Netflix : 2026 నెట్‌ఫ్లిక్స్ లో దుమ్మురేపుతున్న సినిమాలు, సిరీసులు ఇవే… ఒక్కో భాష నుంచి ఒక్కో మూవీ

Netflix : కొత్త ఏడాది మొదటి వీకెండ్ ఓటీటీలలోకి వచ్చిన సినిమాలు భారీ వ్యూస్ తో ట్రెండింగ్ లోకి వచ్చి దుమ్మురేపుతున్నాయి. భారతదేశంలో ఈ వీకెండ్ నెట్‌ఫ్లిక్స్‌లో 10 కొత్త సినిమాలు ట్రెండింగ్‌లో ఉన్నాయి. మరి ఆ సినిమాలు ఏంటో ఒక లుక్కేద్దాం పదండి.

Haq

యామి గౌతమ్, ఇమ్రాన్ హష్మి నటించిన ‘హక్’ చిత్రం విడుదలైన వెంటనే ట్రెండింగ్ లోకి వచ్చి చేరింది. షా బానో కేసు ఆధారంగా రూపొందిన, ఈ చిత్రం ఈరోజు నెట్‌ఫ్లిక్స్‌లో నంబర్ 1 ట్రెండ్‌లో ఉంది. ఈ చిత్రం జనవరి 2న నెట్‌ఫ్లిక్స్‌లోకి వచ్చింది. అప్పటి నుండి ట్రెండింగ్‌ లోనే ఉంది.

Single Salma

హుమా ఖురేషి ప్రస్తుతం తన ‘సింగిల్ సల్మా’ సినిమాతో వార్తల్లో నిలుస్తోంది. సినిమాలో ఆమె నటనకు మంచి స్పందన లభిస్తోంది. ఈ శనివారం నెట్‌ఫ్లిక్స్‌లో ఈ చిత్రం ట్రెండింగ్‌ లో 2వ స్థానంలో ఉంది.

Eko

మలయాళ మిస్టరీ థ్రిల్లర్ చిత్రం ‘ఎకో’ విడుదలైన వెంటనే హిట్ టాక్ తో ఓటీటీలో దూసుకెళ్తోంది. ఈ చిత్రంలో సందీప్ ప్రదీప్, సౌరభ్ సచ్‌దేవా, వినీత్, బిను పప్పు నటించారు. ఈ చిత్రం నెట్‌ఫ్లిక్స్‌లో ట్రెండింగ్‌లో 3వ స్థానంలో ఉంది.

Andhra King Taluka

తెలుగు సినిమా ‘ఆంధ్ర కింగ్ తాలూకా’ గత రెండు వారాలుగా ట్రెండింగ్‌లో ఉంది. ఈ కథ ఉపేంద్ర (సూర్య కుమార్) అనే సినీ నటుడు ఇబ్బందుల్లో పడటం చుట్టూ తిరుగుతుంది. అప్పుడు, ఆ నటుడి పెద్ద అభిమాని రంగంలోకి దిగి, సహాయం చేయడంతో ఇబ్బందుల నుండి బయటపడతాడు. ఈ చిత్రం ప్రస్తుతం నెట్‌ఫ్లిక్స్‌లో 4వ స్థానంలో ట్రెండింగ్‌లో ఉంది.

Revolver Rita

తమిళ చిత్రం రివాల్వర్ రీటా కూడా ప్రేక్షకులను బాగా ఆకట్టుకుంది. థియేటర్లలో డిజాస్టర్ అయిన ఈ మూవీ, ఈరోజు నెట్‌ఫ్లిక్స్‌లో 5వ స్థానంలో ట్రెండింగ్‌లో ఉంది.

Raat Akeli Hai: The Bansal Murders

నవాజుద్దీన్ సిద్ధిఖీ మరో హత్య రహస్యాన్ని తెరపైకి తీసుకొచ్చారు ‘రాత్ అకేలి హై 2’తో. ఈసారి ఆయనతో పాటు దీప్తి నావల్, చిత్రాంగద సింగ్ వంటి నటీమణులు కూడా ఇందులో చేరారు. ఈ చిత్రం నెట్‌ఫ్లిక్స్‌లో 6వ స్థానంలో ట్రెండింగ్‌లో ఉంది.

Sniper: The Last Stand

ఇది స్నైపర్ యాక్షన్ ఫ్రాంచైజీలో 11వ చిత్రం. ఈ చిత్రం నెట్‌ఫ్లిక్స్‌లో 7వ స్థానంలో ట్రెండింగ్‌లో ఉంది. ఈ యాక్షన్-ప్యాక్డ్ చిత్రానికి మంచి ఆదరణ లభిస్తోంది.

Dangal

ఆమిర్ ఖాన్ చిత్రం ‘దంగల్’ కూడా ట్రెండింగ్‌లో ఉంది. 2016 రెజ్లింగ్ డ్రామా దాదాపు 10 సంవత్సరాల తర్వాత కూడా ఇలా ట్రెండ్ అవుతుండడం విశేషం. ప్రస్తుతం నెట్‌ఫ్లిక్స్‌లో 8వ స్థానంలో ఉంది.

The Great Flood

“ది గ్రేట్ ఫ్లడ్” అనే కొరియన్ సినిమాను కూడా పదే పదే చూస్తున్నారు. ఇది ఫ్లడ్ లో చిక్కుకున్న ఓ తల్లి తన కొడుకుని ఎలా కాపాడుకుంది అనే కథ. ఈ చిత్రంలోని చాలా సన్నివేశాలు ప్రేక్షకులను కన్నీళ్లతో ముంచెత్తాయి. ఇది నెట్‌ఫ్లిక్స్‌లో 9వ స్థానంలో ట్రెండింగ్‌లో ఉంది.

Chennai Express

షారుఖ్ ఖాన్, దీపికా పదుకొనే నటించిన ‘చెన్నై ఎక్స్‌ప్రెస్’ చిత్రం 2013లో విడుదలైంది. అయితే 12 సంవత్సరాల తరువాత ఇది నెట్‌ఫ్లిక్స్‌లో ట్రెండింగ్‌లో ఉంది. రోహిత్ శెట్టి దర్శకత్వం వహించిన ఈ చిత్రం ప్రత్యేకమైన ప్రేమకథతో ప్రేక్షకుల నుండి మంచి ఆదరణ పొందింది.