Devkhel OTT Release date : ఆడియన్స్ ఎంతో ఆసక్తిగా ఎదురుచూస్తున్న మరాఠీ సైకలాజికల్ థ్రిల్లర్ వెబ్ సిరీస్ ‘దేవ్ఖేల్’ ఓటీటీలోకి వచ్చేస్తోంది. కొంకణ్ ప్రాంతంలోని జానపద సంప్రదాయాల నేపథ్యంలో ఈ సిరీస్ ఉంటుంది. హోలీ పండుగ సందర్భంగా శంకాసురుడి పురాణానికి సంబంధించిన హత్యలతో కథ మొదలవుతుంది. ఇన్స్పెక్టర్ విశ్వాస్ ఇన్వెస్టిగేషన్ తో స్టోరీ ఉత్కంఠంగా సాగనుంది. మరి దీని కథ ఏమిటి ? ఏ ఓటీటీలో స్ట్రీమింగ్ కానుంది? అనే వివరాలను తెలుసుకుందాం.
ఈ సైకలాజికల్ మరాఠీ థ్రిల్లర్ సిరీస్ పేరు ‘దేవ్ఖేల్’ (Devkhel). ఇది జనవరి 30న ZEE5లో అందుబాటులోకి వస్తుంది. చంద్రకాంత్ లతా గైక్వాడ్ రూపొందించిన ఈ సరీస్ లో అంకుష్ చౌదరి, ప్రజక్తా మాలి, యతిన్ కార్యేకర్, అరుణ్ నలవాడే, వీణా జమ్కర్, మంగేష్ దేశాయ్ వంటి నటులు నటించారు. ఈ సిరీస్లో మరాఠీ చిత్ర పరిశ్రమ నుండి వచ్చిన నటీనటులు అద్భుతమైన ప్రదర్శనను ఇవ్వనున్నారు. ఇక ప్రధాన పాత్రలో అంకుష్ చౌదరి ఇన్స్పెక్టర్ విశ్వాస్ సరంజామే అనే పాత్రను పోషిస్తున్నాడు. ఈ పాత్ర కథకి హైలెట్ గా ఉండనుంది.
మహారాష్ట్రలోని దేవ్ఖేల్ అనే ఒక గ్రామంలో ఒక భయంకరమైన వింత సంఘటన దశాబ్దాలుగా జరుగుతుంటుంది. ప్రతి సంవత్సరం హోలీ పౌర్ణమి రాత్రి, గ్రామంలో ఎవరో ఒకరు మిస్టరీగా చనిపోతుంటారు. అయితే ఈ మరణాలను గ్రామస్థులు కేవలం హత్యలుగా చూడరు. పురాణాల్లోని ‘శంకాసురుడు’ అనే దైవం ఇచ్చే దైవిక శిక్షగా వాళ్ళు బలంగా నమ్ముతారు. న్యాయం జరగని చోట శంకాసురుడే స్వయంగా వచ్చి తీర్పునిస్తాడని అక్కడి వాళ్ళ నమ్మకం.
ఈ క్రమంలో ఇన్స్పెక్టర్ విశ్వాస్ సరంజామే (అంకుష్ చౌదరి) ఈ మిస్టీరియస్ మరణాల వెనుక ఉన్న నిజాన్ని వెలికితీయడానికి గ్రామానికి వస్తాడు. అతను మూఢనమ్మకాలను నమ్మడు. కేవలం ఆధారాలను మాత్రమే నమ్ముతాడు. ఇక ఆ గ్రామంలోని మూఢనమ్మకాల మధ్య అతను విచారణను ఎలా కొనసాగించాడు ? అక్కడ జరుగుతున్న మరణాలకు కారణం ఎవరు ? నిజంగానే ఏదైనా అతీత శక్తి ఉందా ? అనే ఉత్కంఠతో ఈ సైకలాజికల్ క్రైమ్ థ్రిల్లర్ సాగుతుంది.
Share
MSVPG Deleted Song: మన శంకర్ వరప్రసాద్లో రమణ గోగుల సాంగ్.. రిలీజ్పై క్లారిటీ ఇచ్చిన అనిల్ రావిపూడి..
Kurnool News: కర్నూలులో విద్యార్థిపై కూలిన కరెంటు స్తంభం.. క్షణ కాలంలో ప్రాణాలు దక్కించుకున్న విద్యార్థి! 
