Dhurandhar 2 OTT:ఓటీటీ  పార్ట్నర్ ను మార్చేసిన ధురంధర్ 2 … ఈ సారి స్ట్రీమింగ్ ఎక్కడంటే?

Dhurandhar 2 OTT: బాలీవుడ్ స్టార్ హీరో రణవీర్ సింగ్(Ranaveer Singh) ఇటీవల యాక్షన్ స్పై చిత్రంగా ధురంధర్(Dhurandhar) అనే సినిమా ద్వారా ప్రేక్షకుల ముందుకు వచ్చి సంచలనాలను సృష్టించిన సంగతి తెలిసిందే.. ఇలా ఈ సినిమా బాలీవుడ్ ఇండస్ట్రీలో సూపర్ సక్సెస్ అందుకుంది. ఇలా వందల కోట్ల కలెక్షన్లను రాబట్టిన ఈ సినిమా ప్రస్తుతం నెట్ ఫ్లిక్స్(Net Flix) లో ప్రసారమవుతున్న సంగతి తెలిసిందే. ఈ సినిమాకు థియేటర్లో వచ్చినంత ఆదరణ నెట్ ఫ్లిక్స్ లో దక్కించుకోలేకపోయింది. థియేటర్లలో ప్రసారమై దాదాపు 800 కోట్లకు పైగా కలెక్షన్లను రాపడుతూ సంచలనాలను సృష్టించిన ఈ సినిమాకు సీక్వెల్ రాబోతున్న సంగతి తెలిసిందే.

అంచనాలు పెంచిన టీజర్..

ధురంధర్ 2 (Dhurandhar 2)సినిమాను మేకర్స్ మార్చి 19వ తేదీ విడుదల చేయడానికి అన్ని ఏర్పాట్లు సిద్ధం చేశారు. ఇన్ని రోజులపాటు ఈ సినిమా విడుదల విషయంపై ఎన్నో సందేహాలు ఉండేవి కానీ చిత్ర బృందం అధికారకంగా విడుదల తేదీని ప్రకటించడంతో సినిమా పట్ల మంచి అంచనాలు పెరిగిపోయాయి. ఇక ఈ సినిమా విడుదలకు సమయం దగ్గర పడుతున్న నేపథ్యంలో తాజాగా ఈ సినిమా నుంచి టీజర్ విడుదల చేశారు.. టీజర్ వీడియో సినిమా పట్ల భారీ స్థాయిలో అంచనాలను పెంచేసింది. ప్రస్తుతం ఈ టీజర్ వీడియో సోషల్ మీడియాలో వైరల్ అవుతుంది.

హాట్ స్టార్ చేతికి ధురంధర్ 2 ..

ఇదిలా ఉండగా తాజాగా ఈ సినిమాకు సంబంధించి మరొక వార్త సోషల్ మీడియాలో హల్చల్ చేస్తుంది. ఈ సినిమా డిజిటల్ స్ట్రీమింగ్ రైట్స్ ఈసారి నెట్ ఫ్లిక్స్ కాకుండా జియో హాట్ స్టార్(Jio Hot Star) కైవసం చేసుకుందని తెలుస్తోంది.. ఇలా ఈ సినిమా సీక్వెల్ డిజిటల్ రైట్స్ జియో హాట్ స్టార్ దక్కించుకోవడంతో అభిమానులు కూడా ఆశ్చర్యం వ్యక్తం చేస్తున్నారు సాధారణంగా పార్ట్ 1 ఎక్కడైతే స్ట్రీమింగ్ అవుతుందో సీక్వెల్ కూడా అదే ఓటీటీ ప్లాట్ ఫామ్ లో ప్రసారమవుతుంది కానీ, ధురంధర్2 విషయంలో మాత్రం భిన్నంగా జరిగింది.

భారీ డీల్ ఆఫర్ చేసిన హాట్ స్టార్..

ఇలా ధురంధర్ 2 ఓటీటీ పార్ట్నర్ మారిపోవడానికి కారణం లేకపోలేదని చెప్పాలి . పార్ట్ వన్ థియేటర్లలో అద్భుతమైన విజయాలను సొంతం చేసుకున్న నేపథ్యంలో సీక్వెల్ సినిమాపై కూడా అంతకుమించి అంచనాలు ఏర్పడ్డాయి. ఈ నేపథ్యంలోనే హాట్ స్టార్ భారీ డీల్ ఆఫర్ చేయడంతోనే ఈ సినిమా డిజిటల్ రైట్స్ హాట్ స్టార్ చేతికి వెళ్లాయని తెలుస్తోంది. డైరెక్టర్ ఆదిత్య ధర్ దర్శకత్వంలో రణవీర్ సింగ్ సారా అర్జున్ హీరో హీరోయిన్లుగా ప్రేక్షకుల ముందుకు వచ్చిన ఈ స్పై యాక్షన్ సీక్వెల్ పై భారీగా అంచనాలు ఉన్నాయి. మరి ఈ సీక్వెల్ సినిమా ఎలాంటి అద్భుతాలను సృష్టిస్తుందో తెలియాల్సి ఉంది. అయితే ఈ సినిమాకు పోటీగా కేజీఎఫ్ స్టార్ యశ్ నటించిన టాక్సిక్ సినిమా కూడా ప్రేక్షకుల ముందుకు రాబోతున్న నేపథ్యంలో ఈ సినిమాల విడుదలపై మరింత ఆసక్తి నెలకొంది.

Also Read: Vijay Rashmika Wedding: రష్మిక విజయ్ పెళ్లి ఫిబ్రవరి 26నే..ఫుల్ క్లారిటీ ఇచ్చిన రష్మిక!

Join WhatsApp Channel

Share

• 
• 
• 
• 
• 
•