Horror web Series OTT : లైవ్ లో దెయ్యాలను చూపిద్దామని వెళ్ళి అడ్డంగా బుక్… వణికించే హర్రర్ సిరీస్

Horror web Series OTT : దెయ్యాల స్టోరీలు ఎక్కువగా పాత బంగ్లాల చుట్టూనే ఎక్కువగా తిరిగాయి. అలాంటి ఇంట్లో కి కొత్తగా వచ్చిన వాళ్ళతో దెయ్యాలు ఆటాడేసుకుంటూ ఉంటాయి. ఇవి విభిన్న కథనాలతో వస్తూనే ఉన్నాయి. వీటిని ప్రేక్షకులు ఆదరిస్తూనే ఉన్నారు. అయితే ఇప్పుడు మనం చెప్పుకోబోయే సిరీస్ కూడా ఇదే తరహాలో సాగుతుంది. ఒక టివి ఛానల్ TRP కోసం, ఒక దెయ్యాల బంగ్లాలో లైవ్ టెలీకాస్ట్ చేయడంతో స్టోరీ భయంకరమైన మలుపులు తీసుకుంటుంది. ఇది నటి కాజల్ అగర్వాల్‌ మొదటిసారిగా డిజిటల్ అరంగేట్రం చేసిన సిరీస్. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..

ఎందులో స్ట్రీమింగ్ అవుతుందంటే

2021లో వచ్చిన ఈ హారర్ థ్రిల్లర్ వెబ్ సిరీస్ పేరు ‘లైవ్ టెలికాస్ట్’ (Live Telecast). ప్రముఖ దర్శకుడు వెంకట్ ప్రభు దర్శకత్వం వహించిన ఈ సిరీస్‌లో కాజల్ అగర్వాల్ ప్రధాన పాత్రలో నటించారు. ఈ సిరీస్ జియో హాట్ స్టార్ (Jio Hotstar) లో 2021ఫిబ్రవరి 12 నుంచి స్ట్రీమింగ్ లో ఉంది. ఇది ఏడు ఎపిసోడ్లతో తమిళ ఒరిజినల్‌తో పాటు తెలుగు, హిందీ, మలయాళం, కన్నడ, బెంగాలీ, మరాఠీ డబ్డ్ వెర్షన్లలో అందుబాటులో ఉంది.

స్టోరీ ఏమిటంటే

జెన్నిఫర్ (కాజల్ అగర్వాల్) ఒక టీవీ షో డైరెక్టర్. తన టీవీ షో రేటింగ్స్‌ను పెంచుకోవడం కోసం ఆమె ఒక ప్లాన్ వేస్తుంది. ఒక పాత బంగళాలో దయ్యాలు ఉన్నాయని, అక్కడ ఒక షోను లైవ్ లో చేయాలని తన టీమ్ తో కలిసి వెళ్తుంది. అయితే అక్కడ ఏమీ కనిపించక పోవడంతో ప్రజలను నమ్మించడానికి, కొన్ని నకిలీ దయ్యం సీన్లను సృష్టించాలని అనుకుంటుంది. అయితే ఆ ఇంట్లో నిజంగానే ఒక శక్తివంతమైన దుష్టశక్తి ఉందని వారికి ఆలస్యంగా అర్థమవుతుంది. ఆ దయ్యం వారిని బయటకు వెళ్లనివ్వకుండా ఇబ్బంది పెడుతుంటుంది. ఇక కెమెరాలు ఆన్ లో ఉన్నప్పుడే, లక్షలాది మంది ప్రేక్షకులు చూస్తుండగానే ఆ టీమ్ సభ్యులు ఒక్కొక్కరుగా ప్రాణాపాయంలో పడతారు. చివరికి ఆ బంగ్లా నుండి వాళ్ళు ప్రాణాలతో బయటపడ్డారా ? ఆ దెయ్యానికి బలయ్యారా ? ఈ కథ ఎలా ముగుస్తుంది ? అనే విషయాలను ఈ హారర్ థ్రిల్లర్ వెబ్ సిరీస్ ను చూసి తెలుసుకోవాల్సిందే.