OTT Movie : క్లైమాక్స్ వరకు ఊహించని మలుపులతో సాగే సినిమాను చూడాలనుకుంటే, ఇప్పుడు చెప్పుకోబోయే సినిమాపై ఓ లుక్ వేయండి. ఈ సస్పెన్స్ థ్రిల్లర్ సినిమా ఒక మర్డర్ మిస్టరీ చుట్టూ తిరుగుతుంది. అటు సైన్స్ , ఇటు హారర్ ఎలిమెంట్స్ తో ఈ స్టోరీ మైండ్ ని బెండ్ చేస్తుంది. ఈ చైనీస్ మిస్టరీ క్రైమ్ మూవీ పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే …
‘ది సోల్’ (The soul) జియాంగ్ బో నవల ‘యిహున్ యూషు’ ఆధారంగా రూపొందిన చైనీస్ మిస్టరీ క్రైమ్ సినిమా. దీనికి చెంగ్ వీ-హావో దర్శకత్వం వహించారు. ఇందులో చాంగ్ చెన్, జానైన్ చాంగ్, సన్ అంకే, క్రిస్టోఫర్ లీ నటించారు. ప్రధాన పాత్రలో నటించిన చాంగ్ చెన్ తన పాత్ర కోసం సుమారు 12 కిలోల బరువు తగ్గి, క్యాన్సర్ రోగిగా అద్భుతంగా నటించారు. ఈ సినిమా ప్రతిష్టాత్మకమైన Golden Horse Awards లో ఉత్తమ నటుడు సహా పలు విభాగాల్లో అవార్డులను గెలుచుకుంది. ప్రస్తుతం నెట్ ఫ్లిక్స్ లో ఈ సినిమా అందుబాటులో ఉంది.
ఒక పెద్ద బిజినెస్ మెన్ అయిన వాంగ్ షి-కాంగ్ తన ఇంట్లోనే దారుణంగా హత్యకు గురవుతాడు. ఈ కేసును ఇన్వెస్టిగేట్ చేయడానికి క్యాన్సర్‌తో బాధపడుతున్న ప్రాసిక్యూటర్ లియాంగ్, అతని భార్య (పోలీస్ ఆఫీసర్) అబావో రంగంలోకి దిగుతారు. మొదట్లో ఈ మర్డర్ వెనుక చేతబడి, క్షుద్ర పూజలు ఉన్నాయని అందరూ నమ్ముతారు. ఎందుకంటే చనిపోయిన వ్యక్తి కొడుకు తండ్రిని శపించడం, అక్కడ దొరికిన వింత గుర్తులు అలా అనిపిస్తాయి. కానీ లోతుగా వెళ్లేకొద్దీ, చనిపోయిన వాంగ్ కంపెనీలో జరుగుతున్న వింతైన మెదడు మార్పిడి ప్రయోగాలు బయటపడతాయి.
ఈ సినిమా సగం వరకు హారర్ థ్రిల్లర్‌లా అనిపించినా, అక్కడి నుండి కథ మొత్తం సైన్స్ ఫిక్షన్ వైపు మారుతుంది. చనిపోయిన వ్యక్తి తన ప్రాణాన్ని కాపాడుకోవడానికి, తన మెదడును వేరే వాళ్ల శరీరంలోకి మార్చుకోవాలని ప్లాన్ చేశాడని తెలుస్తుంది. చివరికి ప్రాసిక్యూటర్ లియాంగ్ తన ప్రాణాన్ని పణంగా పెట్టి, ఈ మర్డర్ మిస్టరీని ఎలా చేధించాడు ? మెదడు మార్పిడి ప్రయోగాలు ఎలాంటి పరిణామాలకు దారి తీస్తాయి ? అనే విషయాలను ఈ సినిమాను చూసి తెలుసుకోవాల్సిందే.
Read Also : ప్రపంచంలోనే అత్యధిక వసూళ్లు సాధించిన చైనీస్ ఫాంటసీ యానిమేటెడ్ మూవీ ఓటీటీలోకి… స్ట్రీమింగ్ ఎప్పుడంటే?
Share
Friday OTT Releases : ఫ్రైడే సినిమాల జాతర.. ఒక్కరోజులో 15 సినిమాలు.. డోంట్ మిస్..
Punarnavi Bhupalam: పునర్నవికి కాబోయే భర్త బ్యాగ్రౌండ్ ఏంటో తెలుసా..? సౌండ్ పార్టీనే..
