OTT Movie : మూవీ లవర్స్ లో మంచి డిమాండ్ ఉన్న హర్రర్ పేరుతో ఎన్నో సినిమాలు వచ్చాయి. కానీ తీరా చూస్తే అందులో హర్రర్ కంటే ఎక్కువ వేరే ఎలిమెంట్స్ ఉండడం, లేదా హారర్ మూవీనే అయినా అంచనాలను అందుకోలేకపోవడం వంటివి జరుగుతాయి. కానీ ఇప్పుడు మనం చెప్పుకోబోయే సిరీస్ మాత్రం మోస్ట్ డిస్టర్బింగ్ సీన్స్ తో భయం ఏంటో చూపిస్తుంది. మరి ఈ సిరీస్ ను ఎక్కడ చూడవచ్చు? ఆ సిరీస్ పేరేంటి ? అనే వివరాల్లోకి వెళ్తే…
కుమారన్ సుందరం దర్శకత్వం వహించిన Karuvanam (2024) ఒక అద్భుతమైన తమిళ్ సైకలాజికల్ హారర్ వెబ్ సిరీస్. సింగపూర్ ప్రొడక్షన్ హౌస్ మీడియాకార్ప్ ఈ సిరీస్ ను నిర్మించింది. 12 ఎపిసోడ్ల ఈ సిరీస్ లో ప్రతి ఎపిసోడ్ సుమారు 20-50 నిమిషాలు. మలేషియన్ నటి జయశ్రీ విజయన్ (షాలిని), ఉదయ సౌందరి (మీరా) ఇందులో మెయిన్ లీడ్స్ అయిన ట్విన్ సిస్టర్స్గా నటించారు. విఘ్నేష్ వడరాజన్ (మీరా భర్త రాజ్), వీరరాఘవన్ తదితరులు ఇందులో కీ రోల్స్ పోషించారు. సపోర్టింగ్ కాస్ట్ సెలెక్షన్ బాగుంటుంది. ఈ సిరీస్ హారర్ ఎలిమెంట్స్తో పాటు ఫ్యామిలీ డ్రామా, ఎమోషనల్ ట్రామా వంటి ఇంట్రెస్టింగ్ ఎలిమెంట్స్ కూడా ఉంటాయి. IMDbలో 8.5 రేటింగ్ ఉన్న ఈ గ్రిప్పింగ్ హారర్ సిరీస్ 2024 బెస్ట్ తమిళ్ వెబ్ సిరీస్ గా నిలిచింది. అలాగే విమర్శకులతో సూపర్ సినిమాటిక్ ఎక్స్పీరియన్స్ అనే ప్రశంసలు కూడా అందుకుంది. ఈ సిరీస్ ను ఫ్రీగానే యూట్యూబ్ లో వీక్షించవచ్చు.
Read Also : ‘లిటిల్ హార్ట్స్’ – ‘ఎయిర్’ డిజిటల్ పాన్ ఇండియా ఎంట్రీ… అన్నీ భాషలలొ ఈ ఓటీటీలోనే స్ట్రీమింగ్ ?
పుట్టగానే అనాథలుగా మారతారు ట్విన్ సిస్టర్స్ మీరా, షాలిని. ఆర్ఫనేజ్లో పెరిగి పెద్దవుతారు. మీరా ఒక సాధారణ అమ్మాయి. అందరిలా కామన్ గా లైఫ్ ను గడుపుతూ, భర్త రాజ్తో సంతోషంగా ఉంటుంది. కానీ షాలిని ఇంట్రోవర్ట్. గతాన్ని మరచిపోవడానికి ట్రై చేస్తుంది. . అలాంటి టైం లో ఈ సిస్టర్స్ బయోలాజికల్ తల్లి మరణించగా, ఆమె పాత ఇల్లు వారసత్వంగా దొరుకుతుంది. ఈ ఇల్లు సింగపూర్లోని ఒక మారుమూల ఏరియాలో ఉంటుంది. ఆ ఇంటి చుట్టూ అడవి ఉండడంతో భయంకరమైన వాతావరణం ఉంటుంది. ఆ ఇంటికి వెళ్లినప్పటి నుంచి ఈ సిస్టర్స్కు విచిత్రమైన అనుభవాలు ఎదురవుతాయి. గత జ్ఞాపకాలు గుర్తు రావడంతో పాటు, షాడోస్ కన్పించడం, వింత వింత సౌండ్స్ విన్పించడం వంటివి జరుగుతాయి. మీరా – షాలిని తల్లి గతం, కుటుంబంలో జరిగిన భయంకరమైన సంఘటనలు ఒక్కొక్కటిగా బయటపడతాయి. ఇంతకీ ఈ ట్విన్ సిస్టర్స్ తల్లి గతం ఏంటి? ఆ ఇంట్లో ఏం ఉంది? ఎందుకు ఈ సిస్టర్స్ కు విచిత్రమైన అనుభవాలు ఎదురవుతున్నాయి? అనే విషయాలు తెలియాలంటే మూవీని చూడాల్సిందే.
Share
Glass Bottle Microplastics: ప్లాస్టిక్ బాటిలే కాదు.. గ్లాస్ బాటిల్స్ కూడా డేంజరేనట, వామ్మో అలా అవుతుందా?
Phone Tapping Case: ఫోన్ ట్యాపింగ్ కేసులో సిట్ స్పీడ్.. త్వరలో పూర్తిస్థాయి చార్జ్షీట్
