Family Drama OTT : మిడిల్ క్లాస్ ఇంట్లో ఉండే గొడవలు, ఆ చిన్న చిన్న సంతోషాలను మాటల్లో చెప్పలేం. ఇలాంటి కంటెంట్ తో వచ్చే సినిమాలను ఆడియన్స్ కూడా బాగా ఆదరిస్తుంటారు. ఈ నేపథ్యంలో బాలీవుడ్ నటుడు రిషి కపూర్ లేటు వయసులో నటించిన ఒక ఫ్యామిలీ ఎంటర్టైనర్ మూవీకి నేషనల్ అవార్డ్ కూడా వచ్చింది. ఈ సినిమాలో చాలా నేచురల్‌గా మధ్యతరగతి కుటుంబాల జీవితాలను చూపించారు. దీంతో ఈ సినిమా విమర్శకుల నుంచి కూడా ప్రశంసలు పొందింది. ఒక మామూలు లెక్కల టీచర్ తన నిజాయితీని వదులుకోకుండా, తన ఫ్యామిలీ కలను ఎలా నెరవేర్చుకున్నాడు అనేదే ఈ సినిమా కథ. ఫ్యామిలీతో చూడడానికి ఇదొక బెస్ట్ మూవీ.
‘దో దోని చార్’ (Do Dooni Chaar) ఇది హిందీ భాషలో వచ్చిన ఒక ఫ్యామిలీ డ్రామా సినిమా. హబిబ్ ఫైసల్ దర్శకత్వంలో ఇది తెరకెక్కింది. ఇందులో రిషి కపూర్, నీతూ సింగ్, అదితి వాసుదేవ్, అర్చిత్ కృష్ణ వంటి నటులు నటించారు. ఈ చిత్రం 58వ జాతీయ చలనచిత్ర అవార్డులలో ఉత్తమ హిందీ చిత్రంగా ఎంపికైంది. న్యూ యార్క్ ఇండియన్ ఫిల్మ్ ఫెస్టివల్‌లో రిషి కపూర్‌కి బెస్ట్ ఆక్టర్ అవార్డు వచ్చింది. దాదాపు 30 ఏళ్ల తర్వాత రిషి కపూర్, నీతూ సింగ్ జంటగా నటించిన చిత్రం ఇది. 2010 అక్టోబర్ 8న థియేటర్లలో రిలీజ్ అయిన ఈ సినిమాను ప్రస్తుతం Netflixలో చూడవచ్చు. ఇది హిందీ సినిమాల్లో మధ్య తరగతి ఫ్యామిలీ లైఫ్‌ను బాగా చూపిన క్లాసిక్ ఫిల్మ్‌లలో ఒకటిగా నిలిచింది.
ఢిల్లీలో ఉండే సంతోష్ దుగ్గల్ (రిషి కపూర్) ఒక మిడిల్ క్లాస్ మ్యాథ్స్ టీచర్. ఆయనకి పెళ్ళాం, ఇద్దరు పిల్లలు కూడా ఉంటారు. ఉన్న తక్కువ జీతంతో ఇల్లు గడపడమే కష్టమవుతుంటుంది. ఆ ఫ్యామిలీ అంతా పాత స్కూటర్ మీద నలుగురు ఎక్కి వెళ్తుంటే పడే ఇబ్బందులు మాటల్లో అయితే చెప్పలేం. ఒక ఫంక్షన్‌లో కారు లేదని ఎదురైన అవమానం వాళ్ళకు కొట్టేసినట్లు అవుతుంది. ఇక పిల్లల ముచ్చట తీర్చడానికి, సొసైటీలో పరువు కోసం ఎలాగైనా ఒక కారు కొనాలని డిసైడ్ అవుతాడు సంతోష్ దుగ్గల్. అయితే కారు కొనడం అంటే మాటలు కాదు కదా. ఆ డబ్బు కోసం సంతోష్ పడే తపన ఫన్నీగా ఉంటుంది. చివరికి కారు కొనాలనే తన ఫ్యామిలీ కలను సంతోష్ నరవేర్చాడా ? అనేది ఈ సినిమాను చూసి తెలుసుకోవాల్సిందే.
Read Also : అలనాటి జ్ఞాపకాలను గుర్తు చేసే సినిమా… ఫ్యామిలీ అంతా కలిసి చూడాల్సిన ఫీల్ గుడ్ మూవీ
Share
Today Movies in TV : గురువారం టీవీ సినిమాలు.. వీటిని అస్సలు మిస్ అవ్వకండి..
Varasuralu maithili: 'వారసురాలు' మైథిలి ఒక్కరోజు రెమ్యూనరేషన్ ఎంతంటే..? కన్నడలో తోపే..
