Drive Movie OTT : ఇటీవల ఓటీటీ ప్లాట్‌ఫామ్ ప్రైమ్ వీడియోలో విడుదలైన ఒక చిత్రం ట్రెండింగ్ గా మారడం హాట్ టాపిక్ గా మారింది. ముఖ్యంగా ఈ సినిమా క్లైమాక్స్ ప్రశంసలు అందుకుంటోంది. నిజానికి ఈ మూవీ థియేటర్లలో ఎప్పుడు వచ్చింది ? అన్నది కూడా ఎవ్వరికీ తెలియనంత బిగ్గెస్ట్ డిజాస్టర్ అయ్యింది. కానీ ఓటీటీలో మాత్రం రికార్డులు క్రియేట్ చేస్తోంది. మరి ఆ మూవీ ఏంటి ? స్టోరీ ఏంటి? అన్నది వివరంగా తెలుసుకుందాం పదండి.
ఓటీటీ ప్రియులు తరచుగా ఉత్తమ చిత్రాలు, కొత్త సినిమాల కోసం ఎదురు చూస్తారు. ఇక అలాంటి కంటెంట్ అందిస్తూ ప్రైమ్ వీడియో చాలా మందికి ఇష్టమైన ఓటీటీ ప్లాట్‌ఫామ్ గా మారింది. సిరీస్ అయినా లేదా సినిమా అయినా, మొదట ప్రైమ్ వీడియోలోనే దాని కోసం చూస్తారు. ఇటీవల ఈ ప్లాట్‌ఫామ్‌లో విడుదలైన ‘డ్రైవ్’ (Drive) అనే సైబర్ క్రైమ్ మూవీ గురించే మనం మాట్లాడుకుంటున్నాము. నిజానికి సస్పెన్స్ విషయానికి వస్తే, మనం పవర్ ఫుల్ క్లైమాక్స్‌తో కూడిన కొన్ని అద్భుతమైన చిత్రాలను ఎంపిక చేసుకుంటాము. ఇక నిర్మాతలు కూడా దానికి తగ్గట్టే అద్భుతమైన చిత్రాలను నిర్మిస్తున్నారు. సినిమా ముగింపు ఎవరూ ఊహించని విధంగా ఉందంటే వచ్చే కిక్కే వేరు. ఇక ‘డ్రైవ్’ క్లైమాక్స్ కూడా అలాగే ఉండడంతో ఓటీటీలో ట్రెండ్ అవుతోంది.
ఈ చిత్రం అమెజాన్ ప్రైమ్ వీడియో (Amazon Prime Video)లో స్ట్రీమింగ్ కోసం అందుబాటులో ఉంది. రీసెంట్‌గా ‘అఖండ 2’లో విలన్‌గా నటించిన యంగ్ హీరో ఆది పినిశెట్టి ‘డ్రైవ్’లో హీరోగా నటించారు.ఓటీటీలో తెలుగుతో పాటు తమిళం, హిందీ, కన్నడ, మలయాళ భాషల్లో అవైలబుల్ గా ఉన్న ఈ మూవీకీ, జెనుస్ మహమ్మద్ దర్శకత్వం వహించారు. మడోన్నా సెబాస్టియన్ హీరోయిన్‌గా నటించింది. భవ్య క్రియేషన్స్ బ్యానర్‌పై వి.ఆనంద్ ప్రసాద్ ఈ మూవీని నిర్మించారు.
Read Also : మనుషుల్లా జీవించాలని ఆశపడే రోబోలు… నవ్విస్తూనే భయపట్టే సైన్స్ ఫిక్షన్ థ్రిల్లర్
సౌత్ ఇండియాలోనే పేరున్న మీడియా హౌస్ ప్రజా మీడియా కార్పొరేషన్. ఈ మీడియా సంస్థ అధినేత జై (ఆది పినిశెట్టి). అతను కాబోయే భార్య (మడోన్నా సెబాస్టియన్)తో కలిసి లండన్‌ లో సెటిల్ అవ్వాలని అనుకుంటాడు. అందుకు తగ్గ ఏర్పాట్లలో ఉండగానే అతని లైఫ్ ఊహించని టర్న్ తిరుగుతుంది. సడన్ గా అతని మొబైల్ తో పాటు బ్యాంక్ అకౌంట్స్, మీడియా సంస్థ అకౌంట్స్ ను హ్యాక్ అవుతాయి. ఆ పని ఎవరు చేశారో జైకి అంతుపట్టదు. కానీ జై వేసే ప్రతీ అడుగును హ్యాకర్ గమనిస్తాడు. అంతేకాకుండా ఈ విషయం పోలీసులకు తెలిస్తే చంపేస్తానని బెదిరిస్తాడు. ఆలోగా జై సంస్థకు సంబంధించిన సీక్రెట్స్ ను బయట పెడుతూ అతని ప్రతిష్టపై దెబ్బకొడతాడు. దీంతో జై తన ప్రొఫెషనల్ లైఫ్ ను నాశనం చేసిన ఆ హ్యాకర్ ను ఎలాగైనా పట్టుకోవాలని డిసైడ్ అవుతాడు. మరి జై అతన్ని ఎలా పట్టుకున్నాడు ? ఆ హ్యాకర్ ఎవరు ? చివరికి ఏం జరిగింది ? అన్నది మూవీలో చూసి తెలుసుకోవాల్సిందే.
Share
Poovu movie OTT : ఏకంగా 3 ఇంటర్నేషనల్ ఫిల్మ్ ఫెస్టివల్ లో అవార్డులు గెలుచుకున్న మలయాళం మూవీ... సైలెంట్ గా ఓటీటీ స్ట్రీమింగ్
Oppo A6 Pro 5G: ఇండియాలో ఓప్పో కొత్త ఫోన్ లాంచ్.. మిడ్ రేంజ్‌లో 7000mAh బ్యాటరీ 50MP కెమెరా ఇంకా
