Bhagirath Case: బీజేపీ అగ్రనేత, కేంద్ర మంత్రి బండి సంజయ్ కుమారుడు భగీరథ్ పై నమోదైన కేసులో ఊహించని మలుపు చోటుచేసుకుంది. ఒక మైనర్ బాలిక విషయంలో తనపై వస్తున్న ఆరోపణలను కొట్టిపారేస్తూ.. అసలు బాధితులే తనను, తన స్నేహితులను డబ్బు కోసం బ్లాక్ మెయిల్ చేస్తున్నారని భగీరథ్ గతంలో వ్యాఖ్యానించారు. ఈ క్రమంలోనే నిర్మల్ జిల్లాలోని ఒక పోలీస్ స్టేషన్లో సదరు కుటుంబంపై గతంలోనే తాము ఫిర్యాదు చేశామని, అక్కడ ఎఫ్ఐఆర్ (FIR) కూడా నమోదైందని ఆయన పేర్కొన్నారు. అయితే, ఈ వాదనలపై పోలీసులు స్పందిస్తూ అసలు అలాంటి ఫిర్యాదులేవీ తమ రికార్డుల్లో లేవని తేల్చి చెప్పడం ఇప్పుడు చర్చనీయాంశమైంది.
రికార్డుల్లో లేని FIR.. పోలీసుల స్పష్టత
భగీరథ్ చేసిన వ్యాఖ్యలపై నిర్మల్ పోలీసులు పూర్తిస్థాయిలో ఆరా తీశారు. తమ స్టేషన్ పరిధిలో గానీ, జిల్లాలోని ఇతర రికార్డుల్లో గానీ భగీరథ్ చెప్పినట్లుగా మైనర్ బాలిక కుటుంబంపై ఎలాంటి కేసు నమోదు కాలేదని అధికారులు అధికారికంగా స్పష్టం చేశారు. “నిందితుడు చెబుతున్నట్లుగా ఎటువంటి ఎఫ్ఐఆర్ మా వద్ద లేదు.. అసలు వారు ఫిర్యాదు చేయడానికి కూడా రాలేదు” అని పోలీసులు క్లారిటీ ఇవ్వడంతో భగీరథ్ డిఫెన్స్లో పడ్డట్లయింది. దీంతో ఆయన చేసిన వ్యాఖ్యలు కేవలం సానుభూతి కోసమేనా అనే సందేహాలు వ్యక్తమవుతున్నాయి.
కేసును తప్పుదోవ పట్టించే ప్రయత్నమేనా?
ఈ పరిణామాల నేపథ్యంలో సోషల్ మీడియా వేదికగా నెటిజన్లు భగీరథ్పై విమర్శలు గుప్పిస్తున్నారు. తీవ్రమైన ఆరోపణలు ఎదుర్కొంటున్న సమయంలో, దర్యాప్తు సంస్థలను, ప్రజలను తప్పుదోవ పట్టించేందుకే లేని కేసును ఉన్నట్లుగా భగీరథ్ చిత్రీకరించారని పలువురు అభిప్రాయపడుతున్నారు. తప్పుడు సమాచారంతో కేసు తీవ్రతను తగ్గించుకోవాలని చూడటం చట్టపరంగా కూడా ఆయనకు మరిన్ని ఇబ్బందులు తెచ్చిపెట్టే అవకాశం ఉందని న్యాయ నిపుణులు విశ్లేషిస్తున్నారు.
ముదురుతున్న వివాదం.. రాజకీయ సెగ!
ఒకపక్క చట్టపరమైన చర్యలు వేగవంతం అవుతుండగా, మరోపక్క ఈ ఇష్యూ రాజకీయ రంగు పులుముకుంది. బండి సంజయ్ తనయుడి వ్యవహార శైలిని అధికార పార్టీ నేతలు తప్పుబడుతుండగా, బీజేపీ శ్రేణులు మాత్రం ఇది కక్ష సాధింపు చర్య అని వాదిస్తున్నాయి. అయితే పోలీసులు రికార్డుల సాక్షిగా భగీరథ్ వాదనను కొట్టిపారేయడంతో, ఇప్పుడు ఈ కేసులో ఆయన తదుపరి అడుగులు ఎలా ఉండబోతున్నాయనేది ఆసక్తికరంగా మారింది. పూర్తిస్థాయి విచారణ తర్వాతే ఈ ‘ట్విస్ట్’ వెనుక ఉన్న అసలు నిజాలు బయటకు రానున్నాయి.
Also Read: స్క్రిప్ట్ అదిరిపోయింది.. అవమానించిన చోటే పట్టాభిషేకం.. నెహ్రూ స్టేడియంలో విజయ్ సరికొత్త చరిత్ర.
Share
Vijay Signs First Order: తమిళనాడు సీఎం విజయ్.. ప్రమాణ స్వీకారం తర్వాత తొలి సంతకం దానిపైనే
హమీలు ఇచ్చారు.. అమలు మరిచారు.. కౌలు రైతుల గుర్తింపు పై రాష్ట్ర ప్రభుత్వం మౌనం!
