Patna: రైల్వే స్టేషన్స్, బస్‌స్టాండ్స్‌లో ఎక్కువగా ప్రకటనలు ఇస్తుంటారు. స్టేషన్‌కు వెళ్లగానే టీవీల్లో, మల్టీ స్క్రీన్లపై యాడ్స్ ప్లే చేస్తుంటారు. ఎందుకంటే నిత్యం అక్కడికి జనాలు వస్తూ.. పోతూ.. ఉంటారు కాబట్టి. అయితే ఓ రైల్వే స్టేషన్‌లోని టీవీల్లో యాడ్స్‌కు బదులుగా పొరపాటున పోర్న్ వీడియోలను ప్లే చేశారు. దీంతో ట్రైన్ కోసం ఎదురు చూస్తున్న ప్రయాణికులు తీవ్ర అసౌకర్యానికి గురయ్యారు. ఈ ఘటన బీహార్‌లోని పాట్నా రైల్వే స్టేషన్‌లో జరిగింది.
ఆదివారం ఉదయం పాట్నా రైల్వే స్టేషన్ ప్రయాణికులతో రద్దీగా ఉంది. ఇంతలోనే 10వ ప్లాట్‌ఫామ్‌పై ఉన్న టీవీల్లో ఒక్కసారిగా పోర్న్ వీడియోలు ప్లే అయ్యాయి. ప్రకటనలు రావాల్సిన స్థానంలో దాదాపు మూడు నిమిషాల పాటు పోర్న్ వీడియోలు ప్రసారం అయ్యాయి. వెంటనే ప్రయాణికులు రైల్వే అధికారులు ఫిర్యాదు చేశారు.
అధికారులు సంబంధిత కాంట్రాక్టర్‌కు ఫోన్ చేసి వీడియోలు నిలిపివేశారు. ఆ తర్వాత సంబంధిత కాంట్రాక్టర్‌ను అదుపులోకి తీసుకొని విచారించారు. అలాగే అతని కాంట్రాక్ట్‌ను కూడా రద్దు చేసి, జరిమానా విధించారు. సాంకేతిక లోపం వల్లే పోర్న్ వీడియోలు ప్లే అయినట్లు అధికారులు నిర్దారణకు వచ్చారు.
Share
OTT: ఇకపై ఊరుకునేది లేదు.. ఓటీటీ కంటెంట్పై కేంద్రం ఫైర్..
AP: అసెంబ్లీలో ఎమ్మెల్యేలు కొట్టుకోవడం ఏంటి?.. ఇక తాడో పేడో తేల్చుకుంటారా!?
