Chamba: దేవుడు కనిపిస్తే చూడాలని చాలామంది కోరుకుంటారు. మనిషి రూపంలో దేవుడు ఉంటాడని ఆస్సలు ఊహించరు. కానీ యువ బైకర్‌కు కొత్తగా పెళ్లైన జంట దేవుళ్లు అయ్యారు. వరద ప్రవాహంలో చిక్కుకుని కొట్టుకుపోయే పరిస్థితిలో తమ ప్రాణాలను పణంగా పెట్టి కాపాడారు. నూతన వధూవరులు కలిసి ప్రాణాలకు తెగించి యువకుడ్ని సురక్షితంగా ఒడ్డుకు లాగారు. దీనికి సంబంధించిన వీడియో వైరల్ అయ్యింది.
హిమాచల్ ప్రదేశ్‌లోని చంబా ప్రాంతంలో అకస్మాత్తుగా వరద సంభవించింది. ఆ వరద ప్రవాహంలో చిక్కుకున్నాడు యువ బైకర్. బలమైన ప్రవాహం అతడ్ని లాక్కుపోతోంది. అదే రూట్లో కొత్తగా పెళ్లైన ఓ జంట వస్తోంది. ఆ సన్నివేశాన్ని చూసి వెంటనే వాహనాన్ని ఆపారు. వర్షాన్ని సైతం లెక్కచేయకుండా వరుడు కిందకు దిగి సదరు యువకుడ్ని సురక్షితంగా ఒడ్డుకు చేర్చారు. భటియత్ జిల్లాలోని భర్మాలా ప్రాంతంలో కకియారా-తునుహట్టి రహదారిపై ఈ సంఘటన జరిగింది.
సోమవారం సాయంత్రం ఆలస్యంగా కురిసిన భారీ వర్షం కారణంగా రహదారిపై నీరు వేగంగా ప్రవహిస్తోంది. ప్రవాహం క్షణక్షణానికి బలంగా మారుతోంది. ఆ సమయంలో ఘటాష్నిలోని మామ్లా గ్రామానికి చెందిన ఓ బైకర్ ప్రవహిస్తున్న నీటిలో చిక్కుకున్నాడు. వరద అతడ్ని లాక్కుపోతోంది. కొన్ని సెకన్లు ఆలస్యమై ఘోర విషాదం జరిగేది. అదే సమయంలో ఆ రూట్లో వివాహం చేసుకున్న యువ జంట వాహనంలో వస్తోంది. ఆ సన్నివేశాన్ని చూసి వాహనాన్ని ఆపారు. ఈలోగా వరుడు వాహనం నుంచి కిందకు దిగాడు.
కొత్తగా పెళ్లైన వధువు సహా మరో ఇద్దరు మహిళలు, వాహనంలోని దుప్పటిని తాత్కాలిక తాడుగా ఉపయోగించి చిక్కుకుపోయిన బైకర్‌‌‌కి వరుడు సాయంతో దుప్పటి అందించారు. నీటి ప్రవాహం నుంచి కొట్టుకుపోకుండా అతడ్ని కాపాడారు. కొన్ని క్షణాల తర్వాత బైకర్ ఆ వస్త్రాన్ని పట్టుకుని బయటపడ్డాడు. ప్రమాదకరమైన ప్రాంతం నుండి అతడ్ని బయటకు తీసుకురావడానికి వాహనంలోని మహిళలకు సహాయం చేశాడు.
ALSO READ: నేపాల్‌లో ఆకస్మిక వరదలు.. ఉత్తరాఖండ్‌లో హిమానీనదాల మాటేంటి? ముప్పు పొంచివుందా?
దీనికి సంబంధించిన దృశ్యాలు సోషల్ మీడియాలో వైరల్ అయ్యాయి. బలమైన వరద ప్రవాహంలో ఇలాంటి రెస్క్యూ చాలా ప్రమాదకరమని అంటున్నారు. ప్రాణం పోయే ఆఖరిక్షణంలో దేవ దూతల్లా కొత్తగా పెళ్లైన జంట ప్రత్యక్షమై యువకుడ్ని కాపాడారని అంటున్నారు. మానవత్వం ఇంకా బతికే ఉందని నిరూపించిన కొత్త జంటకు హ్యాట్సాఫ్ చెబుతున్నారు.
📍 Chamba — A family travelling in their vehicle noticed a biker struggling for his life, stuck at the edge of the road with his bike, and immediately stepped in to help.
The video is reportedly from the Banikhet side.
The monsoon in the hills can turn dangerous within moments.… pic.twitter.com/Gp1JomReko
— The Modern Himachal (@themodernhp) August 31, 2026
Share
ఇందిరమ్మ ఇండ్ల లబ్ధిదారులకు బిగ్ అలర్ట్.. ఉచిత రిజిస్ట్రేషన్లతో పేదలకు అపార్ట్‌మెంట్లు!
కల్కి 2 పై అప్డేట్ ఇచ్చిన నాగ్ అశ్విన్..10 రోజులు మాత్రమే అంటూ!
