OTT Movie : క్రైమ్ సస్పెన్స్ థ్రిల్లర్ సినిమాలు అంటే చెవి కోసుకునే వారికి ఈ మూవీ బెస్ట్ ఆప్షన్. ఇప్పుడు మనం మాట్లాడుకుంటున్న సినిమాలో సస్పెన్స్ ఎలిమెంట్స్ మాత్రమే కాదు చూస్తున్నంత సేపు ఈగోను సాటిస్ఫై చేసే అంశాలు కూడా పుష్కలంగా ఉంటాయి. పైగా ఇది ఒక రివేంజ్ డ్రామా కావడంతో సినిమా అంతా ఎంగేజింగ్ గా ఉంటుంది. సాధారణంగా ఇలాంటి సినిమాలు చూసినప్పుడు అందరూ హీరో, విలన్ మధ్య జరిగే రివేంజ్ ఫైట్ కోసమే ఎదురు చూస్తారు. మరి ఇప్పుడు మనం చెప్పుకుంటున్న సినిమా ఎక్కడ స్ట్రీమింగ్ అవుతోంది? సినిమా పేరేంటి? అనే వివరాల్లోకి వెళితే…
స్టోరీ ఏంటంటే…
ఓపెన్ చేస్తే ఓ సూపర్ మార్కెట్లో దొంగతనం జరుగుతున్నట్టుగా చూపిస్తారు. ఆ మార్కెట్లోని కౌంటర్ లో ఉన్న డబ్బునంతా ఆ దొంగలు దోచుకుంటారు. కానీ వాళ్లు అనుకున్నంత డబ్బు అక్కడ లేకపోవడంతో కౌంటర్ దగ్గర నిలబడి ఓనర్ తో ఎక్స్ట్రా డబ్బు కావాలని గొడవ పడతారు. ఇంత రచ్చ జరుగుతుంటే హీరోయిన్ వీళ్ళ మధ్యకు వచ్చి తనకు కావాల్సిన వస్తువు గురించి అడుగుతుంది. అంతకు ముందే ఆమె ఆ వస్తువుకు సంబంధించి డబ్బులు ఇచ్చేస్తుంది. కానీ ఇప్పుడు దొంగలు క్యాష్ కౌంటర్లో ఉన్న డబ్బును అంతా దోచుకోవడంతో ఆమెకు తిరిగి రావాల్సిన అమౌంట్ ఓనర్ నుంచి రాదు. ఆ అమ్మాయి తనకు రావాల్సిన డబ్బును దొంగలు దగ్గర వసూలు చేసే ప్రయత్నం మొదలు పెడుతుంది. దీంతో అక్కడ ఫైట్ జరుగుతుంది.
ఆ తర్వాత ఒక డాన్స్ ప్రోగ్రాం ఉండగా అక్కడ ఓ అమ్మాయి డాన్స్ చేస్తూ కిందపడి కాలుని విరగ్గొట్టుకుంటుంది. ఆ అమ్మాయి హీరోయిన్ కి ఫోన్ చేసి తనకు గాయమైందని చెప్తుంది. ఫ్రెండ్ కోసం ఆ డాన్స్ ప్రాక్టీస్ జరుగుతున్న వేదిక దగ్గరికి వెళ్లి హీరోయిన్ చూస్తే అక్కడ ఆమె కనిపించదు. కానీ ప్లీజ్ గెట్ మీ రివేంజ్ ఫర్ మీ అనే ఒక లెటర్ మాత్రం కనిపిస్తుంది. ఇదంతా ఏంటో అర్థం కాక తన ఫ్రెండ్ కోసం వెతికితే హీరోయిన్ కి వాష్ రూమ్ లో ఆమె సూసైడ్ చేసుకొని కనిపించి షాక్ ఇస్తుంది. ఇప్పుడు ఇద్దరి మధ్య ఉన్న గత స్నేహాన్ని కళ్ళ ముందుకు తీసుకొస్తారు మేకర్స్. ఈ బాల్య స్నేహితులు ఇద్దరూ చదువుల కోసం దూరమవుతారు. చాలా కాలం తర్వాత కలిసి హ్యాపీగా ఉన్నాం అనుకునే లోపే ఆమె సూసైడ్ చేసుకుంటుంది. అసలు హీరోయిన్ ఫ్రెండ్ ఎందుకు సూసైడ్ చేసుకుంది? ఎవరిపై తన ఫ్రెండ్ పగ తీర్చుకోవాలని ఆ లెటర్ రాసింది.? హీరోయిన్ తన ఫ్రెండ్స్ చావుకు కారణమైన వాళ్లను ఎలా కనుక్కుంది? అనే ప్రశ్నలకు జవాబు కావాలంటే నెట్ ఫ్లిక్స్ లో స్ట్రీమింగ్ అవుతున్న బల్లెరినా అనే ఈ సినిమాను చూడాల్సిందే. సినిమా మొత్తం తన ఫ్రెండ్ కోసం హీరోయిన్ చేసే ఫైట్ చుట్టూ నడుస్తుంది. ఇక ఈ సినిమాను చూస్తే ఈజీగా మర్చిపోలేరు.
Share
Lover Murder: ప్రియుడి కోసం లాడ్జికి వెళ్లిన యువతి.. పోలీసుల ఎదురుగానే హత్య!
Face Packs: ఈ ఫేస్ ప్యాక్స్‌తో మీ అందం రెట్టింపు
