Psychological Horror Thriller OTT: వయొలెన్స్ ఓ లెవల్ లో ఉండే థ్రిల్లర్ సినిమాను చూడాలనుకుంటే, ఇప్పుడు చెప్పుకోబోయే సినిమాపై ఓ లుక్ వేయండి. విపరీతమైన రక్తపాతం, షాకింగ్ మలుపు వల్ల ఈ సినిమాకు మంచి క్రేజ్ కూడా వచ్చింది. ఇందులో వీటికి మించిన బోల్డ్ సీన్స్ కూడా ఉంటాయి. సినిమా మొదటి సగం నెమ్మదిగా సాగుతుంది. కానీ చివరి 30 నిమిషాలు మాత్రం నెక్స్ట్ లెవెల్ లో ఉంటుంది. సుమారు సుమారు 95 నిమిషాల నిడివితో ఈ సినిమా క్రాక్ ఎక్కిస్తుంది. ఏకాంతంగా గడపడానికి వెళ్ళిన ఒక జంట, మరో సైకో జంట చేతికి చిక్కుతుంది. ఆ తరువాత అసలు హింస ఉంటుంది. పిల్లలు ఈ సినిమాకి దూరంగా ఉండటం మంచిది. ఇది పెద్దలకు మాత్రమే.
ఈ అమెరికన్ సైకలాజికల్ హారర్ థ్రిల్లర్ సినిమా పేరు ‘బోన్ లేక్’ (Bone Lake). ఈ సినిమాను మెర్సిడెస్ బ్రైస్ మోర్గాన్ డైరెక్ట్ చేశారు. ఇందులో మ్యాడీ హాసన్, మార్కో పిగోస్సి, అలెక్స్ రో, ఆండ్రా నెచిత ప్రధాన పాత్రల్లో నటించారు. ఇది 2024 అక్టోబర్ లో థియేటర్లలో విడుదలై, ప్రస్తుతం నెట్‌ఫ్లిక్స్ (Netflix) ఓటీటీ ప్లాట్‌ఫామ్‌లో స్ట్రీమ్ అవుతోంది. అలాగే అమెజాన్ ప్రైమ్ వీడియోలో అద్దెకు (Rent) కూడా తీసుకోవచ్చు. 2024లో జరిగిన ఫెంటాస్టిక్ ఫెస్ట్లో ఈ సినిమాను చూసిన విమర్శకులు దీని మేకింగ్ స్టైల్‌ను మెచ్చుకున్నారు.
సేజ్, డియెగో అనే జంట తమ పాత గొడవలు మర్చిపోయి హాయిగా గడుపుదామని ఒక అడవిలో ఉన్న విల్లాకి వెళ్తారు. తీరా అక్కడికి వెళ్ళాక చూస్తే, అదే విల్లాని సిలాస్, మరీనా అనే ఇంకో జంట కూడా బుక్ చేసుకుని ఉంటారు. సరేలే ఒక రాత్రికి అడ్జస్ట్ అవుదాం అనుకుని నలుగురూ కలిసి మందు తాగుతూ చిల్ అవుతారు. కానీ మాటల్లో మాటలు పెరిగి, ఒకరి వ్యక్తిగత విషయాల మీద ఒకరు సెటైర్లు వేసుకోవడంతో వాతావరణం వేడెక్కుతుంది. కాసేపటి తర్వాత ఆ కొత్త జంట ప్రవర్తన చాలా వింతగా మారుతుంది. సేజ్, డియెగోల మధ్య ఉన్న గొడవలను వాడుకుని వాళ్ళని విడదీయాలని చూస్తారు. ఈ క్రమంలో ఒకరి మీద ఒకరికి అనుమానం పెరిగి, ఆ విల్లాలో ఏదో తేడా ఉందని వీళ్ళకు అర్థమవుతుంది.
ఒక చోట పాత రికార్డింగ్ టేపులు వీళ్ళకు కనిపిస్తాయి. ఇక అంతే వీళ్ళకి మైండ్ బ్లాక్ అయిపోతుంది. అక్కడికి వచ్చిన పాత జంటలను వీళ్ళు హింసించి చంపుతుంటారు. ఇక సేజ్, డియెగో ఏకాంతంగా గడుపుతున్న రికార్డులు కూడా ఉంటాయి. సిలాస్, మరీనా జంట సాదాసీదా మనుషులు కారని, వాళ్ల వెనుక ఒక పెద్ద స్కెచ్ ఉందని తెలిసేసరికి పరిస్థితి చేయి దాటిపోతుంది. సినిమా క్లైమాక్స్ వచ్చేసరికి, విపరీతమైన రక్తపాతం, కొట్టుకోవడాలతో సినిమా అంతా గోలగోలగా మారిపోతుంది. చివరకు సేజ్, డియెగోలు ఆ నరకం నుండి ప్రాణాలతో బయటపడ్డారా ? మిగతా జంటల మాదిరి వాళ్ళ చేతుల్లో బలయ్యారా ? అనే విషయాలను, ఈ హారర్ థ్రిల్లర్ సినిమాను చూసి తెలుసుకోవాల్సిందే.
Read Also : కోరిక తీర్చి మాయం చేసే టీచర్… టెన్షన్ పెట్టించే ఒక్కో స్టూడెంట్ మిస్సింగ్ కేసు… అదిరిపోయే కొరియన్ మిస్టరి
Share
Chiranjeevi: తెలంగాణ సీఎం ముందే ఏపీ సీఎంకు చిరు విన్నపం.. ఏంటంటే?
Jayasudha: రాష్ట్రంలోనే కాదు.. దేశంలోనే పవర్‌ఫుల్ అండ్ డైనమిక్ సీఎం రేవంత్.. - జయసుధ
