Horror Drama ott : వాష్ రూమ్ లో ఇదేం పని సామీ… రోమాలు నిక్కబొడుచుకునే హర్రర్ మూవీ

Horror Drama ott : హారర్ జానర్ సినిమాలను చూడాటానికి చాలా మంది ఉత్సాహం చూపిస్తుంటారు. భయపడుతూ ఎంటర్టైన్ అవుతుంటారు. ఓటీటీలో ఇలాంటి సినిమాలకు కొదవలేదు. అయితే ఇప్పుడు మనం చెప్పుకోబోయే మూవీ ఒక మొబైల్ యాప్‌ చుట్టూ తిరుగుతుంది. దానిని ఎవరైతే యూస్ చేస్తారో వాళ్ళు దారుణంగా చనిపోతుంటారు. ఇది క్లైమాక్స్ వరకు కుర్చీలకు కట్టిపడేస్తుంది. ఈ సినిమా ఏ ఓటీటీలో ఉంది, దీని పేరు ఏమిటి ? అనే వివరాలను తెలుసుకుందాం పదండి.

ఎందులో స్ట్రీమింగ్ అవుతుందంటే

2019లో విడుదలైన ఈ అమెరికన్ సూపర్‌నేచురల్ హారర్ మూవీ పేరు ‘కౌంట్‌డౌన్’. ఇది జస్టిన్ డిసెంబరు దర్శకత్వం వహించిన మూవీ. ఇందులో ఎలిజబెత్ లైల్ లీడ్ రోల్ లో నటించగా, జోర్డాన్ కాల్లోవే, తలితా బాటెమాన్, టిచినా ఆర్నాల్డ్, P.J. బైర్నే, పీటర్ ఫాసినెల్లి, అన్నే వింటర్స్ మిగతా పాత్రల్లో నటించారు. ఇది యునైటెడ్ స్టేట్స్‌లో 2019 అక్టోబర్ 25న యూనివర్సల్ పిక్చర్స్ ద్వారా థియేటర్‌లలో విడుదల అయింది. $6.5 మిలియన్ల బడ్జెట్‌తో ప్రపంచవ్యాప్తంగా $48 మిలియన్లు వసూలు చేసి, కమర్షియల్ గా విజయం సాధించింది. ప్రస్తుతం Prime Video, Netflix ఓటీటీలలో ఇది అందుబాటులో ఉంది.

Read Also :  మాస్క్ వేసుకుని మర్డర్స్… ప్రేమికులని మాత్రమే చంపే సైకో… గుండె ధైర్యం ఉంటేనే చూడండి

స్టోరీ ఏమిటంటే

క్విన్ అనే ఒక యంగ్ నర్స్ తన బెస్ట్ ఫ్రెండ్‌తో కలిసి ఒక రాత్రి పార్టీకి వెళ్తుంది. అక్కడ ఒకరు కౌంట్‌డౌన్ అనే యాప్ గురించి చెప్తారు. ఈ యాప్ డౌన్‌లోడ్ చేసుకుంటే మీరు ఎప్పుడు చనిపోతారో ఖచ్చితమైన టైమ్ చూపిస్తుంది. క్విన్ ఆ యాప్ డౌన్‌లోడ్ చేస్తుంది. ఆమెకు 3 రోజుల 2 గంటల్లో చావు వస్తుందని చూపిస్తుంది. మొదట ఆమె దాన్ని జోక్‌గా తీసుకుంటుంది కానీ ఆ తర్వాత ఆమె చుట్టూ భయంకరమైన సంఘటనలు జరుగుతాయి. క్విన్ ఫ్రెండ్స్ కూడా యాప్ డౌన్‌లోడ్ చేస్తారు. వాళ్లలో కొందరు టైమ్ ముగిసిన తర్వాత భయంకరంగా చనిపోతారు.

క్విన్ ఇప్పుడు తన జీవితాన్ని కాపాడుకోవడానికి పోరాడుతుంది. ఆమె యాప్‌ను డిలీట్ చేయాలని ట్రై చేస్తుంది కానీ అది పని చేయదు. యాప్ వెనక ఒక సూపర్‌నాచురల్ ఎంటిటీ ఉందని తెలుస్తుంది. అది మనుషుల భయాన్ని ఉపయోగించి వాళ్లను చంపేస్తుంది. క్విన్ ఈ పరిస్థితి నుంచి బయట పడుతుందా ? ఆ యాప్‌ చూపించిన టైమ్ కి తాను కూడా చనిపోతుందా ? అనే విషయాలను ఈ అమెరికన్ సూపర్‌నేచురల్ హారర్ మూవీని చూసి తెలుసుకోండి.

Share

• 
• 
• 
• 
• 
•