Vijay Signs First Order: తమిళనాడు సీఎం విజయ్.. ప్రమాణ స్వీకారం తర్వాత తొలి సంతకం దానిపైనే

Vijay Signs First Order: తమిళనాడు కొత్త ముఖ్యమంత్రి విజయ్ ప్రమాణ స్వీకారం చేసిన తర్వాత నేరుగా సెక్రటేరియేట్‌కు వెళ్లారు. అక్కడ ఉచిత విద్యుత్‌ ఫైల్‌పై ఆయన తొలి సంతకం చేశారు. ఎన్నికల సమయంలో తాను హామీ ఇచ్చిన విధంగా వివిధ ఫైళ్లపై సంతకాలు చేశారు.

తమిళనాడు సీఎం విజయ్ తొలి సంతకం ఉచిత విద్యుత్

తమిళనాడు రాజకీయాల్లో కొత్త శకం ప్రారంభమైంది. ఆ రాష్ట్ర చరిత్రలో దాదాపు 60 ఏళ్ల తర్వాత తొలిసారి డీఎంకె, అన్నాడీఎంకే పార్టీ యేతర ప్రభుత్వం ఏర్పాటు అయ్యింది. టీవీకే పార్టీ చీఫ్ విజయ్ ఆధ్వర్యంలో ప్రభుత్వం ఆదివారం కొలువుదీరింది. ప్రమాణ స్వీకారం పూర్తి కాగానే నేరుగా సెక్రటేరియేట్‌కు మంత్రులతో వెళ్లారు.

నేరుగా తన ఆఫీసులో మంత్రులతో అడుగుపెట్టారు విజయ్. ఎన్నికల్లో ఇచ్చిన హామీల మాదిరిగా తమిళనాడులో 200 యూనిట్ల వరకు ఉచిత విద్యుత్ ఫైలుపై సంతకం చేశారు ఆయన. ఆ తర్వాత మహిళా భద్రతపై, డ్రగ్స్‌కు వ్యతిరేకంగా వంటి హామీలకు సంబంధించిన ఫైళ్లపై సంతకాలు చేశారు.

ఆర్థిక పరిస్థితిపై శ్వేతపత్రం విడుదలకు ప్రభుత్వం సన్నాహాలు

సీఎం విజయ్ తీసుకున్న నిర్ణయంతో తమిళనాడులోని పేద-మధ్యతరగతి కుటుంబాలకు నెలకు 200 యూనిట్ల వరకు కరెంట్ బిల్లు కట్టాల్సిన అవసరం లేదు. తమ పాలనలో సామాన్యుల సంక్షేమమే ముఖ్యమన్నారు. మాదకద్రవ్యాల నెట్‌వర్క్‌, వాటికి సంబంధించిన నేరాలను ఎదుర్కోవడానికి ప్రత్యేక మాదకద్రవ్యాల అక్రమ రవాణా నిరోధక విభాగాన్ని ఏర్పాటు చేస్తున్నట్లు విజయ్ ప్రభుత్వం ప్రకటించింది.

వీటి బారిన పడిన వారిని రక్షించి, పునరావాసం కల్పించి, ఆరోగ్యకరమైన సమాజాన్ని నిర్మించడానికి మేము కృషి చేస్తామన్నారు. మహిళల భద్రతను బలోపేతం చేయడం, మహిళలపై నేరాలను పరిష్కరించడం లక్ష్యంగా ఒక ప్రత్యేక టాస్క్ ఫోర్స్‌ను ఏర్పాటు ఫైలుపై సంతకం చేశారు.

ALSO READ: స్క్రిప్ట్ అదిరిపోయింది.. అవమానించిన చోటే పట్టాభిషేకం.. నెహ్రూ స్టేడియంలో విజయ్ సరికొత్త చరిత్ర

తమిళనాడు దాదాపు రూ. 10 లక్షల కోట్ల అప్పు ఉందని సీఎం విజయ్ తన ప్రసంగంలో హైలైట్ చేశారు. పారదర్శక పాలన కోసం తమ ప్రభుత్వం ఓ శ్వేతపత్రాన్ని విడుదల చేస్తుందన్నారు. తమిళనాడు ఆర్థిక పరిస్థితి గురించి ప్రజలకు తెలియజేస్తుందన్నారు.

ఉచిత విద్యుత్ పై తొలి సంతకం చేసిన సీఎం విజయ్

మహిళా భద్రతపై రెండో సంతకం

డ్రగ్స్ కు వ్యతిరేకంగా ఈగిల్ వ్యవస్థ తరహా ఏర్పాటుపై మూడో సంతకం చేసిన విజయ్

CM Vijay signed his first file on free electricity. Second signature: Women’s Safety. Third signature: Setting up an Eagle-like… pic.twitter.com/xDTTY0Tz1A

— BIG TV Breaking News (@bigtvtelugu) May 10, 2026

BREAKING: TVK Chief C Joseph Vijay takes charge as the Chief Minister of Tamil Nadu, at the Tamil Nadu Secretariat. pic.twitter.com/ADY0o23MNJ

— Actor Vijay Team (@ActorVijayTeam) May 10, 2026

Share

• 
• 
• 
• 
• 
•