Psycho Thriller OTT : సైకో థ్రిల్లర్ సినిమాలు సీను సీనుకో ట్విస్ట్ తో పిచ్చెక్కిస్తుంటాయి. పైగా ఆ కిల్లర్ పోలీసులను పరిగెత్తించే తీరు, మనుషులను అమానుషంగా చంపి ఎస్కేప్ అయ్యే తీరు ఆకట్టుకుంటుంది. గుండె గుభేల్మన్పించే ఇలాంటి కథల్లోనూ కొత్త కొత్తగా ఎన్నో స్టోరీలు వస్తున్నాయి. సైకో థ్రిల్లర్ సినిమాల్లో అమ్మాయిలను టార్గెట్ చేసి చంపుతూ ఉంటారు మేకర్స్. అలాంటి సినిమాలు ఇదివరకు హాలీవుడ్ లోనే వచ్చాయి. కానీ ఇప్పుడు సౌత్ లో, తెలుగులోనూ ఎన్నో కథలు వచ్చాయి. వాటిలో ఒక ఇంట్రెస్టింగ్ మూవీని ఈరోజు మూవీ సజెషన్ లో మీ ముందుకు తీసుకొచ్చాము. మరి ఆ మూవీ ఏంటి? స్టోరీ ఏంటో తెలుసుకుందాం పదండి.
అధిక్ రవిచంద్రన్ దర్శకత్వం వహించిన తమిళ్ సైకలాజికల్ రొమాంటిక్ త్రిల్లర్ ‘Bagheera (2023)’. ఒక సైకోపాత్ సీరియల్ కిల్లర్ మహిళలను టార్గెట్ చేసి చంపే కథ ఇది. ఇందులో ప్రభుదేవా, శ్రీకాంత్, అమైరా దస్తూర్, సోయా అగర్వాల్, సాక్షి అగర్వాల్, యశికా ఆనంద్, రమ్య నాంబేశన్, సంచిత శెట్టి, నాజర్ ప్రధాన పాత్రలు పోషించారు. గణేశన్ శేఖర్ మ్యూజిక్ అందించిన ఈ మూవీ 2023 మార్చి 3న థియేటర్స్లో రిలీజ్ అయ్యి, మిక్స్డ్ రివ్యూస్ అందుకుంది. ప్రభుదేవాను ఇలాంటి రోల్ లో అస్సలు ఇప్పటిదాకా చూసి ఉండరు. బాక్సాఫీస్ దగ్గర ఫెయిల్యూర్ గా మారిన ఈ ఫిల్మ్ స్టోరీ మాత్రం ఇంట్రెస్టింగ్ గా ఉంటుంది. Sun NXT ఓటీటీలో స్ట్రీమింగ్ అవుతోంది.
Read Also : హాలీవుడ్ నుంచి మరాఠీ వరకు… జియో హాట్ స్టార్ అప్ కమింగ్ సినిమాలు, సిరీసులు
మురళిధరన్ (ప్రభుదేవా) అనే సైకోపాత్ కు మహిళలంటే చంపి పడేసేంత ద్వేషం ఉంటుంది. గతంలో అతని జీవితంలో జరిగిన కొన్ని బాధకరమైన సంఘటనలే అందుకు కారణం. తల్లి మరణం, స్నేహితురాలి మోసం వంటి సంఘటనలు, మహిళల పట్ల అతనికి ఉన్న ద్వేషం సీరియల్ కిల్లర్గా మారుస్తుంది. మురళిధరన్ “బఘీరా” అనే పేరుతో మహిళలను టార్గెట్ చేసి చంపుతాడు. అబ్బాయిలను మోసం చేస్తే చాలు బఘీరా వచ్చి రివెంజ్ తీర్చుకుంటాడు. ముందుగా మహిళలను అట్రాక్ట్ చేసి, ప్రేమలో పడేలా చేస్తాడు. వాళ్ళు మోసం చేసినట్టు నిరూపించి చంపేస్తాడు. ఆ మరణాలను యాక్సిడెంట్లుగా చిత్రీకరించి, బాడీస్ను స్టాచ్యూస్గా మార్చి దాచేస్తాడు.
ఈ నేపథ్యంలోనే ఒక యువకుడు (శ్రీకాంత్) సూసైడ్ ప్రయత్నం చేస్తాడు. గర్ల్ ఫ్రెండ్ చేసిన మోసంతో ప్రాణం తీసుకోబోయిన అతనికి ఓ స్నేహితుడు “బఘీరా” యాప్ ద్వారా రిలీఫ్ పొందవచ్చు అని చెప్తాడు. ఆ యాప్లో మహిళలు మోసం చేస్తే కంప్లైంట్ చేయవచ్చు, బఘీరా వచ్చి చంపేస్తాడు అని తెలుసుకున్న యువకుడు తన గర్ల్ఫ్రెండ్ రమ్య పై కంప్లైంట్ చేస్తాడు. బఘీరా రమ్యను టార్గెట్ చేసి, ఆమెను ప్రేమలో పడేలా చేసి, ఇంటికి తీసుకెళ్తాడు. అక్కడ అతను ఇంతకు ముందు చంపిన మహిళల స్టాచ్యూస్ కూడా ఉంటాయి. అక్కడే రమ్యను బంధించి, బఘీరా ఆమెను టార్చర్ చేస్తాడు. మరోవైపు పోలీస్ ఇన్స్పెక్టర్ సాయి కుమార్ (గోపీనాథ్ రవి) బఘీరా మర్డర్ కేస్ ఇన్వెస్టిగేట్ చేస్తూ ఉంటాడు. రమ్య సైకాలజీ స్టూడెంట్ గా బఘీరా కేస్ స్టడీ చేస్తుంది. ఆమె ఇప్పుడు స్వయంగా అతని ట్రాప్ లో చిక్కుకుంటుంది. మరి ఆ అమ్మాయి ఈ సైకో నుంచి ఎలా బయట పడింది? పోలీసులు బఘీరాను పట్టుకున్నారా? రమ్య బాయ్ ఫ్రెండ్ కు సంబంధించిన సీక్రెట్ ఏంటి? అన్నది స్టోరీ.
Share
Patang Movie Review : పతంగ్ మూవీ రివ్యూ.. ప్రేమ గొప్పదా? స్నేహం గొప్పదా?
Guess The Actress : ఈ ఫోటోలో కనిపిస్తున్న వ్యక్తిని గుర్తుపట్టారా..? ప్రస్తుతం ఏం చేస్తున్నాడంటే..?
