Mystery Thriller OTT : ఓటీటీలో ఆడియన్స్ అట్రాక్ట్ అయ్యే జానర్లలో సైకలాజికల్ థ్రిల్లర్ కూడా ఒకటి. మిస్టీరియస్ ట్విస్టులతో ఆకట్టుకునే ఇలాంటి సినిమాలు మొదటి నుంచి క్లైమాక్స్ వరకూ ఎంగేజింగ్ గా ఉంటాయి. ఇలాంటి సినిమాలను కన్నార్పకుండా చూసే వాళ్ళ కోసమే ఈ మూవీ సజెషన్. మరి మూవీ వివరాలేంటో తెలుసుకుందాం పదండి.
2023లో విడుదలైన బెంగాలీ సైకలాజికల్ మిస్టరీ థ్రిల్లర్ వెబ్ సిరీస్ ‘శ్వేతకాలీ’ (Shwetkali). సాని ఘోష్ రే డైరెక్ట్ చేసిన ఈ సిరీస్ రిచ్ ఫ్యామిలీస్, వాళ్ళ సీక్రెట్స్, సూపర్నాచురల్ ఎలిమెంట్స్ చుట్టూ తిరుగుతుంది. 8 ఎపిసోడ్స్ ఉన్న ఈ షో 2023 ఫిబ్రవరి 24న జీ5 (ZEE5) ఓటీటీలో రిలీజ్ అయింది. బెంగాలీ బెస్ట్ థ్రిల్లర్స్ లో ఒకటిగా ప్రశంసలు అందుకున్న ఈ సిరీస్ బెంగాలీ ఆడియోతో పాటు ఇంగ్లీష్ సబ్టైటిల్స్ ఆప్షన్ లో అందుబాటులో ఉంది.
ఓంద్రిల్లా సేన్ ఉర్వి పాత్రలో, షాహెబ్ భట్టాచార్జీ పలాష్ పాత్రలో నటించారు. ఓంద్రిల్లా ఓటీటీ డెబ్యూ ఇదే కావడం విశేషం. సపోర్టింగ్ రోల్స్ లో సౌరవ్ చక్రవర్తి, అరిందమ్ గంగులి, దేబ్దుత్ ఘోష్, దేవ్లినా కుమార్, సమదర్శి దత్తా, స్వాగతా బాసు, రిషి కౌశిక్ తదితరులు ఉన్నారు. ఓంద్రిల్లా సేన్ పెర్ఫార్మెన్స్ స్టాండౌట్, ఇతరులు కూడా స్ట్రాంగ్ సపోర్ట్ ఇచ్చారు. సాని ఘోష్ రే డైరెక్షన్లో సస్పెన్స్ బిల్డప్, ఇంటర్పర్సనల్ రిలేషన్స్ బాగా చూపించారు. ఇప్పుడు పూర్తి సిరీస్ ఓటీటీలో అందుబాటులో ఉంది.
కథ రిచ్ బెంగాలీ ఫ్యామిలీస్ నుండి వచ్చిన ఉర్వి (ఓంద్రిల్లా సేన్), పలాష్ (షాహెబ్ భట్టాచార్జీ) ఎంగేజ్మెంట్ సెలబ్రేషన్తో స్టార్ట్ అవుతుంది. వాళ్ల ఫ్యామిలీస్ ఖరపని మాన్షన్ (పాత జమీందార్ ప్యాలెస్)లో పార్టీ ప్లాన్ చేస్తారు. ఎంగేజ్మెంట్ ప్రిపరేషన్స్ జరుగుతున్నప్పుడు ఒక గోడ పగిలి, లోపల నుండి వైట్ కాళీ మాత (శ్వేతకాలీ) విగ్రహం బయట పడుతుంది. గ్రామస్తులు దీన్ని అపశకునంగా భావిస్తారు. ఆ విగ్రహం బయట పడ్డాక ఫ్యామిలీ మధ్య గొడవలు స్టార్ట్ అవుతాయి. ఆ తర్వాత మాన్షన్లో సీరియల్ మర్డర్స్ జరుగుతాయి.
ఫ్యామిలీ డాగ్, గెస్ట్ చనిపోతారు. ఉర్వి మిస్టరీని ఇన్వెస్టిగేట్ చేస్తూ, మాన్షన్కి 300 ఏళ్ల నాటి డార్క్ సీక్రెట్స్ ను బయట పెడుతుంది. సూపర్నాచురల్ ఎలిమెంట్స్, ఫ్యామిలీ డ్రామాతో సస్పెన్స్ పీక్కి వెళ్తుంది. చివరి ఎపిసోడ్స్లో షాకింగ్ ట్విస్ట్స్ ఉంటాయి. మరి ఇంతకీ ఆ మాన్షన్ కు ఉన్న శాపం ఏంటి? ఎందుకు ఆ ఇంట్లో అందరూ చనిపోతున్నారు ? 300 ఏళ్లనాటి మిస్టరీ ఏంటి ? అన్నది సిరీస్ ను చూసి తెలుసుకోవాల్సిందే. ‘శ్వేతకాలీ’ ఒక చిల్లింగ్ పైకలాజికల్ థ్రిల్లర్. హారర్, మిస్టరీ, డ్రామా అద్భుతంగా ఉంటుంది. కొంచెం స్లో పేసింగ్ ఉన్నా, థ్రిల్లర్ ఫ్యాన్స్కి మస్ట్ వాచ్. రాత్రిపూట చూస్తే వణుకు గ్యారంటీ.
Share
Akhanda 2: 'అఖండ 2' క్లోజింగ్ కలెక్షన్స్.. 2025 లో బిగ్గెస్ట్ డిజాస్టర్ ఇదే..!
Bigg Boss Kalyan : బిగ్ బాస్ కళ్యాణ్ ఆ పార్టీలో చేరడా..? పూర్తి స్టోరీ వింటే షాక్ అవ్వాల్సిందే...
