Horror Thriller OTT : గ్రామీణ ఆచారాలు, మూఢనమ్మకాలు, చేతబడుల చుట్టూ తిరిగే ఒక ఇండోనేషియన్ సినిమా ఆడియన్స్ ని తెగ భయపెడుతోంది. ఇది అత్యంత భయంకరమైన హారర్ మిస్టరీ ఎలిమెంట్స్తో సాగుతుంది. ఒక గ్రామంలో వరుసగా మహిళలు చనిపోతుంటారు. ఆ మిస్టరీ కనిపెట్టే ప్రయత్నంలో స్టోరీ ముందుకు సాగుతుంది. ఈ కథ మొదలైనప్పటినుంచి ఆడియన్స్ కూడా వణుకుతుంటారు. హారర్ థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది. ఒంటరిగా చూడటం కంటే, ఎవరినైనా తోడు పెట్టుకుని చూడండి. సినిమాలో సీన్స్ మాత్రం వణుకు పుట్టిస్తాయి. దీని పేరు ఏమిటి, ఏ ఓటీటీలో ఉంది ? అనే వివరాలను తెలుసుకుందాం.
2024లో విడుదలైన ఈ ఇండోనేషియా సూపర్ నేచురల్ హారర్ థ్రిల్లర్ సినిమా పేరు ‘ది కార్ప్స్ వాషర్’ (The Corpse Washer). దీని అసలు పేరు ‘పెమండి జెనాజా’ (Pemandi Jenazah). హద్రా డెంగ్ రాటు దర్శకత్వంలో తెరకెక్కిన ఈ సినిమాలో అఘ్నిని హాక్, జెనార్ మేసా ఆయు, ఇబ్రహీం రిస్యద్ లీడ్ రోల్స్ లో నటించారు. ఈ సినిమా ఒరిజినల్ వెర్షన్ ఇండోనేషియా భాషలో ఉన్నప్పటికీ, నెట్ఫ్లిక్స్ (Netflix) లో తెలుగు సబ్టైటిల్స్తో చూడవచ్చు.
Read Also : ‘ది రాజా సాబ్’ చూడాలనుకుంటున్నారా ? అంతకంటే ముందు ఓ లుక్కేయ్యాల్సిన టాప్ 5 హర్రర్-కామెడీ మూవీస్
లైలా అనే యువతి తన తల్లి సితీతో కలిసి గ్రామంలో నివసిస్తూ ఉంటుంది. ఆమె తల్లి ఆ గ్రామంలో చనిపోయిన వారి శరీరాలకు అంతిమ సంస్కారాల ముందు స్నానం చేయించే (Corpse Washer) పవిత్రమైన పనిని చేస్తూ ఉంటుంది. అయితే లైలాకు ఆ పని చేయడం ఇష్టం ఉండదు. ఒకరోజు లైలా తల్లి అనుమానాస్పద స్థితిలో అకస్మాత్తుగా మరణిస్తుంది. తన తల్లి మృతదేహానికి స్నానం చేయిస్తున్న సమయంలో, లైలాకు శవం శరీరంలో ఒక వింతైన తీగ (Barb wire) కనిపిస్తుంది. ఇది సహజ మరణం కాదని, దీని వెనుక ఏదో చేతబడి ఉందని ఆమెకు అర్థమవుతుంది. లైలా తల్లి మరణించిన తర్వాత గ్రామంలో మరికొన్ని మిస్టీరియస్ మరణాలు సంభవిస్తాయి. ప్రతి మృతదేహంపై ఇలాంటి వింత గుర్తులు ఉండటాన్ని లైలా గమనిస్తుంది. లైలా తల్లికి, చనిపోయిన ఇతరులకు ఉన్న సంబంధం ఏమిటి? ఆ గ్రామంలో దాగి ఉన్న భయంకరమైన రహస్యం ఏమిటి? అనేదే మిగిలిన కథ.
Share
Telangana DA Hike: ప్రభుత్వ ఉద్యోగులకు రేవంత్ సర్కార్ భారీ గుడ్ న్యూస్.. సంక్రాంతి కానుక మామూలుగా లేదుగా..!
Mana Shankara Vara Prasad Garu: అమెరికాలో మెగాస్టార్ సినిమాకి ఇంత కష్టమా?
