Rakkasapuradhol on OTT : రాజ్ బి శెట్టి పోలీస్ పాత్రలో నటించిన ‘రక్కసపురధోల్’ ఇటీటీలోకి వచ్చేస్తోంది. ఈ కన్నడ సినిమా థియేటర్లలో ఉన్నప్పుడే ఓటీటీ డీల్ కూడా అయిపోయింది. కన్నడ సినిమాలకు ఇలా డీల్ సెట్ అవ్వడం చాలా అరుదు కూడా. ఒక సినిమా థియేటర్లలో ఉండగానే డిజిటల్ గా కూడా వెళ్ళగలిగితే అది సగం విజయం సాధించినట్లే. ఈ సినిమాలో రాజ్ తన కెరీర్‌లో తొలిసారిగా పోలీసుగా నటిస్తున్నాడు. నేరాలు జరగని ఒక గ్రామంలో జరిగిన వరుస హత్యల దర్యాప్తు చేస్తున్న SI శివ పాత్రలో రాజ్ బి శెట్టి కనిపించనున్నారు. ఇక ఈ సినిమాను ఎప్పుడు, ఎక్కడ చూడవచ్చో తెలుసుకుందాం పదండి.
నూతన దర్శకుడు రవి సారంగ దర్శకత్వంలో స్టంట్ మాస్టర్ రవి వర్మ నిర్మించిన ‘రక్కసపురధోల్’ ఫిబ్రవరి 6న థియేటర్లలో విడుదల అయింది. అయితే అదేరోజు 6న శాటిలైట్, డిజిటల్ హక్కులు కూడా అమ్ముడయ్యాయి. ఈ సినిమా శాటిలైట్, డిజిటల్ హక్కులను జీ నెట్‌వర్క్ సొంతం చేసుకుంది. కాబట్టి థియేటర్లలో విడుదలైన తర్వాత జీ5లో స్ట్రీమింగ్ ప్రారంభమవుతుంది. ఈ సినిమా OTTplay ప్రీమియం ద్వారా కూడా అందుబాటులో ఉంటుంది. స్ట్రీమింగ్ తేదీ ఇంకా అధికారికంగా నిర్ధారించబడనప్పటికీ, ఈ సినిమా మార్చి మొదటి వీక్ స్ట్రీమింగ్ అయ్యే అవకాశం ఉంది. ఈ చిత్రానికి అర్జున్ జన్య సంగీతం అందిస్తున్నారు. రక్కసపురధోల్ లో అర్చన కొట్టిగే, స్వాతిష్ట కృష్ణన్, బి సురేష్, జహంగీర్, సిద్ధన్న, గౌరవ్ శెట్టి, అనిరుధ్ భట్ తదితరులు నటించారు.
రక్కసపుర అనే ఊరిలో వరుసగా జరుగుతున్న భయంకరమైన హత్యల చుట్టూ ఈ సినిమా తిరుగుతుంది. ఆ ఊరి ప్రజలంతా ఈ చావుల వెనుక ‘కొల్లి దెయ్యం’ ఉందన్న భయంతో వణికిపోతుంటారు. సరిగ్గా అదే సమయంలో, తాగడుకి బానిసైన శివ (రాజ్ బి శెట్టి) అనే ఎస్.ఐ ఆ ఊరికి ట్రాన్స్ఫర్ పై వస్తాడు. అతను తన వ్యక్తిగత బాధలతో సతమతమవుతూనే, ఈ హత్యల వెనుక ఉన్న మిస్టరీని ఛేదించే పనిలో పడతాడు. అందరూ అది దెయ్యం పనే అని నమ్ముతున్నా, శివ మాత్రం దీని వెనుక మనుషుల కుట్ర ఏదో ఉందని అనుమానిస్తాడు. తన తెలివితేటలతో, మూఢనమ్మకాలకు తావు లేకుండా అసలు హంతకుడు ఎవరో కనిపెట్టడమే ఈ కథలోని అసలు ట్విస్ట్. దెయ్యం కథలా అనిపిస్తూనే ఎమోషన్స్ తో సస్పెన్స్ థ్రిల్లర్‌గా ఈ సినిమా సాగుతుంది.
Read Also : ఓటీటీలోకి కామెడీ సినిమా… నలుగురు పెళ్లాలతో పరుగులు పట్టించే సరికొత్త స్టోరీ… ఎక్కడ చూడొచ్చంటే ?
Share
Motorola 24GB: 7000mAh బ్యాటరీ, 24GB ర్యామ్.. రూ.14000 కంటే తక్కువ ధరలో మోటోరోలా కొత్త ఫోన్
CS Ramakrishna Rao: కాలుష్య నియంత్రణపై ఫోకస్ పెట్టాలి.. పచ్చదనం పెంపకంపై చొరవ తీసుకోవాలి : సీఎస్ రామకృష్ణారావు!
