Christopher Nolan Movies on OTT: హాలీవుడ్ స్టార్ డైరెక్టర్ క్రిస్టోఫర్ నోలన్… మైండ్ బ్లోయింగ్ ట్విస్టులు, అద్భుతమైన విజువల్స్, మరపురాని కథలు గుర్తొస్తాయి. ఆయన తాజా చిత్రం ‘ది ఒడిస్సీ’ (The Odyssey) జూలై 17న విడుదలై దుమ్మురేపుతుంది. గ్రీక్ మహాకావ్యం ఆధారంగా తెరకెక్కిన ఈ ఎపిక్ చిత్రం చూసే ముందు ఆయన చేసిన గత మాస్టర్ పీస్ లు చూడాల్సిందే. మరి ఆ సినిమాలు ఏంటి ? ఏ ఓటీటీలో ఉన్నాయి ? అనే వివరాలను తెలుసుకుందాం పదండి.
అల్ పచినో ప్రధాన పాత్రలో నటించిన ఈ సినిమా నోలన్ ఫస్ట్ హాలీవుడ్ మూవీ. అలస్కాలో జరిగే హత్యా కేసును దర్యాప్తు చేస్తున్న లాస్ ఏంజెల్స్ డిటెక్టివ్ విల్ డార్మర్ నిద్రలేమి బారిన పడటం, ఆ తరువాత జరిగే సంఘటనలే ఈ సినిమా కథ. ఈ సైకలాజికల్ థ్రిల్లర్ యాపిల్ టీవీలో రెంట్ లేదా బై విధానంలో చూడవచ్చు.
బ్యాట్మ్యాన్ బిగిన్స్ (2005), ది డార్క్ నైట్ (2008), ది డార్క్ నైట్ రైజెస్ (2012)… ఈ మూడు చిత్రాలు సూపర్ హీరో సినిమాల జానర్ ను పూర్తిగా మార్చేశాయి. హీత్ లెడ్జర్ జోకర్ పాత్ర, ఆర్థర్ ఫ్లెక్గా జోకర్ (2019) కాకుండా ఈ ట్రైలాజీలోని డార్క్ నైట్ ఇప్పటికీ బెస్ట్. రాజస్థాన్లోని జోధ్పుర్లో కొంత భాగం చిత్రీకరించారు. అమెజాన్ ప్రైమ్ వీడియో, జియో సినిమాల్లో తెలుగు ఆడియోతో అందుబాటులో ఉన్నాయి. యాపిల్ టీవీ, యూట్యూబ్ మూవీస్లో రెంట్ లేదా బై విధానంలో చూడవచ్చు.
రెండు మ్యాజిషియన్ల మధ్య జరిగే పోటీ, ఈర్ష్య, ప్రతీకారం – ఈ సినిమా నోలన్ యొక్క మెగా హిట్. హ్యూ జాక్మన్, క్రిస్టియన్ బేల్, మైఖేల్ కెయిన్ నటన అద్భుతం. చివరి ట్విస్ట్ ఇప్పటికీ అన్ని చర్చల్లో ఉంటుంది.ఓటీటీ వివరాలు: ప్రైమ్ వీడియో, యూట్యూబ్ మూవీస్, యాపిల్ టీవీలో రెంట్ లేదా బై విధానంలో చూడవచ్చు.
ఇతరుల కలల్లోకి చొరబడి రహస్యాలను దొంగలించే హీరో డామ్ కోబ్. ఈ సినిమా నోలన్ను ప్రపంచ స్టార్ డైరెక్టర్గా నిలిపింది. ప్రైమ్ వీడియో, జియో సినిమాల్లో అందుబాటులో ఉంది.
స్పేస్, టైమ్, ఫ్యామిలీ ఎమోషన్స్… ఈ సినిమాలో ఎమోషన్తో పాటు సైన్స్ ఫిక్షన్ ను అద్భుతంగా మేళవించారు. మాథ్యూ మెక్కానహీ, ఆన్ హాత్వే నటించిన ఈ సినిమా ప్రైమ్ వీడియో, జియో సినిమాల్లో అందుబాటులో ఉంది.
రెండవ ప్రపంచ యుద్ధం సమయంలో జరిగిన డంకిర్క్ ఎవాక్యుయేషన్ కథ. యాక్షన్, సస్పెన్స్ థ్రిల్లర్ గా రూపొందిన ఈ సినిమా జియో సినిమాలో అందుబాటులో ఉంది.
టైమ్ ఇన్వర్షన్ కాన్సెప్ట్తో వచ్చిన ఈ సినిమా నోలన్ సైన్స్ ఫిక్షన్ మాస్టర్పీస్. ప్రైమ్ వీడియోలో అందుబాటులో ఉంది ఈ సినిమా.
నోలన్ను ప్రపంచానికి పరిచయం చేసిన చిత్రం ఇది. షార్ట్ టర్మ్ మెమరీ లాస్ ఉన్న హీరో లియొనార్డ్ తన భార్యను చంపిన వారిని కనిపెట్టడానికి ఏం చేశాడు ? వారిపై ఎలా ప్రతీకారం తీర్చుకున్నాడనే ఆసక్తికరమైన అంశంతో ఈ సినిమా సాగుతుంది. లయన్స్గేట్ ప్లేలో తెలుగు ఆడియోతో అందుబాటులో ఉంది.
7 ఆస్కార్ అవార్డులు గెలుచుకున్న ఈ చిత్రం అణు బాంబు తయారీ వెనుక ఉన్న మానసిక సంఘర్షణను చూపిస్తుంది. జియో సినిమాలో అందుబాటులో ఉంది. ‘ది ఒడిస్సీ’ చూడడానికి ముందు ఈ సినిమాలు చూసి థియేటర్ కు వెళ్ళండి.
Read Also: కోమాలో ఉన్న భార్యను కాపాడుకోవడానికి కిరాక్ ప్లాన్, కానీ… ఒక్కసారి చూస్తే మర్చిపోలేరు భయ్యా
Share
కార్నివాల్ క్రూయిజ్ షిప్లో.. ఓ మహిళ ఒకటే గోకుడు, వీడియో వైరల్
పిల్లలపై లాఠీఛార్జ్ ఘోరం.. ధర్మేంద్ర ప్రధాన్ ముందే రేణుకా చౌదరి నిరసన
