Ken Karunaas: ఇప్పటి వరకు నాది.. ఇకపై మీది.. ‘యూత్’ హీరో ఎమోషనల్ పోస్ట్ వైరల్!

Ken Karunaas: కెన్ కరునాస్ (Ken Karunaas) హీరోగా నటించిన తమిళ మూవీ ‘యూత్’ (Youth Movie). ఈ చిత్రాన్ని ఇదే పేరుతో ఈ2సీ బ్యానర్‌పై తెలుగు ప్రేక్షకులకు అందివ్వబోతున్నారు హౌస్ ఫుల్ వినీత్, సందీప్. ఈ చిత్రానికి కెన్ కరునాస్ అండ్ గ్యాంగ్ దర్శకత్వం వహించారు. మార్చి 26న ఈ మూవీ తెలుగులో గ్రాండ్ థియేట్రికల్ రిలీజ్‌కు సిద్ధమవుతోంది. ఈ క్రమంలో హీరో కమ్ డైరెక్టర్ కెన్ కరునాస్ సోషల్ మీడియా వేదికగా చేసిన ఎమోషనల్ అవుతూ ఓ పోస్ట్ చేశారు. ఈ సినిమాకు ఇక పనిచేయడం లేదనే ఆలోచననే నమ్మలేకపోతున్నానని ఆయన చేసిన పోస్ట్ (Ken Karunaas Post) ప్రస్తుతం వైరల్ అవుతోంది. అసలు కెన్ తన పోస్ట్‌లో ఏం చెప్పారంటే..

Also Read- TGFA 2025: తెలంగాణ గద్దర్ ఫిల్మ్ అవార్డ్స్ 2025 వేడుకకు గెస్ట్‌లుగా బాలీవుడ్ బ్యూటీస్.. ఎవరంటే?

ఇది నా సొంత బిడ్డ

‘‘సినిమా.. నేను దీనితో ప్రేమలో పడిన రోజు నుండి, అదే నాకు అన్నీ అన్నట్లుగా మారిపోయింది. సినిమా తర్వాతే నాకు మిగతావన్నీ ప్రధానంగా మారాయి. ఇది నేను కేవలం చూసింది మాత్రమే కాదు.. నేను జీవించిన ప్రపంచం. నాకు ఇప్పుడు 24 ఏళ్లు.. కానీ నా చిన్నతనం నుంచి ఇప్పటి వరకు, నాతో పాటు నిలిచిన ఏకైక తోడు సినిమానే. ప్రతి దశలోనూ, ప్రతి సందేహంలోనూ, ప్రతి చిన్న కలలోనూ.. సినిమా నన్ను ఎప్పుడూ వదిలిపెట్టలేదు. ఇకపై నేను ‘యూత్’ సినిమా కోసం పని చేయలేనంటే నమ్మలేకపోతున్నాను. చాలా కాలం పాటు, ఇది నా సొంత బిడ్డలా అనిపించింది. ప్రతిరోజూ దీని గురించే ఆలోచిస్తూ నిద్రలేవడం, నిద్రపోవడం చేసేవాడిని. ఒక హీరోగా, నేను ఒక అందమైన కథలో జీవించాను. ఒక దర్శకుడిగా, నేనేంటో కనుగొన్నాను. ప్రతి ఫ్రేమ్‌కు నా హార్ట్ పెట్టేశాను, ప్రతి క్షణం నా ప్రయాణంలో ఒక భాగాన్ని మోస్తోంది. ఇది నన్ను బాధ పెట్టిన రోజులున్నాయి, నన్ను నిలబెట్టిన రోజులున్నాయి. కానీ నేను అసలు ఎందుకు మొదలుపెట్టానో ఇది ఎప్పుడూ నాకు గుర్తు చేస్తూనే ఉంది.

Also Read- Nara Rohith: పొలిటికల్ ఎంట్రీపై నారా రోహిత్ ఆసక్తికర వ్యాఖ్యలు.. సినిమాల పరిస్థితేంటి?

వదిలిపెట్టడం కష్టమే.. కానీ?

మిమ్మల్ని (ప్రేక్షకులను) మనసులో పెట్టుకునే నేను ఈ సినిమా తీశాను. మీరు ఎలా ఫీల్ అవుతారు, ఎక్కడ నవ్వుతారు, ఎక్కడ కనెక్ట్ అవుతారు అని ఎప్పుడూ ఆలోచిస్తూ ఉండేవాడిని. ఎంతో మంది మంచి వ్యక్తులు కలిసి దీనిని సాధ్యం చేశారు. వారందరికీ నేను ఎప్పటికీ కృతజ్ఞుడిని. ఇక ఇప్పుడు దీనిని వదిలిపెడుతున్నాను. ఇప్పటి వరకు నాదిగా ఉన్నది.. ఇకపై మీది కాబోతోంది. దీనిని జాగ్రత్తగా చూసుకోండి.. నేను ప్రేమించినట్టే ప్రేమించండి.. బహుశా అంతకంటే ఎక్కువే ప్రేమిస్తారని ఆశిస్తున్నాను. ఇది మిమ్మల్ని అలరిస్తుందని, మీతోనే ఉండిపోతుందని, మీరు దాచుకోవడానికి ఒక అందమైన జ్ఞాపకంగా మిగిలిపోతుందని ఎంతగానో ఆశిస్తున్నాను. కేవలం సినిమాను ప్రేమించిన ఒక పిల్లాడి నుండి.. ఈ క్షణం వరకు.. వదిలిపెట్టడం కష్టమే.. కానీ ఇది మీ దగ్గరికి చేరుతుందనే విషయం దీనిని మరింత అందంగా మారుస్తోంది.. థియేటర్లలో కలుసుకుందాం’’ అంటూ కెన్ కరునాస్ తన సినీ జర్నీని తెలుపుతూ ఎమోషనల్‌గా ఈ పోస్ట్‌లో రియాక్ట్ అయ్యారు.

CINEMA …

From the day I fell in love with it, everything else slowly became secondary ❤️
It wasn’t just something I watched… it became something I lived …🥹

I’m just 24… but from my childhood till now, this is the only thing that stayed with me…
Through every phase, every… pic.twitter.com/gq7uvHl6t8

— Ken Karunaas (@KenKarunaas) March 18, 2026