Mystery thriller OTT : ఓటీటీలో ఒక క్రేజీ సైకలాజికల్ మిస్టరీ థ్రిల్లర్ డ్రామాను చూడాలనుకుంటే, ఇప్పుడు మనం చెప్పుకోబోయే సినిమాపై ఓ లుక్ వేయండి. ఇది ఒకే సంఘటనను, ముగ్గురు వేర్వేరు వ్యక్తుల కోణంలో చూపించే ఒక అద్భుతమైన స్టోరీ. ఈ సినిమా స్క్రీన్ప్లే కి ప్రశంసలు కూడా వచ్చాయి. ఆడియన్స్ ను ఆలోచనలో పడేసే సినిమా ఇది. దీని పేరు, ఏ ఓటీటీలో ఉంది ? అనే వివరాలను తెలుసుకుందాం పదండి.
2023లో వచ్చిన ఈ మిస్టరీ థ్రిల్లర్ జపనీస్ చిత్రం పేరు ‘మాన్స్టర్’ (Monster). (జపనీస్ టైటిల్: Kaibutsu) ఇది హిరోకాజు కొరే ఎడా దర్శకత్వంలో వచ్చిన ఒక అద్భుతమైన సైకలాజికల్ డ్రామా. లెజెండరీ కంపోజర్ ర్యూచి సకమోటో చనిపోయే ముందు అందించిన చివరి సంగీతమిది. ఇది 2023 కేన్స్ ఫిల్మ్ ఫెస్టివల్లో ‘ఉత్తమ స్క్రీన్ప్లే’ అవార్డును గెలుచుకుంది. ఈ సినిమా ప్రస్తుతం MUBI, Amazon Prime Video ప్లాట్ ఫామ్లలో అందుబాటులో ఉంది.
సింగిల్ మదర్ సావోరి ముగినో తన 5వ తరగతి చదువుతున్న కొడుకు మినాటో తో కలసి ఉంటుంది. మినాటో గత కొంత కాలంగా చాలా వింతలగా ప్రవర్తిస్తుంటాడు. తన జుట్టు కట్ చేసుకోవడం, ఒక్క షూ మాత్రమే వేసుకొని ఇంటికి రావడం, రాత్రి ఇంటికి లేటుగా రావడం వంటివి చేయడంతో అతని తల్లి కంగారుపడుతుంది. ఒక రోజు మినాటో అసలు ఇంటికి రాకుండా పోతాడు. సావోరి వెతికగా, ఒక ట్రైన్ టన్నెల్లో కనిపిస్తాడు. గట్టిగా అడిగితే అసలు విషయం చెప్తాడు. మినాటోని టీచర్ మిస్టర్ హోరి తన్నాడని, టార్చర్ చేశాడని చెబుతాడు. సావోరి స్కూల్కి వెళ్లి టీచర్ ని గట్టిగా అడుగుతుంది. స్కూల్ అథారిటీస్ దాచిపెట్టడానికి ప్రయత్నిస్తారు. సావోరి టీచర్ హోరిని బాధ్యుడిగా చూస్తుంది.
ఇప్పుడు హోరి తన జీవితం రెక్ అవుతుందని భయపడతాడు. కానీ సినిమా ఇక్కడే ట్విస్ట్ తీసుకుంటుంది. కథను మూడు భిన్నమైన కోణాల నుంచి చూపిస్తారు. మొదట సావోరి (తల్లి) వైపు నుంచి, తర్వాత హోరి (టీచర్), చివరికి మినాటో (బాలుడు) దృష్టిలో కథను చూపించడం జరుగుతుంది. ఇక్కడ అసలు నిజాలు బయటపడతాయి. ఇక్కడ అసలు విలన్ ఎవరు? ఎందువల్ల ఆ అబ్బాయి డిప్రెషన్ లోకి వెళ్ళాడు ? ఈ కథ ఎలా ముగుస్తుంది ? అనే విషయాలను, ఈ మిస్టరీ థ్రిల్లర్ సినిమాను చూసి తెలుసుకోవాల్సిందే.
Read Also : మతిపోగొట్టే ట్విస్టులు… థియేటర్లలో దుమ్మురేపుతున్న ఈ సూపర్ హిట్ సినిమాను ఏ ఓటీటీలో చూడొచ్చంటే ?
Share
Oppo Reno Pro Discount: 50MP ట్రిపుల్ కెమెరా, 6200mAh బ్యాటరీ గల ఓప్పో రెనొ ప్రో ధర తగ్గింపు.. రూ.10500 డిస్కౌంట్ ఎక్కడంటే
Illu Illalu Pillalu Today Episode: 20 లక్షలు అడిగిన రామరాజు.. ప్రేమకు ధీరజ్ సపోర్ట్.. సాగర్ పై నర్మదకు అనుమానం..
