Horror Drama OTT : దెయ్యాల సినిమాలు ఎక్కువగా పాత బంగ్లాలో, మారు మూల ప్రాంతాల నేపథ్యంలో ఎక్కువగా చూస్తుంటాం. అయితే ఇప్పుడు మనం చెప్పుకోబోయే థాయ్ హారర్ థ్రిల్లర్ సినిమాలో దెయ్యాలు ఒక ఎగురుతున్న ప్లేన్ లోకి దూసుకొస్తాయి. ఇక అంతే గాల్లో ఉన్న ప్రయాణీకుల ప్రాణాలు గాల్లోనే కలిసిపోతుంటాయి. ఒక్కో సీన్ చాలా ఇంటెన్స్ గా ఉంటుంది. మీరు కూడా ఈ థ్రిల్ ని ఫీల్ అవ్వాలనుకుంటున్నారా ? అయితే ఈ సినిమా పై ఓ లుక్ వేయండి. వెన్నులో వణుకు పుట్టించే ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే …
2012లో వచ్చిన ఈ థాయ్ హారర్ థ్రిల్లర్ సినిమా పేరు ‘407 డార్క్ ఫ్లైట్’ (407 Dark Flight). ఇది థాయ్లాండ్లో 3Dలో రూపొందిన మొదటి హారర్ సినిమాగా గుర్తింపు పొందింది. ఇసారా నాదీ దర్శకత్వంలో తెరకెక్కిన ఈ సినిమాలో మార్షా వట్టనపనిచ్, పీటర్ నైట్ లీడ్ రోల్స్ లో నటించారు. అసలు భాష థాయ్ కానీ ఇది తెలుగు, హిందీ, తమిళ భాషల్లోకి డబ్ చేయబడింది. 2026 నాటికి కూడా ఈ సినిమా హారర్ అభిమానుల మదిలో చెరగని ముద్ర వేసింది. సినిమా థాయ్ హారర్ జానర్లో బాగా పాపులర్ అయింది కూడా. ఇది ప్రస్తుతం prime videoలో అందుబాటులో ఉంది.
Read Also : సలసలా మరిగే సముద్రం… స్విమ్మింగ్ కెళ్ళి ఉడికిపోయే అమ్మాయి… గుండె గల్లంతయ్యే సీన్లు
పదేళ్ల క్రితం ఒక భయంకరమైన విమాన ప్రమాదం నుండి న్యూ అనే ఎయిర్ హోస్టెస్ ప్రాణాలతో బయటపడుతుంది. అయితే అందులో ఉన్న వాళ్ళు ఆ ఘోర ప్రమాదంలో చెల్లాచెదురై ప్రాణాలు విడుస్తారు. ఆమె కోలుకున్న తర్వాత తిరిగి విధుల్లో చేరుతుంది. కానీ ఆమె ప్రయాణిస్తున్న విమానం పాత విమానాన్నే రంగులు మార్చి కొత్తదానిలా సిద్ధం చేశారని ఆమెకు ఆలస్యంగా తెలుస్తుంది. ఇక విమానం గాల్లోకి ఎగిరాక అసలు కథ మొదలవుతుంది. ఆ విమానంలో ఉన్నట్టుండి చనిపోయిన వారి ఆత్మలు ప్రయాణికులను వేధించడం ప్రారంభిస్తాయి. గాల్లో ఉన్న విమానం నుండి ఎవరూ తప్పించుకోలేని పరిస్థితుల్లో కథ ఉత్కంఠంగా సాగుతుంది. ఒళ్ళు గగుర్పాటుకు గురవుతుంటుంది ఈ సీన్స్ చూస్తే. చివరికి ఆ దెయ్యాల నుండి ప్రయాణికులు ప్రాణాలను కాపాడుకున్నారా ? అసలు విమానం కిందకు దిగిందా ? ఆ దెయ్యాలు ఏమవుతాయి ? అనేదే ఈ థాయ్ హారర్ థ్రిల్లర్ మిగిలిన కథ.
Share
Eating Too Fast: టైం లేదని త్వరగా తింటున్నారా ? ఎంత డేంజరో తెలిస్తే షాక్ అవుతారు
BSNL 5000 GB Data: బిఎస్ఎన్ఎల్ సూపర్స్టార్ ప్రీమియం ప్లాన్.. 5000 GB డేటా, ఫ్రీ ఓటిటి తక్కువ ధరలో
