Chiraiya Web Series OTT : భారతీయ వివాహాలకు ప్రపంచంలోనే గొప్ప స్థానం ఉంది. ఒకప్పుడు రోజుల తరబడి జరుపుకునే ఈ వేడుక, ఇప్పుడు ఒక్క రోజులో ముగించేస్తున్నారు కూడా. అలాగే వైవాహిక జీవితాలు కూడా రోజులలనే విడాకుల బాట కూడా పడుతున్నాయి. ఈ నేపథ్యంలో ఒక కొత్త సిరీస్ ఓటీటీలోకి వస్తోంది. ఇది వైవాహిక జీవితంలో జరిగే అన్యాయాలను లేవనెత్తుతుంది. ఈ సిరీస్ టీజర్ కి మంచి స్పందన కూడా వస్తోంది. ముఖ్యంగా మహిళలపై జరిగే హింసను చూపిస్తూ ఆడియన్స్ ను ఆలోచనలో పడేయనుంది ఈ కథ. ఈ సిరీస్ పేరు ఏమిటి ? ఏ ఓటీటీలో స్ట్రీమింగ్ కానుంది ? అనే వివరాల్లోకి వెళ్తే …
శశాంత్ షా దర్శకత్వం వహించి, SVF ఎంటర్‌టైన్‌మెంట్ నిర్మించిన ఈ సిరీస్ పేరు ‘చిరయ్య’ (Chiraiya). ఇందులో దివ్య దత్తా ప్రధాన పాత్ర పోషిస్తున్నారు. సంజయ్ మిశ్రా, సిద్ధార్థ్ షా, ప్రసన్న బిష్ట్, ఫైసల్ రషీద్, టిన్ను ఆనంద్, సరితా జోషి వంటి నటులు ముఖ్య పాత్రల్లో నటించారు. ఈ వెబ్ సిరీస్ 2026, March 8 నుంచి జియో హాట్‌స్టార్‌ JioHotstar లో ప్రీమియర్ అవుతుంది. వైవాహిక అత్యాచారం అనే సున్నితమైన సమస్యను ఈ సిరీస్ చర్చిస్తుంది. మరి ఈ సిరీస్ ను చూడాలంటే మరో వారం రోజులు ఆగాల్సిందే.
ఈ సిరీస్ పెళ్లి చూపులతో ప్రారంభమవుతుంది, వధువు పూజ భవిష్యత్తులో ఎన్నో ఆశలతో తన కొత్త జీవితంలోకి అడుగు పెడుతుంది. కానీ ఆమె అనుకున్నట్లు మాత్రం జీవితం ఉండదు. గుండెను మెలిపెట్టే సంఘటనలు జరుగుతాయి. ఆమె ముఖంపై కన్నీళ్లు కారుతూ, ఆమె శరీరంపై కనిపించే గాయాల గుర్తులతో వధువు టెర్రస్‌పై ఉన్నట్లు చూపించారు. ఇది వివాహం తర్వాత భర్త భార్యపై బలవంతం చేయడం వంటి వికృత నేరాలపై ప్రశ్నలను సంధిస్తుంది. ఎన్నో ఏళ్లుగా ఇలాంటి హింసలను మహిళలు మౌనంగా
భరిస్తూ వచ్చారు. ఎక్కడో ఒక చోట జరుగుతూనే ఉన్నాయి. ఇప్పుడు ఈ సంఘటనలపై ఈ సిరీస్ ఎలాంటి మెసేజ్ ఇస్తుంది ? ఈ సిరీస్ లో పూజ ఎలాంటి హింసకు గురవుతుంది ? దీని నుంచి ఎలా బయట పడుతుంది ? అనే విషయాలను, ఈ సిరీస్ ను చూసి తెలుసుకోవాల్సిందే.
Read Also : దాదాపు 16 ఏళ్ల విరామం తర్వాత ఓటీటీలోకి మెడికల్ డ్రామా… 10 సీజన్లు వచ్చినా తగ్గని క్రేజ్
Share
Actress Suhashini : నటి సుహాసిని సినిమాల్లోకి రాకముందు ఏం చేసిందో తెలుసా..?
Morning habits: సక్సెస్ ఫుల్ పీపుల్ ఉదయాన్నే చేసే.. ఆ 4 పనులు ఇవే!
