Radhika: రాధిక శరత్ కుమార్ (Radhika Sarathkumar).. ఒకప్పుడు తెలుగు దిగ్గజ స్టార్ హీరోల సరసన నటించి తనకంటూ ఒక స్టార్ హోదాను దక్కించుకున్న రాధిక శరత్ కుమార్. సెకండ్ ఇన్నింగ్స్ లో కూడా వరుస పెట్టి సినిమాలు చేస్తూ దూసుకుపోతున్న విషయం తెలిసిందే. అలాంటి ఈమె 63 సంవత్సరాల వయసులో కూడా బాక్సాఫీస్ వద్ద తన మూవీ కలెక్షన్స్ తో విధ్వంసం సృష్టించి అబ్బురపరిచింది. రాధిక డీ గ్లామరస్ పాత్ర , నటన, కామెడీ, గ్రామీణ వాతావరణం, కథకు ప్రేక్షకులు ఫిదా అయిపోయారు. ముఖ్యంగా ఈ ఏడాది తమిళ చిత్ర పరిశ్రమలో బిగ్గెస్ట్ హిట్ గా నిలిచిన చిత్రం తాయ్ కెలవి.
రాధిక శరత్ కుమార్ తన ఇన్నేళ్ల కెరియర్లో మునుపెన్నడూ చేయని విధంగా భిన్నమైన వృద్ధురాలి గెటప్లో నటించి అందరిని ఆకట్టుకుంది. ముఖ్యంగా ఈ పాత్ర పోషించడానికి ఆమె పడ్డ కష్టం స్క్రీన్ పై స్పష్టంగా కనిపిస్తోందని చెప్పవచ్చు. సుమారుగా మేకప్ వేసుకోవడానికి 5 గంటలు.. తీయడానికి రెండు గంటల సమయం పట్టేదట . ఈ వయసులో కూడా అంతటి కష్టంతో సినిమాపై తనకున్న అంకిత భావాన్ని రాధిక చాటుకున్నారు. మరి రాధిక నటించిన ఈ అద్భుత దృశ్య కావ్యం డిజిటల్ ఎంట్రీకి ఎప్పుడు వస్తుందా అని అభిమానులు ఎంతగానో ఎదురు చూడగా.. ఆ సస్పెన్స్ కి తెర దించుతూ చిత్ర బృందం కీలక ప్రకటన చేసింది.
ఫిబ్రవరి 27వ తేదీన ప్రేక్షకుల ముందుకు వచ్చిన ఈ సినిమా కేవలం 9 కోట్ల బడ్జెట్తో ఏకంగా 450 కి పైగా థియేటర్లలో విడుదలై.. ఇండియాలో వచ్చిన గ్రాస్ తో పాటు ఓవర్సీస్ కలెక్షన్స్ మొత్తం కలుపుకొని ప్రపంచవ్యాప్తంగా ఇప్పటివరకు 80.16 కోట్ల గ్రాస్ వసూలు చేసి రికార్డు సృష్టించింది ఈ సినిమా . అలాంటి ఈ సినిమా ఇప్పుడు ఓటీటీలోకి రావడానికి సిద్ధం అయ్యింది.
ప్రముఖ ఓటీటీ దిగ్గజం జియో హాట్ స్టార్ ఈ సినిమా డిజిటల్ స్ట్రీమింగ్ హక్కులను భారీ ధరకు సొంతం చేసుకుంది. థియేటర్లలో విడుదలైన 6 వారాల తరువాత ఓటీటీలో స్ట్రీమింగ్ చేయాలనే ఒప్పందం ప్రకారం ఏప్రిల్ 10 నుంచి తెలుగు, తమిళ్, కన్నడ, మలయాళం, హిందీ భాషలలో ఈ సినిమాను విడుదల చేయబోతున్నట్లు జియో హాట్ స్టార్ ప్రకటించింది. మరి థియేటర్లలో బ్లాక్ బస్టర్ గా నిలిచిన ఈ తాయ్ కెలవి ఓటీటీలో ఎలాంటి సంచలనాలు సృష్టిస్తుందో చూడాలి.
ALSO READ:అనుష్క శెట్టి ‘కథనార్’ ట్రైలర్.. ఆ వీఎఫ్ఎక్స్ ఏంటి భయ్యా, హాలీవుడ్ రేంజ్ ఉంది!
తాయ్ కెలవి చిత్రాన్ని శివ కార్తికేయన్ , సుధన్ సుందరం నిర్మాతలుగా మారి ప్యాషన్ స్టూడియోస్, శివ కార్తికేయన్ ప్రొడక్షన్స్ బ్యానర్లపై సంయుక్తంగా నిర్మించారు. సీనియర్ హీరోయిన్ రాధికా శరత్ కుమార్ ప్రధాన పాత్రలో సింగం పులి, మునిష్ కాంత్, ఇలవరసు, అరుళ్ దాస్, బాలా శరవణన్, రైచల్ రెబాకా తదితరులు కీలకపాత్రలు పోషించారు. శివకుమార్ మురుగేషన్ దర్శకత్వం వహించారు. మొత్తానికైతే భారీ అంచనాల మధ్య వచ్చిన ఈ సినిమా ఊహించని బ్లాక్ బస్టర్ ని సొంతం చేసుకొని ఇప్పుడు ఓటీటీ స్ట్రీమింగ్ కి సిద్ధమయ్యింది.
Share
ఇరాన్ యుద్ధంతో అమెరికా ఖజానా ఖాళీ.. నెల రోజుల్లోనే రూ.2.63 లక్షల కోట్లు హాంఫట్!
ర్రేయ్ ఇలా కూడా ఉంటార్రా..? భార్యను చంపేందుకు భర్త క్షుద్రపూజలు, మర్రిచెట్టు కింద ఫోటోలతో..!
