His House OTT : దెయ్యాల సినిమాలు చూడాలని అందరికీ ఆసక్తి ఉంటుంది. అయితే చాలామంది పక్కన ఎవరినైనా ఉంచుకునే చూస్తుంటారు. ఎంతో కొంత భయం తగ్గుతుందనే ఒక చిరు ప్రయత్నంతో అలా చేస్తారు. అయితే కొన్ని సినిమాలు ఎంత మంది పక్కన ఉన్నా వెన్నులో వణుకు పుట్టిస్తుంటాయి. అలాంటి కథనే ఇప్పుడు మనం చెప్పుకోబోతున్నాం. ఈ కథలో ఒక సౌత్ సూడాన్ రిఫ్యూజీ జంట ఇంగ్లండ్లో కొత్త జీవితం ప్రారంభించడానికి ప్రయత్నిస్తుంటే, వాళ్ల కొత్త ఇంట్లో దాగి ఉన్న చీకటి శక్తి వాళ్లను వేధిస్తుంది. ఈ సినిమా హారర్ ఎలిమెంట్స్తో పాటు, సండాన్స్ ఫిల్మ్ ఫెస్టివల్లో ప్రీమియర్ అయి విమర్శకుల నుంచి భారీ ప్రశంసలు అందుకుంది. దీని పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే …
2020లో వచ్చిన ఈ బ్రిటిష్ హారర్ సినిమా పేరు ‘హిస్ హౌస్’ (His House). ఇది రెమి వీక్స్ దర్శకత్వంలో రూపొందింది. ప్రస్తుతం Netflixలో అందుబాటులో ఉంది. విమర్శకుల నుంచి ప్రశంసలు అందుకున్న ఈ సినిమా ఐయండిబిలో 6.5/10 పొందింది. సండాన్స్ ఫిల్మ్ ఫెస్టివల్లో ప్రీమియర్ అయి బెస్ట్ ఆడియన్స్ అవార్డ్ గెలిచింది. బ్రిటిష్ ఇండిపెండెంట్ ఫిల్మ్ అవార్డ్స్లో బెస్ట్ డైరెక్టర్ (రెమి వీక్స్), బెస్ట్ ఆక్టర్ (సోపే డిరిసు), బెస్ట్ స్క్రీన్ప్లే నామినేషన్స్ వచ్చాయి. బాఫ్టా అవార్డ్స్లో బెస్ట్ డెబ్యూ డైరెక్టర్ నామినేషన్ ఉంది. అంతేకాకుండా హారర్ జానర్లో సోషల్ కామెంటరీతో కలిపిన రిఫ్యూజీ థీమ్ వల్ల బెస్ట్ ఆఫ్ ది ఇయర్ లిస్టుల్లో చోటు చేసుకుంది.
Read Also : కోర్టు నుండి మిరాయ్ వరకు… ఈ ఏడాది మస్ట్ వాచ్ తెలుగు సినిమాలు
బోల్, రియాల్ అనే దంపతులు సౌత్ సూడాన్ యుద్ధం నుంచి పారిపోయి ఇంగ్లండ్కు చేరుకుంటారు. బోటు ప్రయాణంలో వాళ్ల చిన్న కూతురు న్యాకాన్ మునిగిపోతుంది. ఆ బాధతో కొత్త దేశంలో అసైలం కోసం ఎదురు చూస్తారు. ప్రభుత్వం వాళ్లకు ఒక పాత ఇంటిని అలాట్ చేస్తుంది. మొదట్లో కొత్త జీవితానికి అలవాటు పడుతూ, లోకల్స్ నుంచి ఇబ్బందులు ఎదుర్కొంటారు. బోల్ బ్రిటిష్ కల్చర్కు త్వరగా అలవాటు పడాలని ప్రయత్నిస్తాడు. కానీ ఇంట్లో విచిత్రమైన సౌండ్స్, గోడల్లోంచి రావడం, భయంకరమైన హాలుసినేషన్స్ మొదలవుతాయి. గోడలలో నుంచి ఒక ఆత్మ బయటికి వచ్చి, వాళ్లను రాత్రుల్లో వేధిస్తుంది. న్యాకాన్ మరణానికి వాళ్లు కారణమని, బోట్లో ఆమెను రక్షించకుండా కావాలనే వదిలేశారని బయటపడుతుంది. ఫైనల్గా ఆమె వాళ్ళ అసలు కూతురు కాదని తెలుస్తుంది. చివరికి న్యాకాన్ ఎవరు ? ఆమె ఎలా చనిపోయింది ? ఎందుకు బోల్, రియాల్ దంపతులను వెంటాడుతుంది ? అనే విషయాలను, ఈ హారర్ సినిమాను చూసి తెలుసుకోండి.
Share
Rowdy Janardhana : మాస్ అవతారంలో విజయ్ దేవరకొండ..చూస్తుంటే పూనకాలే..!
Prabhas-Sujeeth: మరోసారి ‘సాహో’ కాంబో రిపీట్.. హొంబలే ఫిల్మ్స్ ప్లాన్ మామూలుగా లేదుగా
