Iceland Trolls Pak: టి20 ప్రపంచ కప్ 2026 టోర్నమెంట్ (T20 World Cup 2026 tournament ) నేపథ్యంలో పాకిస్తాన్ పరువు తీసింది ఐస్లాండ్ క్రికెట్ బోర్డు. ప్రతి విషయంలో పాకిస్తాన్ క్రికెట్ జట్టును గెలుపుతున్న ఐస్లాండ్ క్రికెట్, తాజాగా మరో సంచలన పోస్ట్ పెట్టింది. టి20 ప్రపంచ కప్ 2026 టోర్నమెంట్ ప్రారంభం అయిన మూడు గంటల్లోనే పాకిస్తాన్ ఎలిమినేట్ అయి ఇంటి దారి పడుతుందని పరువు తీసింది ( Iceland Trolls Pak) ఐస్లాండ్. తన ప్రారంభ మ్యాచ్ నెదర్లాండ్స్ లో ఓడిపోతే కచ్చితంగా పాకిస్తాన్ ఇంటికి వెళ్లడం గ్యారంటీ అని హెచ్చరించింది. ఇండియాతో మ్యాచ్ బహిష్కరించిన నేపథ్యంలో ఈ పరిస్థితులు నెలకొంటాయని హింట్ ఇచ్చింది ఐస్లాండ్.
టి20 ప్రపంచ కప్ 2026 టోర్నమెంట్ నేపథ్యంలో గ్రూప్ A లో పాకిస్తాన్ ఉంది. ఈ నేపథ్యంలోనే ఇప్పటికే ఇండియాతో జరిగే మ్యాచ్ ను పాకిస్తాన్ ( Pakistan) బహిష్కరించింది. అది పోగా ఫిబ్రవరి 7వ తేదీన తన తొలి మ్యాచ్ నెదర్లాండ్ తో ఆడనుంది పాకిస్తాన్. కొలంబో వేదికగా ఈ మ్యాచ్ ఉంటుంది. ఆ తర్వాత యూఎస్ఏ తో పాకిస్తాన్ ఆడనుంది. అనంతరం జరిగే ఇండియా తో మ్యాచ్ బహిష్కరణ చేసింది. ఇక చివరగా నమీబియాతో పాకిస్తాన్ తలపడనుంది.
ఇలాంటి నేపథ్యంలో ఫిబ్రవరి 7వ తేదీన నెదర్లాండ్ జట్టుపైన పాకిస్తాన్ ఓడిపోతే మూడు గంటల్లోనే టోర్నమెంట్ నుంచి పాకిస్తాన్ క్రికెట్ జట్టు ఎలిమినేట్ కావాల్సిందే అంటూ ఐస్లాండ్ క్రికెట్ బోర్డు (Iceland Cricket ) షాకింగ్ పోస్ట్ పెట్టింది. అలా మూడు గంటల్లోనే ఎలిమినేట్ అయిన తొలి జట్టుగా పాకిస్తాన్ చెత్త రికార్డు సృష్టించబోతున్నట్లు దారుణంగా ట్రోలింగ్ కూడా చేసింది ఐస్లాండ్. దీనికి ప్రత్యేక కారణం ఉంది. ఇండియాతో జరిగే మ్యాచ్ ముందే పాకిస్తాన్ బహిష్కరించింది కాబట్టి.. వాళ్లకు మైనస్ రన్ రేట్ ఉంటుంది. దానికి తోడు నెదర్లాండ్ జట్టుతో ఓడిపోతే ఇంటిదారి పట్టాల్సిందే.
అంతేకాదు, కొలంబోలో భారీ వర్షాలు ( Colombo Rains) పడుతున్నాయి. ఈ పరిస్థితి ఇలాగే, కొనసాగితే, వర్షం కూడా పాకిస్తాన్ కు విలన్ అయ్యే ప్రమాదం ఉంటుంది. అప్పుడు కూడా పాకిస్తాన్ తొలి మ్యాచ్ కే ఎలిమినేట్ అయ్యే అవకాశాలు ఎక్కువ. ఇదే జరిగితే, గ్రూప్ ఏలో టీమిండియాతో పాటు యూఎస్ ఏ ( USA), నెదర్లాండ్స్, నమీబియాలలో ఏదో ఒక టీమ్, సూపర్ 8 స్టేజ్ కు వెళుతుంది. పాక్ ఇంటికి వెళ్లాల్సిందే. ఇది ఇలా ఉండగా, టీ20 ప్రపంచ కప్ నుంచి పాకిస్తాన్ వైదొలిగితే, తమను తీసుకోవాలని మొదటి నుంచి ఐస్ లాండ్ ఇప్పటికే డిమాండ్ చేసింది.
ICELAND CRICKET TROLLS PAKISTAN CRICKET 🗣️
"In the event that Pakistan lose to the Dutch, that will be the first time a team has ever been knocked out of a World Cup in the first three hours of the tournament."
What's your take 😂pic.twitter.com/YueCf5A341
— Richard Kettleborough (@RichKettle07) February 6, 2026
Share
Anaganaga oka Raju OTT: స్ట్రీమింగ్ కి సిద్ధమైన అనగనగా ఒక రాజు.. ఎప్పుడు ఎక్కడంటే?
Vodafone Price Hike: అన్లిమిటెడ్ డేటా ప్లాన్ ధర పెంచేసిన వొడాఫోన్.. పాత ప్లాన్ తొలగింపు.. కొత్త ప్లాన్ వివరాలు ఇవిగో
