Attenberg Movie on OTT : ఒక డిఫరెంట్ కంటెంట్ చూడాలనుకుంటే, ఇప్పుడు చెప్పుకోబోయే సినిమాను చూడచ్చు. ఇందులో పాత్రలు చాలా వింతగా ఉంటాయి. మనుషులతో ఎలా కలవాలో తెలియక హీరోయిన్ జంతువుల లాగా అరుస్తూ, వింతగా గెంతుతూ ఉంటుంది. ఆమె మనుషులకంటే జంతువులతోనే కనెక్టివ్ గా ఉంటుంది. మధ్యలో వచ్చే లవ్ స్టోరీ, తండ్రి సెంటిమెంట్ తో ఇది ఆసక్తిగా ఉంటుంది. బోరింగ్ గా ఉన్నప్పుడు ఈ సినిమా చూస్తే భలే అనిపిస్తుంది. ఎమోషన్స్ ను కొంచెం స్టైల్ మార్చి చూపిస్తుంది ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే..
ఈ గ్రీక్ డ్రామా మూవీ పేరు ‘అటెన్‌బర్గ్’ (Attenberg). దీనిని అతిథి రాచెల్ తెరకెక్కించారు. ఇందులో హీరోయిన్ అరియాన్ లేబ్డ్ తన మొదటి సినిమాతోనే వెనిస్ ఫిల్మ్ ఫెస్టివల్‌లో ‘బెస్ట్ యాక్ట్రెస్’ అవార్డు కొట్టేసి అందరినీ ఆశ్చర్యపరిచింది. ఈ సినిమాలో ఇంజనీర్‌గా నటించిన యోర్గోస్ లాంతిమోస్ ప్రస్తుతం హాలీవుడ్‌లో ‘పూర్ థింగ్స్’ వంటి ఆస్కార్ సినిమాలతో స్టార్ డైరెక్టర్‌గా వెలుగుతున్నాడు. మొత్తం మీద ఈ సినిమా ఒక సాదాసీదా కథలా కాకుండా, మనిషిలో ఉండే మరో కోణాన్ని వెరైటీగా చూపిస్తుంది. ముబి, ప్రైమ్ వీడియోలో ఈ సినిమా అందుబాటులో ఉంది.
మెరీనా అనే యువతికి లోకం పోకడ అస్సలు తెలియదు. 23 ఏళ్లొచ్చినా మనుషులతో ఎలా కలవాలో, ఎలా మాట్లాడాలో అర్థం కాదు. అందరూ పద్ధతిగా ఉంటే, ఈమె మాత్రం జంతువుల లెక్క వింత వింతగా అరుస్తూ, గోడల మీద గెంతుతూ వెరైటీగా ప్రవర్తిస్తుంది. ఈమెకు మనుషుల కంటే టీవీలో వచ్చే అటెన్‌బర్గ్ అనే జంతువుల డాక్యుమెంటరీలంటేనే పిచ్చి. ఆ జంతువులను చూసి, అవి ఎలా కొట్టుకుంటాయో, ఎలా ఆడుకుంటాయో అలాగే ఈమె కూడా చేస్తూ ఒక రకమైన పిచ్చి లోకంలో బతుకుతుంటుంది.
ఇక ఈమెకు బెల్లా అని ఒక స్నేహితురాలు ఉంటుంది. ఆ బెల్లాకి లోకజ్ఞానం ఎక్కువే, మగాళ్ల ముచ్చట్లు, ముద్దుల గోలలు బాగా తెలుసు. అసలు ముద్దు ఎట్లా పెడతారో తెలుసా? అని మెరీనాకు కూడా నేర్పిస్తుంటుంది. మరోపక్క మెరీనా తండ్రికి చావు దగ్గర పడినా, ఈమెలో ఈ పెద్దగా చలనం ఉండదు. కానీ లోలోపల ఏదో తెలియని బాధ ఉంటుంది. సరిగ్గా అదే టైమ్‌లో ఊర్లోకి ఒక కొత్త ఇంజనీర్‌ వస్తాడు. అతన్నిచూడగానే ఈమెకు కోరిక పుడుతుంది. ఆ కుర్రాడితో కలిసి మాట్లాడేందుకు మెరీనా ట్రై చేస్తుంది. కానీ ఈమె తీరు మొత్తం రివర్స్ అవుతుంది. అటు తండ్రి చనిపోవడం, ఇటు బెల్లా నేర్పించే పాడు పనులు, మధ్యలో ఈ కొత్త కుర్రాడితో పరిచయం.. వీటన్నిటి మధ్యలో మెరీనా తనని తాను తెలుసుకోవడమే ఈ సినిమా కథ.
Read Also : విద్యార్థిని మోజులో ప్రొఫెసర్… వద్దంటూనే చేసే తప్పు…
Share
85 ఏళ్ల వయసులోనూ ఫిట్ గా ఉండటానికి కారణం చెప్పేసిన అలనాటి స్టార్
నిద్రలో వచ్చే నిజమైన కలలు... ఫ్యూచర్‌ ముందే చూస్తూ విలన్లకు చుక్కలు చూపించే మైండ్ బ్లోయింగ్ కే డ్రామా
