Crime Thriller OTT : ఓటీటీ ప్రియులు కొత్త వెబ్ సిరీస్ ల గురించి ఆలోచిస్తూ ఉంటారు. కొత్తగా వస్తే సరిపోదు ఆద్యంతం ఆసక్తికరంగా, కొత్తగా ఉండాలి. ఈరోజు మన మూవీ సజెషన్ కూడా అలాంటిదే. 7 ఎపిసోడ్‌ల ఈ క్రైమ్ థ్రిల్లర్ సిరీస్ విడుదలైన తర్వాత సంచలనం సృష్టించింది. IMDbలో సిరీస్ రేటింగ్ ఎంత? సిరీస్ పేరేంటి? కథ ఏంటి? అన్న విషయాలను తెలుసుకుందాం పదండి.
డిసెంబర్ 5న విడుదలైన వెబ్ సిరీస్ ‘కుట్రమ్ పురింధవన్ – ది గిల్టీ వన్’ (Kuttram Purindhavan : The Guilty One Series). సోనీ లివ్ (Sonyliv)లో అందుబాటులో ఉన్న ఈ వెబ్ సిరీస్ ను క్రైమ్ థ్రిల్లర్ ప్రియులు అస్సలు మిస్ అవ్వొద్దు. తమిళంలో రూపొందిన ఈ క్రైమ్ థ్రిల్లర్ సిరీస్ లో పశుపతి, విధార్థ్ ప్రధాన పాత్రలను పోషించారు. ఈ సిరీస్ కి సెల్వమణి దర్శకత్వం వహించగా, 7 ఎపిసోడ్స్ ఒకేసారి రిలీజ్ అయ్యాయి. తమిళంతో పాటు తెలుగు, మలయాళ, హిందీ భాషల్లోనూ ఒకేసారి అందుబాటులోకి వచ్చింది ఈ సిరీస్. ఓటీటీలో సంచలనం క్రియేట్ చేసిన ఈ సిరీస్ కు ఐఎండీబీలో 7.8 రేటింగ్ ఉంది. ఒక్కసారి చూడడం స్టార్ట్ చేస్తే 7 ఎపిసోడ్లు పూర్తి చేసేదాకా వదలరు. నిజానికి మొదటి మూడు ఎపిసోడ్‌లను చూస్తేనే గానీ కథ అర్థం కాదు. ఇక మిగిలిన నాలుగు ఎపిసోడ్లు సీట్ ఎడ్జ్ థ్రిల్ ఇస్తాయి పక్కా.
Read Also : ఓటీటీలోకి ధర్మేంద్ర చివరి చిత్రం… ఎప్పుడు, ఎక్కడ స్ట్రీమింగ్ కానుందంటే ?
ఓ ఊర్లో భాస్కర్ (పశుపతి) అనే ఫార్మసిస్ట్ తన భార్య ‘ఆనంది'(లిజీ ఆంటోనీ)తో కలిసి అద్దె ఇంట్లో నివశిస్తాడు. కూతురు ‘సెల్వి’ చనిపోవడంతో, అల్లుడు వదిలేసిన మనవడి రాహుల్ ని ఈ దంపతులే చూసుకుంటారు. రాహుల్ మెదడుకి సంబంధించిన వ్యాధి ఉంటుంది. దీంతో అప్పుడప్పుడూ కళ్ళు తిరిగి పడిపోతాడు. త్వరలోనే రిటైర్ కాబోతున్న భాస్కర్ ఆ డబ్బుతోనే మనవడికి సర్జరీ చేయించాలనే ఆలోచనలో ఉంటాడు. భాస్కర్ పక్కింట్లోనే ఎస్తేర్ తన తాగుబోతు భర్త, కూతురు మెర్సీతో కలిసి నివశిస్తుంది. ఇరుగు పొరుగు అయినప్పటికీ ఒక కుటుంబంలా ఉంటారు వీళ్ళంతా. ఎస్తేర్ ను రాహుల్ అమ్మా అని పిలిస్తే, భాస్కర్ దంపతులను ఎస్తేర్ అమ్మా నాన్నా అని పిలుస్తుంది.
ఈ నేపథ్యంలోనే ఊర్లో జాతర జరుగుతుంది. అదే టైమ్ లో ఎస్తేర్ భర్త ఇంటి ముందు శవమై కన్పిస్తాడు. కూతురు మెర్సీ మిస్ అవుతుంది. భాస్కర్ తాను జాతర నుంచి ఇంటికి వెళ్తూ మెర్సీని చూశానని స్టేట్మెంట్ ఇవ్వడంతో పోలీసులు ఇన్వెస్టిగేషన్ మొదలు పెడతారు. ఈ ఇన్వెస్టిగేషన్ లో కానిస్టేబుల్ గౌతమ కీలక పాత్రను పోషిస్తాడు. అసలు మెర్సీ ఏమైంది ? ట్యూషన్ టీచర్ ఫోన్లో మెర్సీ ఫోటోలు ఎందుకు ఉన్నాయి ? చర్చి ఫాదర్ కి ఈ కేసుతో సంబంధం ఏంటి ? నిజం ఏంటో తెలిసినా భాస్కర్ దంపతులు ఎందుకు దాచి పెట్టారు ? అసలు మెర్సీ ఏమైంది ? మనవరాలు లాంటి అమ్మాయిని భాస్కర్ ఏం చేశాడు ? ఎస్తేర్ గతంతో మెర్సీ మిస్సింగ్ కేసుకు ఉన్న లింకును కానిస్టేబుల్ ఎలా బయట పెట్టాడు ? అన్నది కథ.
Share
Anjeer Health Benefits: శీతాకాలంలో ఇమ్యూనిటీకి అంజీర్ వరం.. డైట్‌లో చేర్చుకుంటే శరీరంలో జరిగే మార్పులివే!
Punkt MC03: వచ్చేసింది హై సెక్యూరిటీ ఫోన్.. వాటర్ ప్రూఫ్ డిజైన్, రిమూవెబుల్ బ్యాటరీ ఫీచర్లతో లాంచ్
