Action Thriller OTT : స్కూల్ లైఫ్లో బుల్లీయింగ్ వల్ల విద్యార్థులు చాలా సఫర్ అవుతుంటారు. ఈ నేపథ్యంలో ఒక యాక్షన్ థ్రిల్లర్ కొరియన్ సిరీస్ ఓటీటీలో దుమ్ము దులుపుతోంది. ఈ సిరీస్ చూస్తే గూస్బంప్స్ పక్కాగా వస్తుంది. ఈ కథలో ఒక బలహీనంగా ఉండే టాప్ స్టూడెంట్ ని కొంత మంది ఆకతాయిలు ఘోరంగా ఏడిపిస్తుంటారు. ఆ తరువాత అతను ఎదురు తిరిగినప్పుడు స్టోరీ నెక్స్ట్ లెవెల్ లో ఉంటుంది. రెండు సీజన్లు వచ్చిన ఈ సిరీస్ కి ఐయండిబిలో 8.4 రేటింగ్ ఉండటం విశేషం.
2022లో వచ్చిన ఈ కొరియన్ వెబ్ సిరీస్ పేరు ‘వీక్ హీరో క్లాస్ 1’ (Weak Hero Class 1). ఈ సిరీస్ ఒక పాపులర్ వెబ్ టూన్ ఆధారంగా తీశారు. ఇందులో హీరో పార్క్ జీ-హూన్ ఒకప్పుడు కే-పాప్ సింగర్, కానీ ఈ సిరీస్లో తన నటనతో అందరికీ షాక్ ఇచ్చాడు. ముఖ్యంగా వాడు తన కళ్ళతోనే కోపాన్ని చూపిస్తూ, ఎదుటివాడి మైండ్ రీడ్ చేస్తూ చేసే ఫైట్స్ ఈ షోకే హైలైట్. ఇక ఇందులో యాక్షన్ సీక్వెన్స్ చాలా నాటుగా ఉంటాయి. హీరో గాల్లో ఎగిరి తన్నడం కాకుండా, చేతికి దొరికిన పుస్తకం, పెన్, కిటికీ కర్టెన్లని ఆయుధాలుగా వాడుకుని కొడతాడు. అందుకే ఇది యూత్ కి బాగా కనెక్ట్ అయింది. మొదటి సీజన్ కేవలం హీరో గతాన్ని మాత్రమే చూపిస్తుంది, అసలైన మెయిన్ కథ అంతా సీజన్ 2లో ఉంటుంది. ఇది 2022 నవంబర్ 18న 8 ఎపిసోడ్లుతో సీజన్ 1 విడుదలైంది. సీజన్ 2 ఏప్రిల్ 25న గత ఏడాది 8 ఎపిసోడ్లతో వచ్చింది. రెండు సీజన్లు నెట్ ఫ్లిక్స్ ఓటీటీలో అందుబాటులో ఉన్నాయి.
సీ-యున్ అనే కుర్రాడు చూడటానికి చాలా అమాయకంగా, బక్కపలచగా ఉంటాడు. అతని లోకం ఏదో అతనిది, ఎప్పుడూ పుస్తకాల్లో తలదూర్చి చదువుకుంటూ ఉంటాడు. కానీ మనోడికి ఒక తిక్క ఉంది.. ఎవరైనా తన పనికి అడ్డువచ్చినా, తనని కెలికినా అస్సలు ఊరుకోడు. దీంతో ఆ క్లాస్లో ఉండే కొంతమంది రౌడీ బ్యాచ్ అతన్ని తక్కువ అంచనా వేసి వేధించడం మొదలుపెడతారు. కానీ వాళ్లకు తెలియదు, వాడు కొట్టడం మొదలు పెడితే హాస్పిటల్ బెడ్ మీద తేలాల్సిందేనని. అసలు మ్యాటర్ ఏంటంటే, ఈ సీ-యున్ గాడికి కండ బలం కంటే బుద్ధి బలం ఎక్కువ. వాడు మనలాగా గాల్లో ఎగిరి తన్నడు.. చేతిలో ఉన్న పెన్నునో, డస్టర్నో లేదా చుట్టూ ఉన్న వస్తువులనో వాడుకుని ఎదుటివాడి మైండ్ బ్లాక్ అయ్యేలా కొడతాడు.
ఎదురుగా ఉన్నోడు ఎంత పొడవున్నా, ఎంత లావున్నా వాడి వీక్ పాయింట్ పట్టుకుని కుమ్మేస్తాడు. ఈ క్రమంలోనే స్కూల్ బయట ఉండే గ్యాంగ్ స్టర్లతో కూడా గొడవలు మొదలవుతాయి. అప్పుడు సీ-యున్ కి తోడుగా ఇద్దరు స్నేహితులు తోడవుతారు. ఈ ముగ్గురు కలిసి ఆ రౌడీ బ్యాచ్ల ఆట ఎలా కట్టించారనేదే మెయిన్ స్టోరీ. స్కూల్ బుల్లీయింగ్ ఎంత దారుణంగా ఉంటుందో, దానికి ఎదురుతిరిగితే వచ్చే రిజల్ట్ ఎలా ఉంటుందో ఈ సిరీస్లో పక్కా మాస్ లెవల్లో చూపించారు. చివరికి హీరో సీ-యున్ ఆ ఊబి నుంచి ఎలా బయటపడ్డాడు ? తన స్నేహితుల కోసం ఏం చేశాడనేది చూస్తే మీకు గూస్బంప్స్ రావడం పక్కా.
Read Also : సైకో కిల్లర్ చేతిలో చిక్కుకున్న సైకాలజిస్ట్… 60 నిమిషాల డెడ్లైన్ తో అల్లకల్లోలం
Share
Raaka Movie: రాకా స్టోరీ లీక్.. డ్యూయల్ అనుకున్నామే.. ఈ ట్విస్ట్ ఊహించలేదు భయ్యో!
ప్రెస్ క్లబ్కు వస్తావా?.. చర్చకు సిద్ధమా?.. మంగ్లీకి అడ్వకేట్ సుబ్బారావు స్ట్రాంగ్ కౌంటర్
