Family Drama OTT : ఓ మంచి ఫ్యామిలీ డ్రామాని చూడాలనుకుంటే, ఇప్పుడు మనం చప్పుకోబోయే సినిమాను ట్రై చేయండి. ఇందులో కామెడీతో పాటు ఎమోషన్స్ కూడా ఉంటాయి. ఇది థియేటర్లలో కూడా సూపర్ హిట్ గా నిలిచింది. ఇది రియల్ స్టోరీ ఆధారంగా తెరకెక్కింది. ఈ చిత్ర దర్శకుడు స్వయంగా ముగ్గురు పిల్లలను దత్తత తీసుకున్నారు. ఆయన ఫేస్ చేసిన అనుభవాల ఆధారంగానే ఈ సినిమాను చూడ చక్కగా రూపొందించారు. మరి ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే…
ఈ అమెరికన్ ఫ్యామిలీ కామెడీ సినిమా పేరు ‘ఇన్‌స్టంట్ ఫ్యామిలీ’ (Instant Family). ఇందులో మార్క్ వాల్‌బర్గ్, రోజ్ బైర్న్ ముగ్గురు పిల్లలను దత్తత తీసుకునే తల్లిదండ్రులుగా నటించారు. ఇక ఆ ముగ్గురి పాత్రలను ఇసాబెలా మెర్సిడ్, గుస్తావో క్విరోజ్, జూలియానా గామిజ్ పోషించారు. ఈ చిత్రానికి సీన్ ఆండర్స్ దర్శకత్వం వహించారు. ఆయన రియల్ స్టోరీ ఆధారంగా ఈ సినిమా తెరకెక్కింది. ఇది 2018 నవంబర్ 16న యునైటెడ్ స్టేట్స్‌లో విడుదలై, ప్రపంచవ్యాప్తంగా $121 మిలియన్లు వసూలు చేసింది. ఈ సినిమాను ప్రస్తుతం Amazon Prime Videoలో అందుబాటులో ఉంది.
పీట్, ఎల్లీ అనే దంపతులకు పెళ్ళైనా పిల్లలు పుట్టక పోవడంతో దిగాలు పడతారు. పిల్లలు ఉంటే బాగుంటుందని అనుకుంటారు. దీంతో వాళ్ళు దత్తత తీసుకోవాలని నిర్ణయించుకుని ఆ ప్రాసెస్ తెలుసుకోవడానికి వెళ్తారు. అక్కడ లిజ్జీ అనే ఒక టీనేజ్ అమ్మాయిని చూసి ఇష్టపడతారు. అయితే లిజ్జీకి ఒక తమ్ముడు, ఒక చెల్లి కూడా ఉంటారు. కేవలం ఒకరినే కాకుండా ఆ ముగ్గురిని ఒకేసారి తమ ఇంటికి తెచ్చుకుని పెంచడానికి ఈ దంపతులు సిద్ధపడతారు. కానీ ఒక్కసారిగా ముగ్గురు పిల్లలు ఇంట్లోకి రావడంతో పీట్, ఎల్లీలకు చుక్కలు కనిపిస్తాయి.
చిన్నపిల్లల అల్లరి ఒకెత్తయితే, టీనేజ్ లో ఉన్న లిజ్జీని అర్థం చేసుకోవడం వారికి పెద్ద సవాలుగా మారుతుంది. అప్పటివరకు ప్రశాంతంగా ఉన్న వారి జీవితం కాస్తా గందరగోళంగా తయారవుతుంది. ఎన్నో గొడవలు, ఇబ్బందులు ఎదురైనప్పటికీ, చివరికి ఒకరినొకరు ఎలా అర్థం చేసుకున్నారు? ఆ పిల్లలు ఈ దంపతులను తమ సొంత తల్లిదండ్రులుగా ఎలా అంగీకరించారు? అనేదే ఈ సినిమాలోని అసలు కథ.
Read Also : లెక్కల మాస్టారుకి ఫ్యామిలీ డెడ్లైన్… లెక్క తప్పే కొత్తకారు మోజు… మిడిల్ క్లాస్ మెమొరీస్
Share
Roshan Meka: వైలెంట్ దర్శకుడితో లవ్ స్టోరీ చేయనున్న రోషన్ మేకా.. హీరోయిన్ ఎవరంటే..!
GHMC: బల్దియా పై సర్కార్ కీలక నిర్ణయం.. ఆస్తుల పంపకాలకు ప్రత్యేక కమిటీ!
