Family Drama OTT: ముగ్గురు తండ్రులకు పుట్టిన ముద్దుల కూతురు… ఆసక్తి రేపుతున్న ఒక్కో ఎపిసోడ్

Family Drama OTT : ఓటీటీలో ఒక కొరియన్ సిరీస్ స్ట్రీమింగ్ అవుతోంది. ఇది చాలా సుదీర్ఘమైన వెబ్ సిరీస్ కూడా. దాదాపు 120 ఎపిసోడ్లతో ఈ సిరీస్ నడుస్తోంది. కొరియన్ ఫ్యాన్స్ సిరీస్ ను చివరి వరకు చూడగలిగితే మాత్రం గొప్ప విషయమే. అయితే ఈ సిరీస్ కూడా చాలా ఇంట్రెస్టింగ్ గా ఉంటుంది. తండ్రి ఎవరో తెలియని ఒక అమ్మాయి, తన తండ్రి కోసం తపన పడే తీరు ఆకట్టుకుంటుంది. మరి ఈ సిరీస్ పేరు, ఏ ఓటీటీలో ఉంది ? అనే వివరాల్లోకి వెళితే

ఎక్కడ చూడచ్చు అంటే

ఈ సౌత్ కొరియన్ డ్రామా పేరు ‘మారి అండ్ హర్ త్రీ డాడీస్’ (Marie and Her Three Daddies). 2025 అక్టోబర్ 13 నుండి KBS1 ఛానెల్‌లో ప్రసారమవుతున్న ఒక పాపులర్ సిరీస్ ఇది. హా సీంగ్-రి, హ్యున్ వూ, పార్క్ యున్-హై ఇందులో లీడ్ రోల్స్ లో నటించారు. మొత్తం 120 ఎపిసోడ్లతో ప్రతి ఎపిసోడ్ సుమారు 35 నిమిషాలు ఉంటుంది. ఈ డ్రామా ప్రస్తుతం Prime Video, Apple TV ప్లాట్‌ ఫామ్‌లలో అందుబాటులో ఉంది.

స్టోరీ ఏమిటంటే

ఈ కథలో మెయిన్ క్యారెక్టర్ పేరు కాంగ్ మారి. ఈ పిల్ల పుట్టినప్పటి నుంచే తన అసలు తండ్రి ఎవరో తెలియక పిచ్చిగా వెతుకుతూ ఉంటుంది. దీనికి తోడు వాళ్ళ అమ్మ ‘జూ సి-రా’ చాలా కోపిష్టి, ఏదైనా అంటే చాలు చిందులు తొక్కుతుంది. అసలు తండ్రి ఎవరో చెప్పకుండా ఊరిస్తూ ఉంటుంది. ఈ లోపు మారి తన ఆఫీసులో జూనియర్ డాక్టర్‌గా పని చేసే ‘లీ గాంగ్-సే’ అనే కుర్రాడితో లవ్‌లో పడుతుంది. కథలో ఇప్పుడు అసలైన ట్విస్ట్ వస్తుంది. సడన్‌గా మారి జీవితంలోకి ముగ్గురు మనుషులు ఎంట్రీ ఇస్తారు. ఇక్కడే అసలు ట్విస్ట్ వస్తుంది.

వీళ్ళంతా మేమే తండ్రులమని ఆమె వెంట పడతారు. ఈ ముగ్గురిలో ఎవడు అసలు తండ్రి? ఎవరికీ క్లారిటీ ఉండదు. వీళ్ళ ముగ్గురి మధ్య జరిగే రచ్చ, ఆ తండ్రి ఎవరో తేల్చుకోవడానికి పడే పాట్లు భలే కామెడీగా ఉంటాయి. చివరికి ఈ కథలో మారి తండ్రి ఎవరు ? ఆమె అతన్ని కనిపెడుతుందా ? ఈ గందరగోళంలో తన లవ్‌ని ఎలా గెలిపించుకుంది ? అనే అంశాలతో 120 ఎపిసోడ్ల ఈ డ్రామా ఫుల్ ఎంటర్టైన్‌మెంట్‌తో సాగుతుంది.