలు తుదిశ్వాస విడిస్తే.. మరొకవైపు వృద్ధాప్య కారణాలవల్ల సెలబ్రిటీల కుటుంబ సభ్యులు మరణించడం అభిమానులను తీవ్ర ఇబ్బందులకు గురిచేస్తోంది . కొంతమంది ఆత్మహత్య చేసుకొని మరణిస్తుంటే.. మరికొంతమంది అనారోగ్య సమస్యలతో తుది శ్వాస విడుస్తున్నారు. ఇంకొంతమంది ఇలా రోడ్డు ప్రమాదాలలో ప్రాణాలు కోల్పోవడం నిజంగా బాధాకరం అనే చెప్పాలి. సినిమా ఇండస్ట్రీలో ఎంతో భవిష్యత్తు ఉన్న ఒక యువ నటి రోడ్డు ప్రమాదంలో 30 ఏళ్లకే తుది శ్వాస విడవడం అభిమానులు జీర్ణించుకోలేకపోతున్నారు. మరి ఆమె ఎవరు? ఈ రోడ్డు ప్రమాదం ఎప్పుడు? ఎక్కడ? ఎలా జరిగింది ?అనే విషయాలు ఇప్పుడు చూద్దాం..
అసలు విషయంలోకి వెళ్తే.. ప్రముఖ నటిగా, మోడల్ గా మంచి పేరు దక్కించుకున్న హర్షిల్ కాలియా (Harshil Kalia).. సోమవారం రాత్రి (మార్చి 23) తన కారు అదుపుతప్పి డివైడర్ ను ఢీ కొట్టి బోల్తాపడడంతో హర్షిల్ కాలియా అక్కడికక్కడే మరణించారు. ఈ ఘటనకు సంబంధించిన సీసీటీవీ ఫుటేజీలో కారు ఎడమవైపుకి బోల్తా కొట్టినట్లు కనిపించింది. దీంతో 30 ఏళ్ల ఆ నటి తలకు తీవ్ర గాయాలయ్యాయి.అది గమనించిన స్థానికులు ఆమెను సమీపంలో ఉన్న ఆసుపత్రికి తరలించగా.. గాయాలతో ఆమె తుది శ్వాస విడిచినట్లు వైద్యులు నిర్ధారించారు.
హర్షిల్ కాలియా ‘క్రైమ్ నెక్స్ట్ డోర్’ అనే వెబ్ సిరీస్ లో, పలు రాజస్థానీ మ్యూజిక్ వీడియోలలో నటించింది. ఈమె రాత్రి ఆలస్యంగా పని ముగించుకొని తిరిగి వస్తుండగా ఆమె కారు అకస్మాత్తుగా అదుపు తప్పింది. ఆ తర్వాత అది డివైడర్ను ఢీకొని బోల్తా కొట్టడంతో ఆమె తలకు తీవ్రంగా గాయాలయ్యాయి. ఇక హాస్పిటల్ కి చేర్చినా ఫలితం లేకుండా పోయింది. అయితే ఆమె కారు సడన్గా అదుపు తప్పడానికి గల కారణం ఏమిటి? అనే విషయం మాత్రం తెలియరాలేదు. తలకు తీవ్రంగా గాయాలవడం వల్లే ఆమె మరణించినట్లు వైద్యులు తెలిపారు. ఏది ఏమైనా బంగారు భవిష్యత్తు ఉన్న ఒక యువ నటి ఇలా రోడ్డు ప్రమాదంలో మరణించడాన్ని ఆమె అభిమానులు జీర్ణించుకోలేకపోతున్నారు.
ALSO READ:Allu Sirish -Nayanika Reddy: మళ్లీ తలనొప్పి మొదలు.. ఈ కష్టం తప్పదా అంటూ అల్లు శిరీష్ స్పెషల్ పోస్ట్!
హర్షిల్ కాలియా కెరియర్ విషయానికొస్తే.. వెబ్ సిరీస్ లు, రాజస్థానీ మ్యూజిక్ వీడియోలతో భారీ పాపులారిటీ అందుకున్న ఈమె.. అటు మోడలింగ్ లో కూడా తన కెరీర్ను ప్రారంభించింది. ఇక ఇంస్టాగ్రామ్ లో గణనీయమైన ఫాలోవర్స్ ను సంపాదించుకొని పేరు ప్రఖ్యాతలు పొందింది. ఇక అలాంటి ఈమె ఆకస్మిక మరణం ఆమె అభిమానులు జీర్ణించుకోలేకపోతున్నారు. ఇక ప్రస్తుతం కేసు దర్యాప్తు చేసుకున్న పోలీసులు తదుపరి విచారణను వేగవంతం చేశారు
Share
Telangana Assembly: ఇందిరమ్మ ఇళ్లపై మంత్రి పొంగులేటి కీలక వ్యాఖ్యలు, వివరాలన్నీ బయటకు
Supreme Court: మతం మారినట్లు ఎలా నిరూపిస్తారు? కోర్టులు పరిగణనలోకి తీసుకునే సాక్ష్యాలివే!
