GST on Tobacco: దమ్ముంటే కొనండి.. లేదంటే మానేయండి! ఫిబ్రవరి 1 నుంచి సిగరెట్లపై ‘టాక్స్’ టెర్రర్

GST on Tobacco: ధూమపాన ప్రియులకు భారీ షాకిచ్చింది కేంద్ర ప్రభుత్వం. వచ్చే రోజుల్లో వారిపై పడనున్న సెస్సును బట్టీ చూస్తుంటే.. వారు పొగాకు సేవించకుండానే గుండెలదిరిపోయేలా ఉన్నాయి. అంతగా పొగాకు, పాన్ మసాలా ఉత్పత్తులపై సెస్ విధించనుంది కేంద్ర ప్రభుత్వం.

ధూమపాన ప్రియులకు కేంద్రం షాక్..

ఫిబ్రవరి 1 నుంచి పొగాకు, పాన్ మసాలా ఉత్పత్తులపై పాత పన్ను రద్దు చేస్తూ కొత్త ఎక్సైజ్ డ్యూటీని విధిస్తోంది కేంద్రం. ఈ మార్పు వల్ల సిగరెట్లు, ఇతర పొగాకు ఉత్పత్తుల ధరలు ఫిబ్రవరి 1 నుంచి పెరిగే అవకాశం కనిపిస్తోంది. ప్రభుత్వం ఈ నిర్ణయాన్ని జనవరి ఫస్ట్ నాడు అధికారికంగా ప్రకటించింది.

పాతపన్ను రద్దు చేస్తూ కొత్త ఎక్సైజ్ డ్యూటీ..

ఇది వరకు పొగాకు ఉత్పత్తులపై 28 శాతం జీఎస్టీతో పాటు కంపన్సేషన్ సెస్ విధిస్తుండగా.. ఈ సెస్ మార్చి 2026 లోపు ముగియనుంది. దీని వల్ల టుబాకో ప్రోడక్ట్స్ ధరలు తగ్గే అవకాశముండటంతో.. ప్రభుత్వం కొత్త ఎక్సైజ్ డ్యూటీని ప్రవేశపెట్టబోతోంది.

సిగరెట్ పొడవు, ఫిల్టర్ రకాన్ని బట్టీ మారే సెస్

వెయ్యి సిగరెట్లపై రూ. 2050 నుంచి రూ. 8500 మేర ఎక్సైజ్ డ్యూటీ విధించనున్నారు. ఇది సిగరెట్ పొడవు, ఫిల్టర్ రకం మీద ఆధారపడి ఉంటుంది. కొన్ని రిపోర్టుల ప్రకారం ఈ పరిధి రూ. 2700 నుంచి రూ. 11 వేల వరకూ ఉండొచ్చని అంచనా.

తక్కువ ధర సిగరెట్లపై అధిక ప్రభావం పడే అవకాశం

ఈ మార్పు కారణంగా సిగరెట్ ధరలు ఎలా పెరుగుతాయని చూస్తే.. తక్కువ ధర సిగరెట్లపై ప్రభావం ఎక్కువగా ఉండేలా కనిపిస్తోంది. ప్రీమియం బ్రాండ్ల మీద తక్కువగా ఉండేలా తెలుస్తోంది. ఉదాహరణకు రూ. 10 కి అమ్మే సిగరెట్ లూస్ సేల్ మీద రెండు రూపాయల నుంచి పది రూపాయల వరకూ పెరిగే ఛాన్సుంది.

Also Read: ఏపీలో భారీగా మద్యం అమ్మకాలు.. రికార్డు స్థాయిలో ఆదాయం

చౌకగా లభించే సిగరెట్లు రూ. 18 నుంచి రూ. 25కి పెరొగొచ్చని అంచనా

కొన్ని అంచనాల ప్రకారం చౌకగా లభించే సిగరెట్లు రూ. 18 నుంచి రూ. 25- 30 వరకూ పెరగొచ్చని తెలుస్తోంది. అయితే కొన్ని అంచనాల ప్రకారం ఒక సిగరెట్ ధర.. రూ. 72 వరకూ పెరగొచ్చని కూడా అంటున్నారు. కానీ అదేమంత వాస్తవం కాదన్న మాట కూడా వినిపిస్తోంది.

పొగాకు ఉత్పత్తులపై కొత్త జీఎస్టీ.. కేంద్ర ప్రభుత్వం నిర్ణయం

ఇటీవల పొగాకు ఉత్పత్తులపై అదనపు ఎక్సైజ్ సుంకం, పాన్ మసాలాలపై సెస్ విధిస్తున్నట్లు నిర్ణయించిన కేంద్రం

జనవరి 1న ఇందుకు సంబంధించిన నోటిఫికేషన్ జారీ

ఫిబ్రవరి 1 నుంచి సిగరెట్లు, పొగాకు, సంబంధిత ఉత్పత్తులపై 40 శాతం జీఎస్టీ… pic.twitter.com/ENhMjAMQQD

— BIG TV Breaking News (@bigtvtelugu) January 1, 2026

Share

• 
• 
• 
• 
• 
•