Psychological horror thriller OTT : దెయ్యం సినిమాలు చాలా వరకు రొటీన్ గానే ఉంటాయి. దెయ్యాలు వచ్చి మీద పడి రక్కడం, గోడల మీద పాకడం లాంటి సీన్లు ఉంటాయి ఎక్కువగా. అయితే ఇప్పుడు మనం చెప్పుకోబోయే సినిమా మాత్రం భిన్నం గా ఉంటుంది. కెమెరా మనుషుల వైపు కాకుండా, ఒక ఇంట్లో ఉండే ఆత్మ కళ్ళతో చూపిస్తుంది. అంటే స్క్రీన్ మీద మనమే ఆ దెయ్యం అన్నమాట! పెద్దగా అరుపులు, రక్తం ఏమీ ఉండవు కానీ.. ఆ ఇంట్లో ఎవరో ఉన్నారనే ఫీలింగ్ తో వెన్నులో వణుకు పుట్టిస్తుంది. ఒక్క మాటలో చెప్పాలంటే, ఒక ఆత్మ ఒక ఫ్యామిలీ డ్రామాను చూస్తే ఎలా ఉంటుందనే కొత్త కోణంలో ఈ సినిమా సాగుతుంది.
2024లో వచ్చిన ఈ అమెరికన్ సైకలాజికల్ హారర్ సినిమా పేరు ‘ప్రెజెన్స్’ (Presence). ఈ చిత్రానికి ప్రముఖ దర్శకుడు స్టీవెన్ సోడర్బర్గ్ దర్శకత్వం వహించారు. ప్రధాన పాత్రల్లో లూసీ లీయు, క్రిస్ సుల్లివన్, కలినా లియాంగ్ నటించారు. దర్శకుడు ఈ చిత్రాన్ని కేవలం 11 రోజుల్లోనే పూర్తి చేశారు. సాధారణంగా సినిమాలు తీయడానికి నెలల సమయం పడుతుంది. అయితే స్టీవెన్ ఒకే ఇంట్లో పక్కా ప్లానింగ్తో దీన్ని చుట్టేశారు. ఈ సినిమా అంతా ఒక ఆత్మ కళ్ళతోనే చూస్తాం కాబట్టి, మనమే ఆ ఇంట్లో దెయ్యంలా తిరుగుతున్నామనే ఫీలింగ్ కలుగుతుంది.ఈ సినిమా బడ్జెట్ పరంగా చూస్తే చాలా తక్కువ ఖర్చుతో (సుమారు 16 కోట్లు) తీశారు. కానీ ఇది బాక్సాఫీస్ దగ్గర దానికి ఐదు రెట్లు ఎక్కువ వసూళ్లను సాధించి పెద్ద హిట్ అయింది. ఇది 2024 జనవరిలో సన్డాన్స్ ఫిల్మ్ ఫెస్టివల్లో విమర్శకుల ప్రశంసలు పొందింది. 2025 జనవరిలో థియేటర్లలో విడుదలై మంచి టాక్ తో నడిచింది. ప్రస్తుతం ఈ సినిమా లయన్స్ గేట్ ప్లే, ప్రైమ్ వీడియోలో అందుబాటులో ఉంది.
ఒక ఫ్యామిలీ సిటీ బయట ఉన్న ఒక పాత బంగ్లాలోకి కొత్తగా కాపురం వస్తారు. ఇంట్లోకి రాగానే వాళ్లకు ఏదో తేడాగా అనిపిస్తుంది. అయితే ఈ సినిమా స్పెషాలిటీ ఏంటంటే, కెమెరా మనకు మనుషుల్ని చూపించదు. ఆ ఇంట్లో ఉన్న ఒక దెయ్యం కళ్లతో మనం సినిమా చూస్తున్నట్టు ఉంటుంది. ఆ దెయ్యం అటు ఇటు తిరుగుతూ ఆ ఇంట్లో ఉన్నోళ్లు ఏం చేస్తున్నారో, ఏం మాట్లాడుకుంటున్నారో చాటుగా గమనిస్తూ ఉంటుంది. ఆ ఫ్యామిలీలో మొగుడు పెళ్ళాం మధ్య అస్సలు పడదు, ఎప్పుడూ వాదులాడుకుంటూనే ఉంటారు. వాళ్ల కూతురు క్లోయ్ మాత్రం కొంచెం సెన్సిటివ్. ఇంట్లో ఏదో ఆత్మ ఉందని ఆ అమ్మాయికి ముందే డౌట్ వస్తుంది.
అయితే ఆ దెయ్యం విలన్ లాగా అందరినీ చంపేయాలని చూడదు, కాకపోతే ఆ ఇంట్లో జరుగుతున్న గొడవలు చూసి అది కూడా కొంచెం ఎమోషనల్ అవుతూ ఉంటుంది. పోను పోను ఆ ఇంట్లో ఉన్న దెయ్యానికి, ఈ అమ్మాయి క్లోయ్కి మధ్య ఒక తెలియని కనెక్షన్ ఏర్పడుతుంది. చివరికి ఆ దెయ్యం ఎక్కడి నుంచి వచ్చింది? అది ఆ ఫ్యామిలీకి హెల్ప్ చేసిందా లేక కొంప ముంచిందా ? అనేదే అసలు పాయింట్. ఇది రొటీన్ హారర్ సినిమాల్లాగా భయంకరమైన మేకప్ లు, గట్టి అరుపులు ఉండవు, అయితే ఆ దెయ్యం పాయింట్ ఆఫ్ వ్యూలో సినిమా చూడటం మాత్రం భలే గమ్మత్తుగా ఉంటుంది.
Read Also : సీక్రెట్ మొబైల్ యాప్ వలలో చిన్న పిల్లలు… మెంటలెక్కించే సైకలాజికల్ మైండ్ గేమ్
Share
కష్టాల్లో కూడా ధైర్యం నింపే చాణ్యకుడి బోధనలు.. విజయం వైపు నడిపించే ఉపదేశాలు
చర్చి కడదామని వచ్చి.. కక్షలు, కార్పణ్యాల్లో చిక్కుకున్న ఫాదర్... సైలెంట్ గా మొదలై వైలెంట్ గా మారే కథ
