మైత్రీ మూవీ మేకర్స్‌ నిర్మాణంలో నవీన్ పొలిశెట్టి.. డెబ్యూ తమిళ దర్శకుడికి చాన్స్..

Naveen Mythri: తెలుగు చిత్ర పరిశ్రమలో తనదైన నటనతో, కామెడీ టైమింగ్‌తో అతి తక్కువ కాలంలోనే ‘మినిమం గ్యారెంటీ’ హీరోగా పేరు తెచ్చుకున్నారు నవీన్ పొలిశెట్టి. ‘ఏజెంట్ సాయి శ్రీనివాస ఆత్రేయ’, ‘జాతి రత్నాలు’, ‘మిస్ శెట్టి మిస్టర్ పోలిశెట్టి’ వంటి వరుస విజయాలతో బాక్సాఫీస్ వద్ద తన సత్తా చాటిన ఈ యువ హీరో, ఇప్పుడు టాలీవుడ్ టాప్ నిర్మాణ సంస్థ మైత్రీ మూవీ మేకర్స్‌తో చేతులు కలిపారు. ఈ ప్రాజెక్టుకు సంబంధించిన వార్త ఇప్పుడు ఇండస్ట్రీలో హాట్ టాపిక్‌గా మారింది. ఇప్పటికే నవీన్ ఈ ఏడాది సంక్రాంతికి వచ్చి మంచి హిట్ అందుకున్నాడు.

మైత్రీ మూవీ మేకర్స్ తో తొలిసారి

టాలీవుడ్‌లో భారీ చిత్రాలకు కేరాఫ్ అడ్రస్‌గా నిలిచిన మైత్రీ మూవీ మేకర్స్, నవీన్ పొలిశెట్టితో సినిమా చేయబోతుండటం విశేషం. సాధారణంగా భారీ బడ్జెట్ సినిమాలు స్టార్ హీరోలతో సినిమాలు తీసే మైత్రీ సంస్థ, నవీన్ లోని టాలెంట్‌ను గుర్తించి ఒక వైవిధ్యమైన కథతో ఈ ప్రాజెక్టును పట్టాలెక్కిస్తోంది. నిర్మాతలు నవీన్ యెర్నేని, రవిశంకర్ ఇప్పటికే కథా చర్చలు ముగించి, ప్రాజెక్టును ఖరారు చేశారు.

తమిళ దర్శకుడి పరిచయం

ఈ సినిమా ద్వారా ఒక తమిళ నూతన దర్శకుడు టాలీవుడ్‌కు పరిచయం కాబోతున్నారు. సదరు దర్శకుడు సిద్ధం చేసిన కథ నవీన్‌కు మైత్రీ సంస్థకు బాగా నచ్చిందని సమాచారం. కొత్త దర్శకుడైనప్పటికీ, స్క్రిప్ట్ లోని కొత్తదనం నవీన్ ఎనర్జీకి సరిపోయే కామెడీ ట్రాక్ ఉండటంతో ఈ నిర్ణయం తీసుకున్నట్లు తెలుస్తోంది. తమిళ మేకర్స్ మేకింగ్ స్టైల్, నవీన్ నేటివిటీ కామెడీ కలిస్తే సినిమా సరికొత్తగా ఉంటుందని విశ్లేషకులు భావిస్తున్నారు.

నవీన్ పొలిశెట్టి సినిమాలంటేనే వినోదానికి గ్యారెంటీ ఉంటుంది. ఈ కొత్త ప్రాజెక్ట్ కూడా యూత్, ఫ్యామిలీ ఆడియన్స్‌ను అలరించే విధంగా ఉంటుందని టాక్. ప్రస్తుతం స్క్రిప్ట్ పనులు తుది దశకు చేరుకున్నాయి. మిగతా నటీనటులు, సాంకేతిక నిపుణుల వివరాలను త్వరలోనే వెల్లడించనున్నారు. వరుస హిట్లతో ఊపుమీదున్న నవీన్, ఈ భారీ నిర్మాణ సంస్థతో కలిసి ఎలాంటి మ్యాజిక్ చేస్తారో చూడాలి. అధికారికంగా ఈ సినిమాకు సంబంధించిన టైటిల్ ఇతర వివరాలతో కూడిన ప్రకటన త్వరలోనే వెలువడనుంది. నవీన్ ఫ్యాన్స్ మాత్రం తమ హీరో మరో బ్లాక్ బస్టర్ హిట్ అందుకోవడం ఖాయమని సోషల్ మీడియాలో సంబరపడుతున్నారు. మరిన్ని వివరాల కోసం ‘అఫీషియల్ అనౌన్స్‌మెంట్’ కోసం ఆసక్తిగా ఎదురుచూస్తున్నారు.