OTT Movies: మీకు ‘నా ఆటోగ్రాఫ్.. స్వీట్ మెమరీస్’, ‘ప్రేమమ్’ మూవీస్ అంటే ఇష్టమా? అయితే, తప్పకుండా ఈ మూవీ కూడా నచ్చేస్తోంది. అన్నట్టు.. ఈ మూవీలోని ఓ సాంగ్.. ఈ మధ్య సోషల్ మీడియాలో కూడా బాగా వైరల్ అవుతోంది. ఒక అమ్మాయి.. కాలేజ్‌లో తన జూనియర్‌ను ఇష్టపడుతుంది. తనని అక్కా అని పిలవద్దని చెబుతుంది. ఆ తర్వాత వారిద్దరూ ప్రేమలో పడతారు. మేడపై రొమాన్స్ చేస్తారు. ఆ తర్వాతి ఓ రోజు ఆ అమ్మాయి అతడికి హ్యాండ్ ఇస్తుంది. తనని పేరు పెట్టి పిలవద్దు. అక్కా అని పిలవమని వార్నింగ్ ఇస్తుంది. ఈ సీన్ ఇప్పుడు తెగ వైరల్ అవుతోంది. ఆ మూవీని మీకు కూడా చూడాలని ఉందా? అయితే.. ముందుగా కథ తెలుసుకోండి.
కథేంటంటే..
ప్రముఖ తమిళ నటుడు.. విష్ణు విశాల్ నిర్మించిన రొమాంటిక్, కామెడీ మూవీ ‘ఓహో ఎంతన్ బేబీ’ (Oho Enthan Baby) థియేటర్‌లో మంచి టాక్ తెచ్చుకుంది. ఈ మూవీలోని సాంగ్స్ కూడా హిట్టే. ఇది కూడా ఒక ప్రేమికుడి ‘బయోపిక్’ అనుకోవచ్చు. ఇక కథలోకి వెళ్తే..
అశ్విన్(రుద్ర)కు డైరెక్టర్ కావాలనేది కల. అందుకే అసిస్టెంట్ డైరెక్టుగా పనిచేస్తుంటాడు. ఏదో ఒక రోజు సొంతంగా సినిమా తియ్యాలనే లక్ష్యంతో కసిగా పనిచేస్తుంటాడు. తన జీవితాన్నే బిగ్ స్క్రీన్‌పై చూపించాలని కలలు కంటాడు. తన జీవితంలో ఎదుర్కొన్న ప్రేమ, బ్రేకప్ వంటి విషయాలనే కథగా మలిచి.. స్క్రీప్ట్ రెడీ చేస్తాడు. మరోవైపు.. మీరా (మిథిలా పాల్కర్) అనే డాక్టర్‌‌ను ప్రేమిస్తాడు. ఆమెతో గడిపే ప్రతి క్షణాన్ని తన సినిమా కథలో ఊహిస్తుంటాడు. అయితే, అశ్విన్ లక్ష్యం.. అతడి ఊహల్లోనే బతికేస్తుండటం.. ఆమెకు నచ్చదు. ఇద్దరికీ స్పర్థలు వస్తాయి. దీంతో తన జీవిత కథను తెరపై చూపించి.. మీరాకు తన ప్రేమను నిరూపించుకోవాలనే నిర్ణయానికి వస్తాడు. అతడు తయారు చేసిన స్క్రీప్ట్‌‌తో హీరో విష్ణు విశాల్‌‌ను కలుస్తాడు.
అసలు కథ మొదలయ్యేది ఇప్పుడే..
అశ్విన్ తన స్క్రిప్ట్‌ను విష్ణు విశాల్‌కు వినిపిస్తాడు. తన ప్రేమకథను మూడు దశల్లో వివరిస్తాడు. ముందుగా తన టీనేజ్ ప్రేమ గురించి చెబుతాడు. ఈ సందర్భంగానే ఇప్పుడు మీరు సోషల్ మీడియాలో చూసిన సాంగ్ వస్తుంది. అందులోనే అతడి టీనేజ్ లవ్ చూపిస్తారు. ఆ తర్వాత వయస్సు వచ్చిన తర్వాత లవ్.. ప్రస్తుతం మీరాతో ఉన్న లవ్ గురించి కథలా చెబుతాడు. కథ మొత్తం విన్న తర్వాత.. స్క్రీప్ట్‌లో ఏదో లోపం ఉందని, దాన్ని సరిచేసుకోవాలని విష్ణు విశాల్ సూచిస్తాడు. “నీ కథలో నువ్వు.. నీ తప్పులను ఒప్పుకోవడం లేదు. నువ్వు నీ ప్రేమను మళ్లీ గెలవాలంటే.. ముందుగా నీ తప్పులను సరిదిద్దుకో” అని సలహా ఇస్తాడు. ఈ మాటలు అశ్విన్‌ను ఆలోచింపజేస్తాయి. మరి ఆ తర్వాత ఏం జరుగుతుందో తెలియాలంటే ఓటీటీలో చూడండి. Netflixలో స్ట్రీమింగ్ అవుతోంది. ఈ మూవీ తెలుగులోనూ ఉంది. ఫ్యామిలీతో చూస్తున్నప్పడు జాగ్రత్త.. కొన్ని రొమాంటిక్, ముద్దు సీన్లు ఇబ్బంది పెట్టవచ్చు. ఈ మూవీకి జెన్ మార్టిన్ సంగీతం అద్భుతంగా ఉంటుంది. చివరిగా.. ఒక ఫీల్-గుడ్ రొమాంటిక్ కామెడీ మూవీ చూసిన అనుభూతి కలుగుతుంది.
Share
OTT Movie : పర్వతంపై అమ్మాయి మృతదేహం... గ్రిప్పింగ్ స్టోరీ... ఇంటెన్స్ మర్డర్ మిస్టరీ
Anupama: నా సినిమాలలో ఇప్పటివరకు నచ్చని పాత్ర అదే!
