Ganesh Baraiya: కష్టపడితే ఏదైనా సాధించవచ్చు అనే దానికి ఇదే నిదర్శనం.. గుజరాత్కు చెందిన డాక్టర్ గణేష్ ఎత్తు కేవలం మూడు అడుగులు. జీవితంలో ఎత్తు లేదా శారీరక పరిమితులు అడ్డంకి కాబోవని, దృఢ సంకల్పం ఉంటే ఏదైనా సాధించవచ్చని నిరూపించిన స్ఫూర్తిదాయక వ్యక్తి ఆయన. డాక్టర్ కావాలనే తన కలను సాకారం చేసుకోవడానికి ఆయన చేసిన న్యాయ పోరాటం భారత వైద్య చరిత్రలో ఒక మైలురాయిగా నిలిచింది.
డాక్టర్ గణేష్ 2004లో గ్రోత్ హార్మోన్ లోపంతో జన్మించారు, దాని కారణంగా ఆయన ఎత్తు మూడు అడుగులకే పరిమితమైంది. అయినప్పటికీ, వైద్యుడిగా మారి ప్రజలకు సేవ చేయాలన్న పట్టుదల ఆయనలో బలంగా ఉండేది. ఆయన కష్టపడి నీట్ (NEET) ప్రవేశ పరీక్షలో మంచి మార్కులు సాధించారు. అయితే, ఇక్కడే ఆయనకు మొదటి అడ్డంకి ఎదురైంది. పొట్టిగా ఉండటం (Dwarfism) కారణంగా ఎంబీబీఎస్ అడ్మిషన్ ఇవ్వడానికి భారత వైద్య మండలి నిరాకరించింది. శారీరక సామర్థ్యం విషయంలో ఐఎంసీ విధించిన నిబంధనలను ఉటంకిస్తూ ఆయన అభ్యర్థనను తిరస్కరించారు.
ఐఎంసీ నిర్ణయాన్ని సవాల్ చేస్తూ డాక్టర్ గణేష్ న్యాయ పోరాటం మొదలుపెట్టారు. మొదట ఆయన గుజరాత్ హైకోర్టును ఆశ్రయించారు. అయితే, దురదృష్టవశాత్తూ అక్కడి న్యాయస్థానంలో ఆయనకు అనుకూలంగా తీర్పు రాలేదు. అప్పటికీ నిరాశ చెందకుండా, ‘పట్టువదలని విక్రమార్కుడి’ మాదిరిగా తన లక్ష్య సాధన కోసం దేశ అత్యున్నత న్యాయస్థానం సుప్రీంకోర్టును ఆశ్రయించారు. సుప్రీంకోర్టులో ఆయన తన వాదనను బలంగా వినిపించారు. చివరకు, 2019లో ఆయన శారీరక పరిమితులను అడ్డంకిగా చూడకుండా, ఆయనకు అడ్మిషన్ కల్పించాలని సుప్రీంకోర్టు చారిత్రక తీర్పు ఇచ్చింది.
Also Read: తప్పిన పెను ప్రమాదం.. డ్రైవర్, క్లీనర్ మధ్య గొడవ.. స్కూల్ బస్సుకు నిప్పు
సుప్రీంకోర్టు తీర్పు ఫలితంగా, డాక్టర్ గణేష్ భావ్నగర్ ప్రభుత్వ వైద్య కళాశాలలో ఎంబీబీఎస్ సీటు పొందగలిగారు. నేడు ఆయన విజయవంతంగా తన వైద్య విద్యను పూర్తి చేసి, మెడికల్ ఆఫీసర్ హోదాలో ప్రజలకు సేవ చేస్తున్నారు. డాక్టర్ గణేష్ కేవలం వైద్యుడిగానే కాకుండా, ఎటువంటి వైకల్యం లేదా లోపం ఉన్నా తమ కలలను సాధించవచ్చని నిరూపించిన గొప్ప స్ఫూర్తిగా నిలిచారు.
పట్టువదలని విక్రమార్కుడు.. ఈ 3 అడుగుల డాక్టర్..
జీవితంలో ఏదైనా సాధించాలంటే ఎత్తు ముఖ్యం కాదని నిరూపించిన డాక్టర్ గణేష్
2004లో గ్రోత్ హార్మోన్ లోపంతో పుట్టిన గణేష్
డాక్టర్ కావాలన్న కలను సాకారం చేసుకోవడానికి న్యాయ పోరాటం
నీట్ లో మంచి మార్కులు సాధించినా పొట్టిగా ఉండటంతో… pic.twitter.com/Iv8fbmOhkP
— BIG TV Breaking News (@bigtvtelugu) December 2, 2025
Share
Mowgli Trailer: ప్రేమ కోసం యుద్ధం చేసే ప్రతి ఒక్కడు హీరోనే... ఇంట్రెస్టింగ్ గా మోగ్లీ ట్రైలర్!
Travel Bus Accident: ట్రావెల్స్ బస్సు బోల్తా.. ఏపీ నుంచి బెంగుళూరు వెళ్తుండగా ఘటన, స్పాట్లో 11 మంది
