Tom Holland and Zendaya: ప్రస్తుతం హాలీవుడ్లో ఒక వార్త తెగ వైరల్ అవుతుంది. ప్రముఖ నటి జెండయా.. నటుడు టామ్ హాలండ్ ఇప్పటికే వివాహం చేసుకున్నారని ఓ ప్రచారం బయటకు వచ్చింది. ఈ విషయాన్ని వారి సన్నిహితుడు, ప్రముఖ స్టైలిస్ట్ అయిన లా రోచ్ వెల్లడించడంతో ఈ వార్త ఒక్కసారిగా వైరల్ అయింది.
ఆక్టర్ అవార్డ్స్ 2026 కార్యక్రమం సందర్భంగా రెడ్ కార్పెట్పై మీడియాతో మాట్లాడిన లా రోచ్, “వాళ్ల పెళ్లి ఇప్పటికే అయిపోయింది” అని చెప్పాడు. రిపోర్టర్ నిజమేనా అని అడగగానే, ఆయన నవ్వుతూ “అవును, ఇది పూర్తిగా నిజం” అని అన్నాడు. ఈ మాటలు సోషల్ మీడియాలో వేగంగా పాకి, అభిమానుల్లో ఆసక్తిని రేపాయి.
అయితే ఇప్పటివరకు జెండయా గానీ, టామ్ హాలండ్ గానీ ఈ పెళ్లి వార్తపై ఎలాంటి అధికారిక ప్రకటన చేయలేదు. వారి ప్రతినిధులు కూడా స్పందించలేదు. ఈ జంట మొదటినుంచీ తమ వ్యక్తిగత జీవితాన్ని చాలా గోప్యంగా ఉంచుతుంది. అందుకే ఇలాంటి వార్తలు బయటకు వచ్చినప్పుడు మరింత ఆసక్తి కలుగుతోంది.
గత ఏడాది జనవరిలో వీరి నిశ్చితార్థం విషయం బయటకు వచ్చింది. టామ్ హాలండ్ తండ్రి డొమినిక్ హాలండ్ ఒక ఆన్లైన్ పోస్ట్ ద్వారా ఈ విషయాన్ని వెల్లడించారు. పెళ్లి ప్రతిపాదనకు ముందు జెండయా తండ్రి అనుమతి తీసుకోవడం, రింగ్ కొనడం వంటి అన్ని విషయాలు ముందుగానే ప్లాన్ చేశారని ఆయన తెలిపారు. ఆ ప్రతిపాదన చాలా వ్యక్తిగతంగా, సింపుల్గా జరిగిందని కూడా చెప్పారు.
తర్వాత గోల్డెన్ గ్లోబ్స్ 2025 వేడుకలో జెండయా ధరించిన భారీ డైమండ్ ఉంగరం చూసి, నిశ్చితార్థం ఖరారైందని అభిమానులు భావించారు. ఆ తర్వాత కూడా ఈ జంట తమ సంబంధం గురించి పెద్దగా మాట్లాడలేదు.
వృత్తి పరంగా చూస్తే, జెండయా.. టామ్ హాలండ్ కలిసి మొదటగా స్పైడర్మ్యాన్: హోమ్కమింగ్ సినిమాలో నటించారు. ఆ తర్వాత స్పైడర్మ్యాన్: ఫార్ ఫ్రమ్ హోమ్, స్పైడర్మ్యాన్: నో వే హోమ్ చిత్రాల్లో కూడా కలిసి కనిపించారు. త్వరలో మరో స్పైడర్మ్యాన్ సినిమా, అలాగే ది ఒడిస్సీ అనే కొత్త సినిమాలో కూడా కలిసి నటించనున్నారు.
పెళ్లి గురించి అధికారికంగా ఎలాంటి ప్రకటన లేకపోయినా, అభిమానులు మాత్రం ఈ జంటకు శుభాకాంక్షలు తెలుపుతున్నారు.
ALSO READ: Vijay – Sangeetha: విడాకుల వేళ.. కోడలి రహస్యాలు బయటపెట్టిన విజయ్ తండ్రి!
Share
Iran Conflict: ఇరాన్తో అమెరికా - ఇజ్రాయెల్ యుద్ధం.. భారత్ కొంప ముంచబోతోందా?
AP Bhavan Delhi Control Room: గల్ఫ్ తెలుగు వారికి ఏపీ ప్రభుత్వం అండ.. ఢిల్లీలో 24/7 కంట్రోల్ రూమ్..
