Crime Thriller OTT : స్కూల్ అన్నాక అల్లరి పిల్లలు ఉండడం సహజమే. కానీ ఆ అల్లరి హద్దు దాటి తోటి విద్యార్థి ప్రాణం తీస్తే, దానికి ఆ పిల్లలపై రివేంజ్ ప్లాన్ చేస్తే ఎలా ఉంటుంది అన్న స్టోరీతో రూపొందిన మూవీనే ఈరోజు మన మూవీ సజెషన్. మరి ఈ మూవీ ఏ ఓటీటీలో ఉంది ? దాని స్టోరీ ఏంటి ? అనే వివరాలను తెలుసుకుందాం పదండి.
ఇప్పుడు మనం చెప్పుకుంటున్న ఈ మూవీ పేరు ‘కన్ఫెషన్స్’ ( confessions). 2010లో విడుదలైన ఈ మూవీకి టెట్సుయా నకషిమా దర్శకత్వం వహించగా, ఈ జపాన్ సైకలాజికల్ థ్రిల్లర్ కనే మినాటో నవల ఆధారంగా తెరకెక్కింది. డైరెక్టర్ టెట్సుయా నకషిమా ఇదివరకు ‘కామికాజే గర్ల్స్’, ‘మెమరీస్ ఆఫ్ మాట్సుకో’ అనే సూపర్ హిట్ సినిమాలు తీశారు. తకాకో మాట్సు, మసాకి ఒకడా, యుకితో నిషి, కై ఇనోవాకి ఇందులో ప్రధాన పాత్రలు పోషించారు. 1 గంట 46 నిమిషాలు రన్టైమ్ ఉన్న ఈ మూవీ 2010 జూన్ 5న జపాన్లో విడుదల అయింది. జపాన్ అకాడమీ అవార్డ్స్లో బెస్ట్ పిక్చర్, బెస్ట్ డైరెక్టర్ లాంటి అవార్డ్స్ గెలుచుకున్న ఈ సినిమా ఇప్పుడు MUBI ఓటీటీలో స్ట్రీమింగ్ అవుతోంది. రివెంజ్ థ్రిల్లర్స్ ఇష్టపడేవాళ్లకి ఈ మూవీ ఒక మాస్టర్పీస్. అస్సలు మిస్ అవ్వొద్దు.
Read Also : ఊరికి దూరంగా ఉన్న ఇంట్లో దూరే పోలీస్ – నిందితుడు… ఇంటెన్స్ క్రైమ్ థ్రిల్లర్
మిడిల్ స్కూల్ టీచర్ యూకో మోరిగుచి (తకాకో మాట్సు) చుట్టూనే ఈ మూవీ స్టోరీ తిరుగుతుంది. ఆమెకు 4 ఏళ్ల కూతురు ఉంటుంది. ఆ పాప స్విమ్మింగ్ పూల్ లో మునిగిపోయి ఆ తల్లికి తీరని మనో వేదనను మిగులుస్తుంది. కేసును ఇన్వెస్టిగేట్ చేయడానికి వచ్చిన పోలీసులేమో యాక్సిడెంట్ అని చెప్పి క్లోజ్ చేస్తారు. కానీ ఈ దారుణమైన ఘటనకి యూకో తన క్లాస్ లోని ఇద్దరు స్టూడెంట్స్ కారణం అని తెలుసుకుంటుంది. అయితే వాళ్ళే నిందితులు అని తెలిసినా… చిన్న పిల్లలు కావడంతో అక్కడి జువెనైల్ లా వల్ల పిల్లలకి శిక్ష పడదు.
సెమెస్టర్ లాస్ట్ డే క్లాస్ లో ఆ పిల్లలపై యూకో తన రివెంజ్ ను ప్లాన్ చేస్తుంది. మరి టీచర్ తన కూతురి చావుకు కారణం అయిన పిల్లలపై ఎలా రివేంజ్ తీర్చుకుంది ? అసలు యూకో రివేంజ్ ప్లాన్ ఏంటి ? మైండ్ బెండయ్యే క్లైమాక్స్ ఏంటి ? అన్న ప్రశ్నలకు సమాధానం తెలియాలంటే ఈ మూవీని చూడాల్సిందే. సినిమాలో కొన్ని డిస్టర్బింగ్ సీన్స్ కూడా ఉంటాయి, జాగ్రత్త.
Share
Today Horoscope in Telugu: ఆ రాశి వారికి కుటుంబ సభ్యులతో విబేధాలు - చేపట్టిన పనుల్లో ఆటంకాలు
Superhero Horror OTT : ముఖం లేని రాక్షసుడితో సూపర్ హీరోల ఫైటింగ్... యాక్షన్ సీన్స్ తో దుమ్మురేపే హర్రర్ మూవీ
