Horror movie OTT : ఓటీటీలోకి ఇండోనేషియన్ హారర్ చిత్రం స్ట్రీమింగ్ కి వచ్చింది. 1 గంట 29 నిమిషాల నిడివి ఉన్న ఈ సినిమాలో ఆడియన్స్ కు వణుకు పుట్టించే సీన్స్ చాలానే ఉన్నాయి. ఒక ఫోటోగ్రాఫర్ తన ప్రియురాలితో కలసి రాత్రి వేళ కారులో వెళ్తుండగా ఒక మహిళను ఢీకొంటారు. ఆ సంఘటన తర్వాత స్టోరీ భయంకరమైన టర్న్ తీసు కుంటుంది. ఈ సినిమా పేరు ఏమిటి ? ఏ ఓటీటీలో స్ట్రీమింగ్ కి వచ్చింది ? అనే వివరాల్లోకి వెళ్తే …
ఈ ఇండోనేషియన్ హారర్ చిత్రం పేరు ‘షట్టర్’ (Shutter). హెర్విన్ నోవియాంటో దర్శకత్వంలో ఫాల్కన్ పిక్చర్స్ దీనిని నిర్మించింది. ఈ సినిమా 2004 నాటి అదే పేరుతో ఉన్న థాయ్ సినిమాకి రీమేక్ గా వచ్చింది. 2025 అక్టోబర్ 30న ఇండోనేషియాలో విడుదలైంది. వినో జి. బాస్టియన్ (డార్విన్), అన్యా గెరాల్డైన్ (షియా), నికెన్ అంజని (లిల్లీస్) ఇందులో లీడ్ రోల్స్ లో నటించారు. ఈ చిత్రం 2026 ఫిబ్రవరి 27 నుండి Netflix లో స్ట్రీమింగ్ అవుతుంది.
డార్విన్ తన ప్రియురాలు షియాతో కలిసి ఒక పార్టీ ముగించుకుని రాత్రి వేళ కారులో ఇంటికి వెళ్తుంటారు.
ఆ జర్నీలో అనుకోకుండా రోడ్డు మధ్యలో ఒక మహిళను కారుతో ఢీకొంటారు. భయపడిన డార్విన్, పోలీసులకు దొరికిపోతామనే ఉద్దేశంతో ఆమెకు సహాయం చేయకుండా, అక్కడ ఆగకుండా కారును వేగంగా పోనిస్తాడు. ఆ తరువాత ప్రొఫెషనల్ ఫోటోగ్రాఫర్ అయిన డార్విన్, తన కెమెరాతో తీసిన ఫోటోలను డెవలప్ చేసినప్పుడు, వాటిలో ఒక తెల్లని మహిళ ఆకారం కనిపిస్తుంది.
అలాగే ప్రమాదం జరిగినప్పటి నుండి డార్విన్ విపరీతమైన మెడ నొప్పితో బాధపడుతుంటాడు. డాక్టర్లు పరీక్షించినా ఏమీ లేదని చెప్తారు. కానీ అతని బరువు సాధారణం కంటే రెండింతలు పెరిగినట్లు తెలుస్తుంది. ఎందుకంటే ఆ ఆత్మ అతని భుజాలపై కూర్చుని ఉండటంతో బరువు అలా చూపిస్తుంది. ఇక ఆ ఆత్మ కేవలం ఫోటోలకే పరిమితం కాకుండా, నిజ జీవితంలోనూ అతన్ని తీవ్రంగా భయపెడుతుంది. అంతేకాకుండా
డార్విన్ స్నేహితులు ఒకరి తర్వాత ఒకరు అనుమానాస్పదంగా మరణిస్తుంటారు. షియాఈ విషయంలో నిజానిజాలు తెలుసుకోవాలని దర్యాప్తు చేయగా, ఆ ఆత్మ గతంలో అదే యూనివర్సిటీలో చదివిన లిల్లీస్ అనే అమ్మాయిదని తెలుస్తుంది. డార్విన్ గతంలో చేసిన ఒక పెద్ద తప్పు కారణంగానే ఆమె ఆత్మ వెంటాడుతోందని కనిపెడుతుంది. చివరికి డార్విన్ చేసిన తప్పు ఏమిటి ? ఆత్మ ఎందుకు వెంటాడుతోంది ? దీని నుంచి వీళ్ళు బయట పడతారా ? అనే విషయాలను, ఈ సినిమాను చూసి తెలుసుకోవాల్సిందే.
Read Also : సమాధిలో నుంచి వచ్చే శవాలు… పరుగులు పెట్టే ఊరి జనం… కేక పెట్టించే కామెడీ కూడా
Share
Asus Gaming Laptops: ఇండియాలో కొత్త ROG, ProArt, TUF గేమింగ్ ల్యాప్టాప్స్ లాంచ్.. ధర ఫీచర్స్ ఇవే
Saraswathi Movie: థమన్ చేతులు కట్టేసిమరీ ఏంటా పనులు?.. ఇదంతా దేనికంటే?
