Poverty Eradication: మనం హ్యాపీగా బతుకుతున్నాం కదా అని చుట్టూ ఉన్న వాళ్ళందరి పరిస్థితులు అలాగే ఉంటాయని అనుకోలేం. పూటకూటి కోసం నిత్యం పోరాడే ఎంతోమంది జీవితాలు ఇప్పటికీ చీకట్లోనే మగ్గుతున్నాయి. ప్రపంచాన్ని పీడిస్తున్న ఈ పేదరికం భూతాన్ని తరిమికొట్టేందుకే ప్రతీ సంవత్సరం అక్టోబర్ 17 వ తేదీని ప్రత్యేకంగా కేటాయించారు.
అసలు ఈ రోజు వెనక పెద్ద హిస్టరీనే ఉంది. సరిగ్గా 1987 అక్టోబర్ 17న ఫ్రాన్స్ రాజధాని పారిస్‌లో లక్షలాది మంది జనం రోడ్డెక్కారు. ఆకలి కేకలతో అలమటిస్తున్న పేదవాళ్ళ గోడును ప్రపంచానికి గట్టిగా వినిపించారు. ఆ పోరాటానికి దక్కిన గుర్తింపే ఇది. సరిగ్గా ఐదేళ్ల తర్వాత, అంటే 1992లో ఐక్యరాజ్యసమితి జనరల్ అసెంబ్లీ దీన్ని అధికారిక అంతర్జాతీయ దినోత్సవంగా ప్రకటించింది. అప్పటి నుంచి ప్రతీ ఏటా ఈ రోజున పేదరికం మీద పెద్ద ఎత్తున చైతన్య కార్యక్రమాలు జరుగుతున్నాయి.
కేవలం ఎవరో వచ్చి ఉద్ధరిస్తారని కూర్చోవడం కాదు.. పేదరికంలో మగ్గుతున్న వాళ్ళు అసలు ఎలాంటి ఇబ్బందులు పడుతున్నారు? వాళ్ళ హక్కులను ఎలా కాపాడుకోవాలి? అనే దానిపై సమాజంలో అందరికీ అవగాహన కల్పించడమే ఈ డే మెయిన్ ఉద్దేశం. ఇక రాబోయే రోజుల్లో ఈ పరిస్థితి మారాలని, ఐక్యరాజ్యసమితి 2030 ఎజెండాలో భాగంగా ఓ పెద్ద టార్గెట్ పెట్టుకుంది. ప్రపంచంలో ఎక్కడైనా సరే, ఏ రూపంలో ఉన్న పేదరికమైనా సరే పూర్తిగా అంతం చేయాలనేదే లక్ష్యం. కేవలం మాటలతో కాకుండా, ఆచరణలో పేదరికాన్ని తరిమికొట్టిననాడే అందరికీ సమానమైన బతుకులు దక్కుతాయి.
Also read: బెంగళూరు టూ విజయవాడ.. రూ. 11 లక్షల డ్రగ్స్‌తో దొరికిపోయిన విద్యార్థిని..?
Share
గ్యాంగ్స్టర్ సినిమా అనుకుంటే.. చిరంజీవి సినిమాలో అసలు ట్విస్ట్ ఇదే!
స్పామ్, ఫ్రాడ్ కాల్స్‌ టెన్షన్‌కు ఇక చెక్.. కేంద్ర ప్రభుత్వం సంచలన నిర్ణయం?
