Anaganaga oka Raju OTT:యంగ్ అండ్ టాలెంటెడ్ హీరో నవీన్ పోలిశెట్టి (Naveen Polisetty) గురించి పరిచయాలు ప్రత్యేకంగా అవసరం లేదు.. స్టాండప్ కమెడియన్ గా కెరియర్ ను మొదలుపెట్టి, ఆ తర్వాత పలు క్యారెక్టర్ ఆర్టిస్ట్ పాత్రలు పోషిస్తూ కెరీర్ ను కొనసాగిస్తూ వస్తున్న ఈయన.. ఆ తర్వాత ‘జాతి రత్నాలు’ సినిమాతో హీరోగా మంచి ఇమేజ్ సొంతం చేసుకున్నారు. అలాంటి నవీన్ పోలిశెట్టి చివరిగా ప్రముఖ స్టార్ హీరోయిన్ అనుష్క శెట్టి (Anushka Shetty) తో కలిసి ‘మిస్ శెట్టి మిస్టర్ పోలిశెట్టి’ సినిమాతో ప్రేక్షకుల ముందుకు వచ్చిన విషయం తెలిసిందే. ఈ సినిమాతో మంచి విజయం అందుకున్న నవీన్ పోలిశెట్టి.. రెండేళ్లు విరామం తీసుకుని మళ్లీ ఈ ఏడాది ‘అనగనగా ఒక రాజు’ సినిమాతో ప్రేక్షకుల ముందుకు వచ్చారు.
దర్శకుడు మారి తెరకెక్కించిన ఈ సినిమాలో సంక్రాంతి హీరోయిన్ మీనాక్షి చౌదరి(Meenakshi Chaudhary) హీరోయిన్ గా నటించింది. అవుట్ అండ్ అవుట్ ఫ్యామిలీ, కామెడీ ఎంటర్టైనర్ గా వచ్చిన ఈ సినిమా ఆడియన్స్ నన్ ఒక రేంజ్ లో మెప్పించింది. పండుగ సెలవులు కావడంతో ఈ సినిమా చూసేందుకు ఆడియన్స్ కూడా ఆసక్తి చూపించారు. అలా జనవరి 14న సంక్రాంతి సందర్భంగా విడుదలైన ఈ సినిమా బాగానే కలెక్షన్లు అందుకుంది. ముఖ్యంగా 100 కోట్ల గ్రాస్ కలెక్షన్లు సాధించి సంక్రాంతి బరిలో సూపర్ హిట్ గా నిలిచినట్లు మేకర్స్ అధికారికంగా ప్రకటించారు. ఇక అలా థియేటర్లలో సత్తా చాటిన ఈ సినిమా ఇప్పుడు ఓటీటీ ప్రియులను అలరించడానికి సిద్ధం అయ్యింది.
అందులో భాగంగానే ప్రముఖ ఓటీటీ లీడింగ్ ప్లాట్ఫారం నెట్ ఫ్లిక్స్ ఈ సినిమా డిజిటల్ హక్కులను సొంతం చేసుకున్న విషయం తెలిసిందే. ఫిబ్రవరి 11 నుంచి ఈ సినిమాను స్ట్రీమింగ్ చేయనున్నట్లు తెలుస్తోంది. ఇకపోతే థియేటర్లలో మంచి రెస్పాన్స్ అందుకున్న ఈ సినిమా ఇటు ఓటీటీ లో ఏ రేంజ్ లో రెస్పాన్స్ సొంతం చేసుకుంటుందో చూడాలి.
ALSO READ:Dhurandhar 2: ధురంధర్ 2లో టాలీవుడ్ హీరోయిన్.. డైరెక్టర్ కీలక నిర్ణయం?
ఈ సినిమా స్టోరీ విషయానికి వస్తే.. గౌరవపురం జమీందారు గోపరాజు మనవడే రాజు (నవీన్ పోలిశెట్టి). వారసత్వంగా జమీందారు మనవడు అనే పేరు తప్పా.. తాత సంపాదించిన ఆస్తులు ఏవి మిగలకపోవడంతో ఆర్థిక కష్టాలతో సతమతమౌతూ పగటి కలలు కంటూ ఉంటాడు. బాగా డబ్బున్న కుటుంబానికి చెందిన అమ్మాయిని పెళ్లి చేసుకుంటే జీవితంలో స్థిరపడిపోవచ్చు అనే నిర్ణయానికి వస్తాడు. అదే సమయంలో చారులత (మీనాక్షి చౌదరి) ను చూశాక ఆమె తన రాణి అయితే కష్టాలన్నీ గట్టెక్కేయొచ్చు అని భావించి, ఆమె మనసును గెలుచుకోవాలని రంగంలోకి దిగుతారు. మరి చారులత మనసును గెలిచాడా ? ఆమె జీవితంలోకి వచ్చాక రాజు కష్టాలు తొలగిపోయాయా? రాజు రాజకీయాల్లోకి ఎందుకు అడుగు పెట్టాల్సి వచ్చింది? తదితర విషయాలు తెలియాలి అంటే తెరపై చూడాల్సిందే.
Share
Telangana Municipal Elections: జనసేన మద్దతుపై బీజేపీ పునరాలోచన? ఈనెల ఆ తేదీల్లో పవన్ ప్రచారం!
Iceland Trolls Pak: టీ20 ప్రపంచ కప్ ప్రారంభమైన 3 గంటల్లోనే పాకిస్తాన్ ఎలిమినేట్..ఇజ్జత్ తీసిన ఐస్లాండ్
