Psychological drama OTT : ఒక మంచి ఎమోషనల్ డ్రామాను చూడాలనుకుంటే, ఇప్పుడు చెప్పుకోబోయే సినిమాను మిస్ కాకుండా చూడండి. గత ఏడాది వచ్చిన ఈ బెంగాలీ మూవీ 70 ఏళ్ల వయసున్న ఒక వృద్ధ దంపతుల చుట్టూ తిరుగుతుంది. ఒకే రాత్రిలో జరిగే ఈ కథ వాళ్ళ పెళ్లి జ్ఞాపకాలను నెమరేసుకోవడంతో సరిపోతుంది. అయితే మూవీ ఫ్యామిలీ ఆడియన్స్ ని ఆకట్టుకుంటుంది. క్లైమాక్స్ కన్నీళ్ళు కూడా పెట్టిస్తుంది. ఈ మూవీ పేరు ? ఏ ఓటీటీలో ఉంది ? అనే వివరాల్లోకి వెళ్తే ..
ఈ బెంగాలీ సైకలాజికల్ డ్రామా సినిమా పేరు ‘ఈ రాత్ తోమర్ అమర్’ (Ei Raat Tomar Amaar). పరంబ్రత చటోపాధ్యాయ దర్శకత్వం వహించిన ఈ చిత్రానికి అసలు కథ, స్క్రీన్‌ప్లే చిరోంజిబ్ బోర్డోలోయ్ రాశారు. హోయిచోయ్ బ్యానర్‌పై విష్ణు మోహతా నిర్మించిన ఈ చిత్రంలో ప్రముఖ సీనియర్ నటులు అపర్ణా సేన్, అంజన్ దత్ మొదటిసారి వెండితెరపై దంపతులుగా నటించారు. ఈ మూవీకి ఇంద్రాదీప్ దాస్ గుప్తా అద్భుతమైన సంగీతాన్ని అందించారు. ప్రస్తుతం ఈ సినిమా హోయిచోయ్, ప్రైమ్ వీడియోలో అందుబాటులో ఉంది.
ఒక ఇంట్లో 70 ఏళ్ల వయసున్న అమర్ గుప్తా (అంజన్ దత్), జయిత (అపర్ణా సేన్) అనే దంపతులు నివసిస్తుంటారు. జయిత క్యాన్సర్ చివరి దశలో ఉంటుంది. ఉన్న ఒక్కగానొక్క కొడుకు కూడా వాళ్ళకు దూరంగా ఉంటాడు. ఇక ఆమె భర్త అమర్ తన భార్యను కంటికి రెప్పలా చూసుకుంటూ ఉంటాడు. వాళ్ళ 50వ పెళ్లి రోజు రావడంతో కథ ఆసక్తిగా సాగుతుంది. జయిత అందమైన చీర కట్టుకుని, పాత రోజులను గుర్తు చేసుకుంటూ ఆ రాత్రిని మరపురాని రోజుగా మార్చాలని అనుకుంటుంది.
బయటకు చూడటానికి వాళ్ళు చాలా అన్యోన్యంగా కనిపిస్తారు కానీ, ఆ రాత్రి వాళ్ళిద్దరూ మనసు విప్పి మాట్లాడుకోవడం మొదలు పెట్టాక అసలు విషయాలు బయటపడతాయి. ఆ రాత్రంతా వాళ్ళు గొడవపడుతూ, బాధపడుతూనే ఒకరిపై ఒకరికి ఉన్న ప్రేమని చూపించుకుంటారు. సినిమా చివరికి వచ్చేసరికి, ఆ వృద్ధ దంపతులు తమ మధ్య ఉన్న విభేదాలను ఎలా అధిగమించారు? ఒకరినొకరు ఎలా అర్థం చేసుకున్నారు ? అనేది చాలా హార్ట్ టచింగ్ గా ఉంటుంది.
Read Also : పెళ్లికి ముందే హోటల్ గదిలో మరో అమ్మాయితో… అవాక్కయ్యే ట్విస్టులు గురూ
Share
Road Accident: యాదాద్రి జిల్లాలో ఘోర రోడ్డు ప్రమాదం.. కంటైనర్‌ను ఢీకొట్టిన ఆర్టీసీ బస్సు.. స్పాట్‌లో 36 మంది
Vizag Bus Fire: వైజాగ్‌లో ఘోర ప్రమాదం.. మంటల్లో కాలి బూడిదైన బస్సు
