OTT Movie : మరో ఓటీటీలోకి అడుగుపెట్టిన 7000 కోట్ల మూవీ… ఇంకా చూడలేదా ?

OTT Movie : ‘జురాసిక్‌ పార్క్‌’ ఈ పేరు వింటేనే డైనోసరస్ లు గుర్తుకు వస్తాయి. 1993 లో స్పీల్ బర్గ్ దర్శకత్వంలో వచ్చిన ఈ సినిమా ప్రపంచవ్యాప్తంగా అభిమానులను సంపాదించుకుంది. అప్పటి జైత్రయాత్ర ఇప్పటికీ కంటిన్యూ అవుతోంది. 2025 జూలై 2న ప్ర‌పంచ వ్యాప్తంగా థియేటర్లలోకి వచ్చిన ‘జురాసిక్‌ వరల్డ్‌: రీబర్త్‌’ సినిమా 7500 కోట్ల కలెక్షన్స్‌ తో సెన్సేషన్ క్రియేట్ చేసింది. ఇండియాలో ఏకంగా 100 కోట్లతో రికార్డ్ సృష్టించింది. ఇది జురాసిక్ పార్క్ సినిమాల‌ ఫ్రాంచైజీలో ఏడవ చిత్రంగా, 2022లో వ‌చ్చిన ‘జురాసిక్ వరల్డ్ డొమినియన్‌’ కు సీక్వెల్‌గా వచ్చింది. ఈ సినిమా ఓటీటీలో కూడా అందుబాటులోకి వచ్చింది. ఈ మూవీ ఇది వరకే అమెజాన్‌ ప్రైమ్‌ లో రెంటల్ విధానంలో అందుబాటులో ఉంది. అయితే నవంబర్‌ 14 నుంచి మరో ఓటీటీలో తెలుగులో కూడా స్ట్రీమింగ్ అవుతోంది. ఆ ఓటీటీ పేరు ? దీని కథ గురించి మరింత సమాచారం తెలుసుకుందాం పదండి.

ఏ ఓటీటీలో అంటే

గారెత్ ఎడ్వర్డ్స్ ‘జురాసిక్‌ వరల్డ్‌: రీబర్త్‌’ (Jurassic World : Rebirth) సినిమాకి దర్శకత్వం వ‌హించాడు. ఈ సినిమాలో స్కార్లెట్ జాన్సన్, జోనాథన్ బెయిలీ, మహర్షలా అలీ లీడ్ రోల్స్ లో నటించారు. 2025 జూలై 2న థియేటర్లలోకి వచ్చిన ఈ సినిమా, అమెజాన్ ప్రైమ్ వీడియో (Amazon Prime Video) ఓటీటీలో ఆగ‌స్టు 5 నుంచి రెంటల్ పద్దతిలో అందుబాటులోకి వచ్చింది. అయితే ఇప్పుడు ఈ సినిమా నవంబర్‌ 14 నుంచి జియో హాట్ స్టార్ లో తెలుగు, హిందీ, ఇంగ్లీష్, తమిళ్ భాషల్లో ఫ్రీగానే స్ట్రీమింగ్ అవుతోంది.

స్టోరీ ఏమిటంటే

‘జురాసిక్ వరల్డ్ : డొమినియన్‌’ తర్వాత 5 ఏళ్లకు, డైనోసార్లు ప్రపంచంలో 0.001% మాత్రమే మిగిలి ఉంటాయి. అవి కేవలం అమెజాన్, ఆఫ్రికా, పసిఫిక్ ఐలాండ్స్ లోనే జీవిస్తుంటాయి. అయితే వీటిలో పెద్ద డైనోసార్లు ఒక అరుదైన ప్రోటీన్ ను ఉత్పత్తి చేస్తుంటాయి. ఇది క్యాన్సర్ లాంటి డిసీజెస్‌ని పూర్తిగా నయం చేసే ఔషధానికి కీలకంగా ఉంటుంది. ఒక ఫార్మా అధినేత మార్టిన్ క్రెబ్స్ ఒక టాప్-సీక్రెట్ మిషన్ ప్లాన్ చేస్తాడు. జోరా బెనెట్ ఒక ఎక్స్‌పర్ట్ ని హైర్ చేసి, 6 మందితో టీమ్‌ని లీడ్ చేయిస్తాడు.

వాళ్లు పసిఫిక్‌లోని ఒక ఐలాండ్ కి హెలికాప్టర్‌లో ల్యాండ్ అవుతారు. అక్కడి డైనోసార్లు ఇప్పుడు సాధారణం కంటే పెద్దవిగా, క్రూరంగా ఉంటాయి. వాటి డిఎన్ఏ తీసుకునే క్ర‌మంలో త‌న‌తో పాటు వ‌చ్చిన ఆఫీస‌ర్ చేసిన ఒక మిస్టేక్ వల్ల డైనోసార్లు వీళ్ళ మీద దాడి చేయడం మొద‌లు పెడ‌తాయి. దీంతో ఆ టీమ్ ప్రాణాలను కాపాడుకోవడానికి తీవ్రంగా పోరాడాల్సి వస్తుంది. వీళ్ళంతా అక్క‌డి నుంచి బయట పడతారా ? డిఎన్ఏ సాంపుల్స్ తీసుకుంటారా ? అనే విషయాలను తెలుసుకోవాలనుకుంటే, ఈ సినిమాను మిస్ కాకుండా చూడండి.