Paanch Minaar OTT: ఇటీవల కాలంలో సినిమాల పట్ల ఓటీటీ ప్రభావం ఎక్కువగా ఉన్న సంగతి తెలిసిందే. ఓటీటీ డీలింగ్ ప్రకారమే సినిమాలను థియేటర్లలో విడుదల చేస్తున్నారు. ఇక థియేటర్లోకి వచ్చిన కేవలం నాలుగు వారాల వ్యవధిలోనే సినిమాలన్నీ కూడా ఓటీటీలో ప్రసారమవుతున్నాయి. అయితే థియేటర్లో విడుదలైన కేవలం వారం రోజుల వ్యవధిలోనే సినిమా ఓటీటీలోకి వచ్చి అందరిని ఆశ్చర్యానికి గురి చేసింది. టాలీవుడ్ అండ్ హీరో రాజ్ తరుణ్(Raj Tarun) ఇటీవల నటించిన క్రైమ్ థ్రిల్లర్ కామెడీ చిత్రం పాంచ్ మినార్(Paanch Minar). ఈ సినిమా నవంబర్ 21వ తేదీ థియేటర్లలో ప్రేక్షకుల ముందుకు వచ్చింది.
ఇలా థియేటర్లలో ఈ సినిమా పెద్దగా ప్రేక్షకులను ఆకట్టుకోలేకపోయింది. ఈ తరుణంలోనే గత శుక్రవారం థియేటర్లలో ప్రేక్షకుల ముందుకు వచ్చిన పాంచ్ మినార్ ఈ శుక్రవారం ఓటీటీలోకి వచ్చి అందరిని ఆశ్చర్యానికి గురి చేసింది. ఎలాంటి హడావిడి లేకుండా థియేటర్లో విడుదలైన వారం రోజుల వ్యవధిలోనే ఈ సినిమా అమెజాన్ ప్రైమ్ వీడియో(Amazon Prime Video)లో అందుబాటులోకి వచ్చింది. ఇదివరకు రాజు తరుణ్ నటించిన సినిమాలతో పోలిస్తే ఈ సినిమా పరవాలేదు అనిపించుకున్నప్పటికీ వెంటనే ఓటీటీలోకి రావడంతో అందరూ ఆశ్చర్యం వ్యక్తం చేస్తున్నారు. ఈ సినిమాలో రాజ్ తరుణ్ కు జోడిగా నటి రాశి సింగ్(Rashi Singh) హీరోయిన్ గా నటించారు. ఈ సినిమాకు రామ్ కుడుముల దర్శకత్వం వహించారు.ఇక ఈ సినిమాని మాధవి, ఎంఎస్ఎమ్ రెడ్డి ఎంతో ప్రతిష్టాత్మకంగా నిర్మించి ప్రేక్షకుల ముందుకు తీసుకువచ్చారు.
రాజ్ తరుణ్ ఇటీవల కాలంలో తన వ్యక్తిగత విషయాల ద్వారా పెద్ద ఎత్తున వార్తలో నిలుస్తున్నారు. అయినప్పటికీ వరుస సినిమాల ద్వారా ప్రేక్షకుల ముందుకు వస్తున్నారు. ఈయన నటించిన సినిమాలేవి పెద్దగా ప్రేక్షకులను ఆకట్టుకోలేకపోతున్నాయి. క్రైమ్ థ్రిల్లర్ కామెడీ గా వచ్చిన పాంచ్ మినార్ కూడా అనుకున్న స్థాయిలో ప్రేక్షకాదరణ సొంతం చేసుకోలేకపోయింది. ఈ తరుణంలోనే థియేటర్లో విడుదలైన వారానికే ఓటీటీలోకి వచ్చేసిందని చెప్పాలి.
ఈ సినిమా కథ విషయానికి వస్తే..
కృష్ణ చైతన్య అలియాస్ కిట్టు(రాజ్ తరుణ్) బిట్కాయిన్ స్కాంలో భాగంగా లక్షల్లో డబ్బును నష్టపోతారు. అయితే ఈ నష్టాన్ని తిరిగి పూడ్చడం కోసం కిట్టు క్యాబ్ డ్రైవర్ గా మారిపోతారు. ఇలా ఒకరోజు తన క్యాబ్ లో ఇద్దరు కాంట్రాక్ట్ కిల్లర్లు తమ టార్గెట్లను చంపుతారు. కిట్టు ఎలాగోలా తప్పించుకున్నా కూడా కిట్టుని చంపాలని ప్రయత్నాలు చేస్తుంటారు. ఈ తరుణంలోనే ఆ ఇద్దరు కాంట్రాక్టు కిల్లర్లు లోకల్ రౌడీ మూర్తి(అజయ్ ఘోష్), అలాగే CI అయ్యర్(నితిన్ ప్రసన్న)తో కలిసి కిట్టుని చంపే ప్రయత్నం చేస్తుంటారు. మరి వారి నుంచి కిట్టు ఎలా తప్పించుకున్నారనేదే ఈ సినిమా కథ.
Also Read: Lokesh Kanagaraj: ఐకాన్ స్టార్ ను ఇంప్రెస్ చేసిన లోకేష్ కనగరాజ్…భారీ ప్రాజెక్ట్ లోడింగ్?
Share
Telangana Sarpanch Election: సర్పంచ్ ఎన్నికల వేళ.. పదవి కోసం లక్షల్లో వేలం పాటలు
Bigg Boss 9 Telugu : బిగ్ బాస్ లో చివరి కెప్టెన్ గా డిమాన్ పవన్.. అసలు ఆట ఇప్పుడే మొదలైంది..
