Psychological thriller OTT : థ్రిల్లర్ కంటెంట్ ను హాలీవుడ్ వాళ్ళు చాలా క్రేజీగా తీస్తుంటారు. కొన్ని సినిమాలు అయితే ప్రతి సీన్ లో ఉత్కంఠత పెంచుతాయి. ఈ నేపథ్యంలో ఒక మైండ్ బ్లోయింగ్ సైకలాజికల్ థ్రిల్లర్ ఓటీటీలో సీట్ ఎడ్జ్ కి తీసుకెళ్తోంది. ఈ కథ ఒకే గదిలో ఇద్దరు వ్యక్తుల మధ్య జరిగే మాటల యుద్ధంతో మొదలవుతుంది. సినిమా మొదలైన పది నిమిషాలకే అసలు కథలోకి వెళ్ళిపోతుంది. చూస్తున్నంత సేపు తర్వాత ఏం జరుగుతుందనే టెన్షన్ గుండెల్లో రైళ్లు పరిగెత్తిస్తుంది. ఇది మామూలు క్రైమ్ సినిమాల్లా కాకుండా, మైండ్ గేమ్ లా సాగుతుంది. సినిమా చివర్లో వచ్చే క్లైమాక్స్ ట్విస్ట్ మాత్రం ఎవ్వరూ ఊహించని విధంగా ఉంటుంది. ఇక ఆ ఒక్క మలుపుతో సినిమా రేంజ్ మారిపోతుంది. సైకలాజికల్ థ్రిల్లర్స్ ఇష్టపడే వాళ్ళకి ఇది ఒక పర్ఫెక్ట్ ఛాయిస్.
2022లో వచ్చిన ఈ సైకలాజికల్ థ్రిల్లర్ సినిమా పేరు ‘ది లాస్ట్ క్లయింట్’ (The Last Client). ఈ సినిమాను ఆండర్స్ రోనో క్లార్లండ్ అనే దర్శకుడు తీశారు. ఆయన క్రైమ్ నవలలు రాసే ఫేమస్ రైటర్ కూడా. అందుకే ఈ సినిమాలో సస్పెన్స్, మలుపులు చాలా గ్రిప్పింగ్గా ఉంటాయి. సినిమా అంతా ఒకే గదిలో, కేవలం ఇద్దరు వ్యక్తుల మధ్య జరిగే సంభాషణతోనే నడుస్తుంది. తక్కువ బడ్జెట్తో తీసినా, ఆ సిగ్నే ఎగోల్మ్ ఓల్సన్, ఆంటన్ హ్జెల్లే అనే నటుల నటనతో సీటు అంచున కూర్చోబెట్టేలా టెన్షన్ క్రియేట్ చేశారు. ఐఎండిబిలో 6.4/10 రేటింగ్ సంపాదించిన ఈ సినిమా, డెన్మార్క్ దేశానికి చెందినది. ప్రస్తుతం ఈ సినిమా ప్రైమ్ వీడియోలో అందుబాటులో ఉంది.
సుసాన్ అనే ఒక పెద్ద సైకాలజిస్ట్ తన క్లినిక్ మూసేసి ఇంటికి వెళ్దామనుకుంటూ ఉంటుంది. ఆ టైమ్లో మార్క్ అనే ఒక కుర్రాడు అర్జెంట్ అని లోపలికి వస్తాడు. వస్తూనే తలుపులేసి, నేనే ఊర్లో అందరినీ చంపేస్తున్న సీరియల్ కిల్లర్ అని బాంబు పేలుస్తాడు. నన్ను మార్చడానికి నీకు ఒకటే గంట టైమ్ ఇస్తున్నా, ఈలోపు నన్ను నువ్వు మార్చలేకపోతే నిన్ను కూడా లేపేస్తా అని డెడ్ లైన్ పెట్టి ఆమెకు షాక్ ఇస్తాడు. ఇక ఆ గదిలో సుసాన్ కి, ఆ కిల్లర్ కి మధ్య పెద్ద మైండ్ గేమ్ మొదలవుతుంది. వాడు తన గతాన్ని చెప్తుంటే, అందులో సుసాన్ కి కూడా సంబంధం ఉందని అర్థమవుతుంది.
సుసాన్ గతంలో చేసిన ఒక చిన్న తప్పు వల్ల వీడు ఇలా తయారయ్యాడని తెలిసి ఆమె షాక్ అవుతుంది. ఒక పక్క బయట పోలీసులు అతని కోసం గాలిస్తుంటారు, లోపల వీడేమో ఆమె ప్రాణాలతో ఆడుకుంటూ ఉంటాడు. గడియారం ముల్లు తిరుగుతున్న కొద్ది ఆడియన్స్లో కూడా టెన్షన్ పెరిగిపోతుంటుంది. చివరికి అసలు ట్విస్ట్ చూస్తే మైండ్ బ్లాక్ అయిపోతుంది. ఆ ట్విస్ట్ ఏమిటి ? సుసాన్ గతంలో చేసిన మిస్టేక్ ఏమిటి ? ఆ సైకోని ఆమె ఒక గంటలో మారుస్తుందా ? అతని నుంచి ఆమె ప్రాణాలతో బయట పడుతుందా ? అనే విషయాలను, ఈ సినిమాను చూసి తెలుసుకోవాల్సిందే.
Read Also : పగ తీర్చుకోవడానికి 10 ఏళ్ల నిరీక్షణ… పక్కా మాస్ రివెంజ్ స్టోరీ… ఐయండిబిలో 8.2 రేటింగ్
Share
Akhtar On Naqvi: భూతద్దాలు పెట్టుకోని చూడు..పెట్రోల్ విషయంలో ఇండియా కాలి గోటికి కూడా పాక్ సరిపోదు
మైండ్ గేమ్ తో మతిపోగొట్టే అంతుచిక్కని మిస్టరీ... అసలు పిచ్చి ఎవరికో అర్థం కాక బుర్ర తిరిగిపోయే థ్రిల్లర్
