Corona Vaccine: కరోనా కొత్త వేరియంట్ కలకలం రేపుతోంది. ఒమిక్రాన్ BF.7 ప్రమాదకరంగా మారుతోంది. వచ్చినవి 4 కేసులే అయినా.. ఆ వేరియంట్ తో ఉన్న ముప్పు వల్ల భారత ప్రభుత్వం హైఅలర్ట్ అయింది. రాష్ట్రాలనూ అప్రమత్తం చేసింది. వ్యాక్సిన్లు, ఆక్సిజన్ పడకలు సిద్ధం చేసుకోమని సూచించింది. బహిరంగ ప్రదేశాల్లో మాస్కు ధరించడం తప్పనిసరి చేసింది. విమానాశ్రయాల్లో విదేశీ ప్రయాణీకులకు స్క్రీనింగ్ తప్పనిసరి చేసింది. క్రిస్మస్, న్యూ ఇయర్ ని దృష్టిలో ఉంచుకొని.. పెద్ద ప్రమాదమే పొంచిఉందని కేంద్రం భావిస్తోంది.
కరోనాను ఎదుర్కోగల ఏకైక ఆయుధం వ్యాక్సిన్ మాత్రమే. ఇప్పటికే కొవాగ్జిన్, కొవిషీల్డ్ లు అందుబాటులో ఉన్నాయి. రెండు డోసులు పూర్తైనా.. బూస్టర్ డోసులో మాత్రం బాగా వెనకబడి ఉన్నాం. ఇలాంటి పరిస్థితుల్లో భారత్ బయోటెక్ తయారు చేసిన ‘రెండు చుక్కల నాసికా టీకా’కు కేంద్ర ఆరోగ్యశాఖ ఆమోదం తెలిపింది. నాసల్ వ్యాక్సిన్.. వెంటనే అందుబాటులోకి వచ్చింది. అయితే, ప్రస్తుతానికి ప్రైవేటు ఆసుపత్రుల్లోనే ఇది లభ్యం కానుంది.
భారత్ బయోటెక్ అభివృద్ధి చేసిన ఈ చుక్కల మందు టీకా ‘ఇన్కొవాక్’ను బూస్టర్ డోసుగా వినియోగించేందుకు డ్రగ్ కంట్రోలర్ జనరల్ ఆఫ్ ఇండియా (DCGI) నవంబర్లో అత్యవసర అనుమతి ఇచ్చింది. ఇప్పుడు దీనికి కేంద్రం ఆమోదం లభించడంతో.. శుక్రవారం సాయంత్రం నుంచి కొవిన్ ప్లాట్ఫాంలో అందుబాటులోకి రానుంది.
ఇప్పటికే కొవిషీల్డ్, కొవాగ్జిన్ టీకాలు తీసుకున్నవారు ‘ఇన్కొవాక్’ నాసికా టీకాను హెటిరోలాగస్ బూస్టర్గా తీసుకోవచ్చు. 18 ఏళ్ల వయసు దాటిన వారు మాత్రమే ఈ నాసల్ వ్యాక్సిన్ వేసుకునేందుకు అనుమతి.
Share
Kaikala Death: కైకాల-చిరు.. వారి అనుబంధం అపురూపం..
Kaikala: అన్నయ్యను కోల్పోయా, చిరు కంటతడి.. అజాత శత్రువన్న పవన్..
