Punkt MC03: వచ్చేసింది హై సెక్యూరిటీ ఫోన్.. వాటర్ ప్రూఫ్ డిజైన్, రిమూవెబుల్ బ్యాటరీ ఫీచర్లతో లాంచ్

Punkt MC03 High Security Android Phone| స్విట్జార్లాండ్ కు చెందిన స్మార్ట్‌ఫోన్ తయారీ కంపెనీ పుంక్ట్ తాజాగా ఒక ప్రత్యేక స్మార్ట్‌ఫోన్‌ లాంచ్ చేసింది. ఈ ఫోన్ ప్రైవసీ, హై సెక్యూరిటీ ఫీచర్లే ప్రాధాన్యంగా రూపొందించారు. ముఖ్యంగా డేటా కంట్రోల్ కావాల్సిన వారు.. ఇతర ఫీచర్ ఫోన్లకు మారకుండా ఈ ఫోన్ బెస్ట్ ఆప్షన్. హెవీ మొబైల్ ఎకోసిస్టమ్‌, హై సెక్యూరిటీ డేటా నిర్వహించే వారికోసం ప్రత్యేకంగా ఈ స్మార్ట్‌ఫోన్‌ను డిజైన్ చేయబడింది. ఆధునిక ఫీచర్లతో పాటు ప్రైవసీకి ఎక్కువ ప్రాధాన్యత ఇచ్చారు.
పుంక్ట్ MC03 కస్టమ్ ప్రైవసీ ఫోకస్డ్ సాఫ్ట్‌వేర్‌తో రన్ అవుతుంది. ఈ స్మార్ట్‌ఫోన్ పేరు పుంక్ట్ MC03.

సాఫ్ట్‌వేర్

ఇందులో పుంక్ట్ కంపెనీకి చెందిన AphyOS అనే కస్టమ్ ఆపరేటింగ్ సిస్టమ్‌పై రన్ అవుతుంది. AphyOS ఆండ్రాయిడ్ ఓపెన్ సోర్స్ ప్రాజెక్ట్ ఆధారంగా తయారైంది. గూగుల్ సర్వీసులు, బ్యాక్‌గ్రౌండ్ ట్రాకింగ్‌ను పూర్తిగా తొలగించారు. యూజర్లు యాప్ పర్మిషన్లపై ఎక్కువ కంట్రోల్ పొందుతారు. అనవసరమైన నెట్‌వర్క్ యాక్సెస్‌ను లిమిట్ చేస్తుంది. ఇది అనవసర డేటా కలెక్షన్‌ను తగ్గిస్తుంది.

ప్రైవసీ టూల్స్

ఫోన్ లో బిల్ట్-ఇన్ ప్రైవసీ టూల్స్, ఆప్షనల్ సెక్యూర్ సర్వీసులు ఉన్నాయి. పుంక్ట్ ఫోన్‌లో అనేక ప్రైవసీ టూల్స్ బిల్ట్-ఇన్‌గా ఉన్నాయి. సెక్యూర్ ఇంటర్నెట్ కోసం VPN సర్వీసులు సపోర్ట్ చేస్తుంది. ఆప్షనల్‌గా ప్రోటాన్ సర్వీసులు కూడా ఉన్నాయి. సెక్యూర్ ఈమెయిల్, క్లౌడ్ స్టోరేజ్ వంటివి ఉన్నాయి. ఫోన్ కొనుగోలు చేసిన మొదటి సంవత్సరం ఈ సర్వీసులు ఉచితం. తర్వాత పెయిడ్ సబ్‌స్క్రిప్షన్ అవసరం. సబ్‌స్క్రిప్షన్ లేకుండా కూడా ఫోన్ పనిచేస్తుంది కానీ అప్‌డేట్స్, కొన్ని ఫీచర్లు పరిమితంగా ఉంటాయి.

డిస్‌ప్లే, పర్‌ఫామెన్స్

డిస్‌ప్లే, పనితీరు వివరాలు బాగున్నాయి. పుంక్ట్ MC03లో 6.67 అంగుళాల పెద్ద AMOLED డిస్‌ప్లే ఉంది. 120Hz రిఫ్రెష్ రేట్ సపోర్ట్ చేస్తుంది. స్క్రీన్ షార్ప్ విజువల్స్, వైబ్రంట్ కలర్స్ ఇస్తుంది. మీడియా చూడటానికి, రోజువారీ ఉపయోగానికి బెస్ట్. మీడియాటెక్ డైమెన్సిటీ 7300 ప్రాసెసర్, 8GB RAMతో స్మూత్ పనితీరు లభిస్తుంది. ఫ్లాగ్‌షిప్ లెవెల్ కాదు కానీ రోజువారీ టాస్కులకు సరిపోతుంది.

కెమెరా సెటప్

కెమెరా సెటప్ రోజువారీ ఫోటోగ్రఫీకి సరిపడుతుంది. పుంక్ట్ MC03లో 64MP ప్రైమరీ రియర్ కెమెరా ఉంది. అల్ట్రా-వైడ్ లెన్స్ కూడా ఉంది. సెల్ఫీల కోసం 32MP ఫ్రంట్ కెమెరా ఉంది. రోజువారీ ఫోటోలకు మంచి రిలయబిలిటీ ఇస్తుంది. మిగతా అడ్వాన్స్‌డ్ ఫోటోగ్రఫీ వంటి ఫీచర్లు ఇందులో లేవు.

బ్యాటరీ, ఛార్జింగ్

రిమూవబుల్ బ్యాటరీ, రగ్డ్ బిల్డ్ క్వాలిటీ ఈ ఫోన్ ప్రత్యేకతలు. ముఖ్యంగా రిమూవబుల్ బ్యాటరీ ఇందులో హైలైట్. ఆధునిక ఫోన్లలో ఇది రేర్ ఫీచర్. 5200mAh బ్యాటరీ ఉంది. వైర్డ్, వైర్‌లెస్ రెండు విధాల ఛార్జింగ్ సపోర్ట్ చేస్తుంది. బ్యాటరీ సులభంగా మార్చవచ్చు, లాంగ్ టర్మ్ ఉపయోగం పెరుగుతుంది. రగ్డ్ డిజైన్‌తో IP68 డస్ట్, వాటర్ రెసిస్టెంట్. ఫోన్ బరువు సుమారు 240 గ్రాములు.

Also Read: ఇంటర్నెట్‌లో ఫ్రీగా సినిమాలు చూసేవారిపై కేసులు.. హెచ్చరిక జారీ చేసిన ప్రభుత్వం

ధర, అందుబాటు వివరాలు

పుంక్ట్ MC03 ధర 699 యూరోలు, అంటే సుమారు భారత కరెన్సీ రూ.63,000 నుంచి రూ.74,000. యూరప్‌లో ఈ నెలాఖరు నుంచి డెలివరీలు ప్రారంభం. నార్త్ అమెరికాలో మరో రెండు నెలల్లో సేల్స్ ప్రారంభమవుతాయి.

పుంక్ట్ ఫోన్ అందరికోసం కాదు

పుంక్ట్ MC03 బలమైన ప్రైవసీ, సెక్యూరిటీ ఫీచర్లు ఇస్తుంది. రిమూవబుల్ బ్యాటరీతో పాటు రగ్డ్ డిజైన్ స్టాండ్‌అవుట్. పర్సనల్ డేటాపై కంట్రోల్ కావాల్సినవారికి బెస్ట్. డేటా, ప్రైవసీ భద్రత కోసం చూసేవారికి స్మార్ట్‌ఫోన్ మార్కెట్‌లో యూనిక్ ఆల్టర్నేటివ్.